An Den Kozh

Ken flour hag ur rozenn
Ez eo chomet e zremm
Kurunennet e benn
Gant e vlev du-ha-gwenn
Krommet un tamm e choug
Hag an dilhad a zoug
Zo dezhañ kalz re vras
Met bepred eo ur gwaz
Sklaer e lagad. Lemm e selloù
A-dreñv e lunedoù
Mousfent en e vousc’hoarzh
Hag e c’hoarzh zo ur marzh
Ponnerglev un nebeud
E barlant bepred reut
E varn zo atav reizh
Yac’h e galon ‘n e greiz
E garantez berv
Ouzh e Yezh. Ouzh e Vro
Ar Breizhad Kozh !

2 a viz Kerzu 1979







« »