Ar maezio\u00f9 a gomz
\n \u00ab Seblantout a ra dit eo an avel
\n A ra din daskrena\u00f1 ha klemm !
\n N’eo ket an avel
\n Nag ar bloavezhio\u00f9
\n N’eo ket hepken ar bloavezhio\u00f9
\n Met an dud. Va bugale
\n Ha bugale va bugale.
\n Ar re-se am eus maget gant va sev
\n Ar re-se o deus debret ‘leizh o geno\u00f9
\n Bara tomm va gwinizh
\n Ar gwinizh-se graet gant va gwad
\n \u2026 Ar merc’hedigo\u00f9-se a guntuilhe
\n Va bokidi roz-kamm, ‘vel bokidi levenez
\n Bozado\u00f9 Heol Ebrel !
\n \u2026 Ar baotredigo\u00f9-se a rede ar
\n girzhier, ar c’hleuzio\u00f9
\n A grape e barr uhela\u00f1 ar gwez
\n Da vare an neizho\u00f9.
\n Ar vugaligo\u00f9-se o ruilhal, o kana\u00f1
\n O c’hoarzhin, o kousket e geot
\n Klouar ha frondus va frajo\u00f9
\n D’an nevez-ha\u00f1v
\n \u2026 Ar vesaerien-se a galfiche
\n O zroad skourjez em bodo\u00f9 kelenn
\n Hag o sutello\u00f9 em bodo\u00f9-skav.
\n Evito em eus lakaet gerio\u00f9 war
\n veulgan pep labous
\n Evito em eus lakaet un anv
\n war bep bleu\u00f1venn
\n War c’heotenno\u00f9 ar wrimenn
\n Ha war wez ar brouskoad.
\n Dizoloet am eus dezho kevrin pep plantenn
\n Evito ‘oa va frouezh gouez
\n warno blaz ar glav hag ar mel.
\n Tommet am eus o izili munut
\n Gant va c’hoado\u00f9 frondus
\n o tevi\u00f1 en oaled
\n Evel ma tomman izili diwad
\n ar c’hozhiad da serr-noz e vuhez.
\n Da amourouzien an nevez-ha\u00f1v
\n E kinnigen va spern-gwenn
\n Ha c’hwezh mezvus va gwezvoud
\n ‘us d’an hento\u00f9 don.
\n Ha pep boud a gane :
\n Ar yaouankiz hag al laboused
\n Ar c’hloc’h ha trouz an dour
\n An Aezhenn hag an Ed.
\n Ha pep tra a c’hoarzhe :
\n An Heol hag ar Glav
\n Ar wazed hag ar plac’hed
\n Hag ar gazeg-koad evel un diodez !
\n Ha setu. Ha setu un deiz
\n Eo tavet ar c’han
\n Eo tavet ar c’hoarzh
\n Zoken ar minc’hoarzh.
\nUn droug kevrinus, kuzh, touellus
\nA zo ‘n em silet e kalon ar re yaouank
\nUn droug deut war askell an avel
\nA guzulikas dezho mil ha mil gaou
\nEvel kel lies a zrein kontammet.
\nO komz dezho diouti
\n Hi. Bepred Hi !
\n Hi : K\u00ear ar skl\u00earijenn !
\nAr skl\u00earijenn touellus ha gaouiat
\nA sach hag a suilh
\nKement boud askellek
\nBalafenned ha yaouankiz her
\n Hi : al lonkerez
\n Hi : ar ro\u00f1flez
\nA ‘n em vag gant Peizanted
\nA dramm ar gouerien
\nA laer dezho o Ene.
\nTrellet, bazhyevet, strobinellet
\nAnkounac’haus eus an Tremened
\nAnkounac’haus eus an Eienenn
\nAnkounac’haus eus o Magerez
\nAet int kuit ‘n ur c’hoarzhin
\nAet int kuit ‘n ur gana\u00f1
\nAet int kuit o blev en avel
\nHag o c’halon war o dorn
\nO Ene war ribl o muzell.
\nHag ar Ro\u00f1flez diwalc’hus
\nHe deus pasket diwar o zenerded
\nSunerez : evet he deus o gwad
\nHa distaolet o c’horf dizanv
\nWar ar pavezio\u00f9 uzet
\nO anv troket evit un niverenn
\nO fersonelezh kemmet en ardivink
\nO redek eus ar \u00ab metro \u00bb d’ar \u00ab bus \u00bb
\nHag eus ar \u00ab bus \u00bb d’ar \u00ab metro \u00bb
\nBadinellet. Bouzaret. Debret.
