An douristed

Fent e lakont din
(Pa ‘n em lakont da gounnariñ !)
Emaint, emezo, o klask ar sioulded
Diskuizhañ eus safar ar c’hêrioù !
O Sioulded sakr ar maezioù ?
Te barrleun a vuhez kuñv
Int eo da strafuilh
‘Vel ma strafuilh plouf ur maen
Gorre lor al lenn
Ne glevan mui a-hed an deiz
Va c’heneiled askellek
Nag e don e san
Va mignon ar skrilh
E pep korn ar gêriadenn : un dourni
Toumpi ar c’hirri-tan flaerius
Todilhon an trañzistored
O treiñ dibaouez, o strewiñ en aer
Youc’hadennoù gouez gouezviled
Tec’het diouzh o c’haelioù
Pe c’hweñvadennoù kizhier gweget
Ma lakont chas ar c’hartier en egar
Hag ar c’higi da ganañ war o c’hlud
O sioulded ! Sioulded sakr ar maezioù !
N’eus nemet ar maeziad
Hag a ouife da veizañ
Hag a ouife da dañva.

31 a viz Gouere 1967

E galleg



   




« »