I
\n Me zo ganet en un ti plouz
\n ‘Kreiz ar maezio\u00f9 glas ha didrouz
\n E koanta\u00f1 traonienn zo ‘n Treger
\n Ma red enni sioul al Leger
\n Kan an avel er gwez uhel
\n ‘Deus va luskellet em c’havell
\n II
\n Me zo ganet diouzh ar mintin
\n Pa darzh an Heol war Runivin
\n Pa gan ar mesaer er prad
\n Pa gan ar pinterig er c’hoad
\n Pa sav en aer an alc’hweder
\n Da gana\u00f1 e gantik seder.
\n III
\n Me zo ganet d’an nevez-ha\u00f1v
\n Pa ‘ma\u00f1 ‘r goukoug krog da gana\u00f1
\n Pa ‘ma\u00f1 distro ar gwennili
\n Neizho\u00f9 dre-holl ha kaniri
\n Kenta\u00f1 muzik am eus klevet :
\n Kan ha richan al laboused !
\n IV
\n Me zo ganet da goulz ar bleu\u00f1v
\n Pa vez ul liorzh war bep kleuz
\n Trompilho\u00f9 aour er prajeier
\n Ha bleu\u00f1v spern-gwenn ‘leizh ar girzhier
\n Kenta\u00f1 mousc’hoarzh am boa-me graet
\n A oa d’un tro-heol arc’hantet.
\n V
\n Pa rankin kuitaat ar Bed-ma\u00f1
\n Marteze ‘vo d’un nevez-ha\u00f1v
\n Marteze ‘vo en va zi-plouz
\n E maezio\u00f9 Breizh sioul ha didrouz
\n Pa guzho ‘n Heol a-dre\u00f1v ar roz
\n Ha pa gano an eostig noz.
\n VI
\n Klaskit er prad trompilho\u00f9 aour
\n D’ober ur boked d’ar barzh paour
\n Klaskit er c’harzh bleunio\u00f9 spern-gwenn
\n D’ober d’ar barzh ur gurunenn
\n Hag en ivinenn ‘us d’am bez
\n An eostig ‘gano d’abardaez.<\/p>\n
Meurzh 1964<\/p>\n","protected":false},"excerpt":{"rendered":"
I Me zo ganet en un ti plouz ‘Kreiz ar maezio\u00f9 glas ha didrouz E koanta\u00f1 traonienn zo ‘n Treger Ma red […]<\/p>\n","protected":false},"author":1,"featured_media":0,"comment_status":"closed","ping_status":"open","sticky":false,"template":"","format":"standard","meta":{"_acf_changed":false,"ngg_post_thumbnail":0,"footnotes":""},"categories":[86,88],"tags":[],"class_list":["post-208","post","type-post","status-publish","format-standard","hentry","category-poemes-bz-cy","category-cahiers-bz-cy"],"acf":[],"yoast_head":"\n