\nGloazet. Argarzhet. Kondaonet d’ar chadenn
\nUnnek miz war daouzek.
\nYaouankiz hor Bro ! Ha yaouankizo\u00f9 all !
\nD’an daouzekvet miz, lod a zistro
\nHer ha balc’h an tamm anezho
\nKarr-tan, mini-brozh, frondo\u00f9 c’hwek
\nO vra\u00f1sigellat o boest-sonerezh.
\nLod a zistro ? Tremen a reont nemetken\u2026
\nDa saludi\u00f1 o re gozh.
\nAr re gozh stag ouzh o zachenn
\nNa guitafont nemet evit Eben.
\nAn dachenn all ouzh skeud ar c’hloc’hdi
\nAn dachenn plantet a groazio\u00f9 koad
\nPe a groazio\u00f9 mein-benet.
\nAr re-se zo din da viken
\nHoll o deus roet din kement tra :
\nO divrec’h hag o c’halon
\nO Levenez hag o daero\u00f9
\nD’ar re-se ‘vezin dous ha ska\u00f1v
\nDa zeiz an Unvanidigezh veur
\nHogen, pa yud an avel d’an nozio\u00f9 goa\u00f1v
\nE veskan va daero\u00f9 gant e vouezh
\nDa c’hervel va bugale disuj
\nA-bouez gerio\u00f9 graet a zifronkadenno\u00f9
\nGouela\u00f1 ‘ran war va lannegi
\nO lann kaledet, o raden flastret
\nO drez o wriat ar spern-du
\nPa dav tousmac’h ar c’hezeg dir
\nDouret gant gwelien flaerius.
\n\u2026 Pelec’h eo aet va c’hezeg kent ?
\nVa c’hezekenned o gwad bervet.
\n\u2014 Maget gant lann pilet
\nVa lannegi brokus \u2014
\nA drenie an tumporello\u00f9 pounner
\nPe a drote war ar gweturio\u00f9 ska\u00f1v
\nNag e karen klevout stlak ar skourjez
\nHa dasson ar falc’h dindan an higolenn
\nGolvizhi ar c’hannerezed
\nBoto\u00f9-koad tachet ar vugale
\nWar hento\u00f9 ar skol.
\nUr c’hloc’h a di\u00f1s atav
\nHogen ha\u00f1val eus glaz ar marv.
\nPa gouezh eus an tour kozh
\nA\u00f1jeluz ar serr-noz
\nEn notenno\u00f9 gorrek ha mouget o mouezh gwanaet er brum,
\nBrevet en em daolan da hun,
\nPaket em mantell spoue ha delio\u00f9 sec’h.
\nNeuze etre divrec’h Doueez ar c’housk
\nE kantrean em Amzer dremenet
\nEr mareado\u00f9 kre\u00f1v eus va Istor
\nEm hunvre e welan va Harozed
\nRe ar mojenno\u00f9 ha re an Hanez :
\nArzhur. Nevenoe. Tostoc’h Kadoudal
\nAr Barzh meur : Marzhin e Delenn aour.
\nListri teirgwern. Rederien-vor
\nSent hag Ebed
\nMenec’h difraosterien ha tisaverien
\nBrezelourien direbech
\nArzourien. Kizellerien tourio\u00f9 dantelezh.
\n\u2026 Tromenio\u00f9 Sent.
\nKestell-kre\u00f1v. Manerio\u00f9
\nMarc’heien diniver
\nO komz dre lorc’h yezh Keltia !
\nEuredo\u00f9 ambrouget
\nGant bombard ha binio\u00f9.
\nHa tantado\u00f9 Gouel Yann,
\nO treistskl\u00earijenni\u00f1 an noz.
\nGwelout a ran va Dugez
\nEn he mantell erminiget
\nAnna Vreizh. Anna fur
\nAn Dugez vat o ‘n em deurel
\nE gouzoug ar Bleiz a-benn div wech
\nEvit savetei\u00f1 he sujidi
\nHa bet e vezo aner hec’h aberzh ?
\nHa bet ‘vezo aner kantaberzh
\nSoudarded pevarzek ?
\nHag aner merzherenti Boscher, Perrot,
\nJasson hag ar re all ?
\nAr pikernio\u00f9 denelezh-se !
\nHa ven e vefe bet o abeg beza\u00f1 ?
