Ar plad-tufañ

Ha bete Vitam Eternam
‘Vezin-me kondaonet
Da zerc’hel ar plad-tufañ
Dindan c’henoù kement diod
A zeuy da vabouziñ hep aotre
En ti-mañ savet gant va zad ?
Daoust ha me zo em c’harg
Adplantañ e klopenn pep azen
Eo e zlead hinnoal
Evel ma rae e lignez
Ha deskiñ e ziskennidi
D’ober hevelep ?

Nag un drugar divizout
Gant ar gwir Vreizhiz
Nag un drugar merzout
Al lorc’h, ar Valc’hded
A zo e kalon ar yaouankiz
O deus bet an Eurvad
Da gaout kerent emskiantek
O deus lezet ganto
Kaerañ hêrezh ar bed bev
Yezh ha sevenadur ar ouenn.

Nag ur c’halvar en enep
Displegañ e galleg
(N’eo ket va yezh)
Da dud va bro, va c’hontre
Ar gwirionezoù kalet
O laka alies da feukañ
Dre m’eo lazhet enno
Ar spered kelt.

[1980 ?]





« »