\u2014 Ret mat eo din modernaat
\n Eme Yann.
\n Ret mat din prena\u00f1 mekaniko\u00f9
\n \u2014 Ha mont d’an Amprest
\n ‘Vel-just \u2014
\n Ha skei\u00f1 e-barzh goude
\n Noz-deiz. Sul-ouel
\n War va zout. Hard\u00ee !
\n (Evit paea\u00f1 miliono\u00f9 dle)
\n \u2014 Yann baour !
\n Lez ‘ta ar mekaniko\u00f9-se er stal
\n Kred ac’hanon
\n Biken paotr-kaezh na savi da choug !
\n Da venvio\u00f9 modern
\n ‘Vo aet d’ar ferrailh
\n N’az po ket c’hoazh echu d’o faea\u00f1
\n \u2014 Pren kentoc’h un tamm kreion, sell :
\n (Tri az po evit triwec’h gwenneg)
\n Paper avat a gavi a-stlabez
\n Forzh pelec’h. Forzh pegement.
\n Hag azez da skriva\u00f1.
\n Kred ac’hanon
\n Divrevoc’h ‘vo dit kalz.
\n Ya ‘ta skriv, skriv
\n Forzh petra. Forzh penaos
\n Kaout a ri klianted d’o lenn.
\n \u2026 O, ne c’hounezi ket muioc’h
\n Eget gant da vekaniko\u00f9
\n Met n’az po ket da samm a zle
\n Ha gounit a ri brud
\n Paotr kaezh. Ch\u00eazuz !
\n Barrek out end-eeun da c’hounit
\n Un Delwenn ‘benn goude da varv !
\n Pe zoken en da vev
\n Gant da greion. Ha da lerbaj
\n Da greion a c’hwec’h gwenneg !
\n Gant da vekaniko\u00f9 modern
\n Petra ‘c’hounezfes ?
\n Korfado\u00f9 gwallreuz.
\n Gwarizi un darn.
\n Goapaerezh un darn all.
\n Avi ur rummad :
\n Touristed k\u00ear !
\n O ! emezo, ar peizant
\n Ne ra mui netra
\n Nemet pourmen
\n War e draktor !
\n \u2026 Ha\u00f1 ? Sede aze tud
\n Hag a wel sklaer !
\n Ha\u00f1 ya ! war baper !
\n Pa l\u00e2ran dit
\n Peizant va breur
\n Tap da greion ha skriv
\n Dizale te vo un Den-meur
\n An holl ouzh da veuli\u00f1
\n Met gortoz, selaou va ali
\n E trao\u00f1 da skrid laka da sin
\n Mar kerez. Met diwall
\n Diwall. Paotr paour
\n Da lakat da chomlec’h
\n Da di ‘vefe dizale ul lec’h
\n Washoc’h eget un ifern\u2026<\/p>\n
3 a viz Ebrel 1972<\/p>\n