\nAn diazez a zo o frailha\u00f1 e pep lec’h
\nVa mibien \u2014 ha muioc’h va merc’hed \u2014
\nA dro kein da zouar o Hendado\u00f9
\nKerzhout a reont trema Hi : ar Ga\u00f1valez
\nHi, va c’hevezerez milliget\u2026
\n\u2026 Trei\u00f1 a ra va hun da wallhunvre
\nDihun’ a ran ‘n ur gourlamm
\nMa ! An Heol zo savet ‘us d’ar run
\nKlouar eo ar c’hinvi frondus
\nHa\u2026 raksantout ‘ran ur veza\u00f1s.
\nKomzet ‘m eus ‘micha\u00f1s dre va c’housk
\nUnan bennak en defe va c’hlevet ?
\nKlevout a ran ar raden o trouzal
\nMarteze ur bigrier beureel ?
\n\u2014 Bigrier ? Naren. Me eo ! Douar a garan !
\nEdon ouzh da selaou, un nebeudig zo
\nHa truez ‘m eus diouzh da c’hlac’har,
\nDa gavout a ran direizh, nebaon
\n\u2014 Ha\u00f1val ouzh ar re a c’houza\u00f1v kalz \u2014
\nRak da Ouenn n’eo ket aet da get,
\nAr Ouenn Gelt zo divarvel !
\nYa, me ‘oar, tec’het int
\nAr re-se o doa ur galon strizh
\n\u2014 Ur galon enk a implijad izel \u2014
\nHogen chom a ra ganit ar re wella\u00f1.
\nAr reo\u00f9 c’hlan, ne redont ket
\nWar-lerc’h an arc’hant, nag an Enor
\nNag ar plijadurezhio\u00f9
\nChom a ra ganit da Garidi
\nLod a lavar int tudigo\u00f9
\nMe a lavar int meurdud !
\nN’eo ket ret ‘vefent ar brasniver
\nPep hini outo a dalv kant, ha mil.
\nHag ouzhpenn. Int eo ar goell
\nA laka an toaz en go.
\nEma\u00f1 an amzer oc’h oberia\u00f1 evidout
\nNe glevez ket dija du-hont
\nE menezio\u00f9 Kerne
\nKu\u00f1v ha kre\u00f1v war un dro
\nAn Delenn o tregerni\u00f1 gant sonio\u00f9 nevez
\nNotenno\u00f9 ranngalonus
\nO c’hervel d’ar stourm ?
\nGlanndour. Glenmor. Stivell
\nHa re all : Barzhed. Sonaozourien
\nO treuskas ar flammerenn
\n‘N ur c’hwezha\u00f1 war he flamm.
\nHa gwalenn-gein Arvorig kozh
\nA dregern gant o lavar, a skrij gant terzhienn
\nA garnat dihabask, a wink dindan ar yev
\nHag an heklev a gas du-hont
\nEn tu all d’ar mor don
\nKan an Delenn hag ar gitar
\nO son Karantez Keltia
\nKarantez douar Breizh hor Bro.
\nEma\u00f1 ar Beure o tarzha\u00f1 !
\nTost eo an Eur hag an Amzer.
\nMa stlako ‘r Gwenn-ha-du
\nEn k\u00ear ha war ar maez
\nMa savo a bep tu
\nUr c’han a Levenez.
\n D’ar Beure-Meur \u2014 echu da hun \u2014
\n E klevi Bombard ha binio\u00f9
\n O son an Trec’h war lein ar run
\n Ma trido Ene hon Tado\u00f9
\n Dorn-ha-dorn gant Breudeur
\n Kembre ha Kerne-Veur
\n Kendirvi Iwerzhon
\n Alba hag Enez Von
\n Kevinianted Galikaia
\nSeizh Bro !
\n Un Ene !
\n Keltia ! \u00bb<\/p>\n
Trao\u00f1-an-Dour, 18 a viz C’hwevrer 1970<\/p>\n","protected":false},"excerpt":{"rendered":"
Ar maezio\u00f9 a gomz \u00ab Seblantout a ra dit eo an avel A ra din daskrena\u00f1 ha klemm ! N’eo ket an […]<\/p>\n","protected":false},"author":1,"featured_media":0,"comment_status":"closed","ping_status":"open","sticky":false,"template":"","format":"standard","meta":{"_acf_changed":false,"ngg_post_thumbnail":0,"footnotes":""},"categories":[86,88],"tags":[],"class_list":["post-495","post","type-post","status-publish","format-standard","hentry","category-poemes-bz-cy","category-cahiers-bz-cy"],"acf":[],"yoast_head":"\n