Maronad

† E koun ur c’heneil

… Na peoc’hus da zremm keneil !
Da zremm marmor difiñv ez kousk
Da zremm ma pare warnañ ken lies
Mousc’hoarzh ar mousfent
Mousfentelezh dizrouk da anien
A rae da zarempred ken dedennus.
… Gourenet ac’h eus keneil,
Kadarn hag habask, en kristen,
Da nerzh o teuziñ berad ha berad er boan
Hogen da Feiz dalc’hmat divrall.
… Kousk en peoc’h keneil
N’out ket distroet davet an Tad
Gant da zaouarn goullo :
Hanter-kant vloaz trevell !
Toullet ha kompezet ac’h eus an hent
D’ar re a red enno gwad da Ouenn.
Ar chadenn n’eo ket torret
Etre an Dazont hag an Tremened.
Int a zalc’ho d’az tri c’her-stur :
Ar Vro. Ar Feiz. Ha micher sakr da Lignez.
… Kousk en peoc’h. Keneil
Da vuhez zo bet ur skouer.

11 a viz Mezheven 1966







« »