Kinniget gant douja\u00f1s hag anaoudegezh da Roparz Hemon hanter-kant vloaz zo war ar stern evel ur marc’h-labour difaezhus. Yec’hed ha buhez hir dezha\u00f1 digant Doue evit brasa\u00f1 mad hon bro Breizh.
\n \u00ab Mamm ! En abardaez-ma\u00f1 o tistrei\u00f1 d’ar g\u00eariadenn em eus kavet stered war va Hent.
\n Diwallet am eus d’o flastra\u00f1 gant va zreid. Graet am eus un tamm distro.
\n Gwelet am eus e goueled didermen ar ranno\u00f9igo\u00f9 kannder da vlev.
\n Hag am eus merzet ez eus ulmenno\u00f9 eus va so\u00f1j gwenn ha\u00f1val ouzh santadurio\u00f9 war wenodenno\u00f9 an douar
\n I
\n Da garout a ran, Mamm, evel ma kar ar Park an trouz ken kalet-se eus ar c’harr bleinet gant ur c’houer.
\n N’hoc’h eus ket e welet morse, o vont en-dro, gant e dren bepred ingal, dre an douaro\u00f9 lodennet, o vont, hag o tont, rust, oberiant, brokus ?
\n Gouza\u00f1v a ra ar glav, ar yenien. C’hwezh an avelio\u00f9, an Heol ponner.
\n Er sioulder. Gant habaskter. Evel un embleustrer o c’houza\u00f1v amzer an arnod.
\n Met pa stag warna\u00f1 ar vuhez pe ar marc’h, ar c’harr a advev. Seblantout a ra dont da veza\u00f1 kizidik.
\n Evel pa vije bet un arc’houere hegarat eus ar menez, bet strobinellet e koad pe en houarn gant ar bloavezhio\u00f9.
\n Neuze ar c’harr a grog da hiboudi\u00f1 e gan a vuhez. Kan al Labour hag an Douar. Se eo istor an Den.
\n E anavezet en deus. Dougen ‘ra etre e c’horzio\u00f9 c’hwezenn ar c’hantvedo\u00f9, abaoe ma teraouas an Den labourat an andred-se gant e ivino\u00f9. Dougen a ra d’e rodo\u00f9 grigo\u00f1s an eskern bruzunet er parko\u00f9-se gant al luc’hed hag ar reier. Dougen a ra en e goad levenez ha poan-bev ar sklavourien hag an dud hanter dieub o deus digoret betek hiziv
\n hon Douar.
\n Dre-se, hiziv p’ema\u00f1 ar sklavelezh o vont da steuzia\u00f1, ar c’hirri ivez a varv. Bez’ e kred dezho o deus ar gwir da baouez a veza\u00f1. Me ‘gred int laouen, zoken ma seblant mantret o dremmo\u00f9.
\n Bez’ int evel kozhidi gouza\u00f1vet ganto re\u2026
\n Ha ruilhal a reont c’hoazh, ruilhal a raint betek an deiz diwezha\u00f1 o treina\u00f1 striv ur Bobl a labour hag a stourm.
\n Mamm ! Pa’m eus o gwelet o tremen em eus santet e save diouzh an douar un dasson don eus o grigo\u00f1s.
\n Ne oa ket skiltr, na lemm ha poanius evel kantik ar c’harr.
\n Bez’ e oa mouezh didermen ar Frankiz emeur o teraoui\u00f1 da veizout. Ar Spi-se en deus mouskanet an Douar a-hed kement a Gantvedo\u00f9.
\n Pa’z kwelan o vale, Mamm, gant da gig flastret ha pa glevan klemm lemm da eskern e sonjan, \u00e2 Mamm ! e treinez Poan va Fobl a-bezh.
\n Ha mont a rez o vale trema ‘r pellder. Un deiz an dremmwel az lonko. An dremmwel o splanna\u00f1, an Heol o vervel. Met neuze e vennin klevout em Douar tarzh meurdezus un Allelouia.
\n Allelouia un adginivelezh didrec’hus\u2026<\/p>\n
20 a viz Here 1970,
\n diwar Ramon Soley Ceto.<\/p>\n","protected":false},"excerpt":{"rendered":"
Kinniget gant douja\u00f1s hag anaoudegezh da Roparz Hemon hanter-kant vloaz zo war ar stern evel ur marc’h-labour difaezhus. Yec’hed ha buhez hir dezha\u00f1 […]<\/p>\n","protected":false},"author":1,"featured_media":0,"comment_status":"closed","ping_status":"open","sticky":false,"template":"","format":"standard","meta":{"_acf_changed":false,"ngg_post_thumbnail":0,"footnotes":""},"categories":[86,101],"tags":[],"class_list":["post-1340","post","type-post","status-publish","format-standard","hentry","category-poemes-bz-cy","category-anjelatrad-bz-br"],"acf":[],"yoast_head":"\n