\u2014 Un oan bihan o taskiriat, damserr e lagadigo\u00f9, en e c’hourvez eus kostez e vamm.
\n\u2014 Houidi bihan war ur poull ; ha\u00f1val diouzh c’hoariello\u00f9 bugale.
\n\u2014 Ul labous-ki, a seblant kousket-marv, o kregi\u00f1 da c’hrougnal dre e hun.
\n\u2014 C’hwirinadenn genta\u00f1 un ebeul bihan.
\n\u2014 Ur gazhez du, tamolodet en heol o paterat d’he c’hazhig gwenn o tena\u00f1.
\n\u2014 War un oabl glaswenn, skourrig hebleg ur saprenn damzu o vra\u00f1sellat ur vran.
\n\u2014 Da goulz an neizho\u00f9 :
\nWar un hent-karr daou rouzegan. Ar par, c’hwezhet e blu\u00f1v, o ta\u00f1sal hag oc’h ober orbido\u00f9 dirak e barez.
\n\u2014 Ul labousig-yar nevez-digloret o skraba\u00f1 hag o tenna\u00f1 eus an douar ur vuzhugennig, o redek kuit ganti, e vreudeurigo\u00f9 war e lerc’h o klask laerezh dezha\u00f1 e breizh.
\n\u2014 Ur c’hi bihan kousket war chupenn e vestr e penn an erv.
\n\u2014 Ur gwi\u00f1ver o krignat un aval-pin, azezet ken fentus war ur skourr. En-dro deoc’h frond an turkantin.
\n\u2014 Rod vras ur vilin o vala\u00f1 dour a dro da eon ken gwenn ha bleud gwinizh.
\n\u2014 Ur mell kevnidenn o krapa\u00f1 gant ur voger wenn un nozvezh m’emaoc’h kollet en ho so\u00f1jo\u00f9 du. N’oc’h tamm ebet brizhkredennour. Padal un elfenn a spi a sav ennoc’h a-daol-trumm.
\n\u2014 Muzik ur gistinenn rous o tifaragoelli\u00f1 eus beg ar wezenn : un notennig ska\u00f1v war bep delienn.
\n\u2014 Gant un devezh avelaj : striv ur big, ur skourrig en he beg, o nijal a-dreuz e klask tizhout he neizh e barr uhela\u00f1 an oulmenn du !
\n\u2014 Ul laouenanig o kana\u00f1 seder. Ken sonn e lost ganta\u00f1, gwintet war beg bi\u00f1s-tro ur waskerell avalo\u00f9.
\n\u2014 Mesper oc’h azvi\u00f1 (ha\u00f1val ouzh roz gell), en ur vrousgwezenn hanter dibourc’h. He deil diwezha\u00f1 ken flamm ha ma vije bet kuzhet an Heol
\ndindani.
\n\u2014 Un ebeul bihan o kemer un tamm sukr diwar balv e zorn digant ur bugel.
\n\u2014 Ur bolez o kana\u00f1 he lorc’h hag he estlamm dirak he vi kenta\u00f1.
\n\u2014 Bilbilh ar wazhig na welit ket gant ar c’hegid.
\n\u2014 Daou vreurig gevell er memes kavell.
\n\u2014 Un neizhad pennglaouigo\u00f9 o vont da nij. Hini da hini o tifluka\u00f1 eus o zoull e moger an ti kozh. O sellout estonet ha nec’het ouzh ar Bed bras. O kemer o la\u00f1s war-zu ar vodenn ivin e tu all d’ar porzh.
\n\u2014 Glizh-noz war al lanneg. Antello\u00f9 ska\u00f1v ha diniver ar c’hevnid a seblant listri-hud evit hunvreo\u00f9. Pe bleu\u00f1v-arc’hant en dro-ma\u00f1 er lann glas.
\n\u2014 Tri baotrig yaouank-yaouank ‘n o sav war ar skluz. O sellout e melezour flour al lenn o-zri int splujet en dour evel da glask paka\u00f1 o skeudenn. Na dudius o gwelout evel tri glesker o neu\u00f1v.
\n\u2014 Ur rozenn wenn er mizio\u00f9 du.
\n\u2014 Dre gan bihan taolenn ar waskerez : gwad an avalo\u00f9 o ruilhal er penton evel ur froudig dour aour.
\n\u2014 An hini diwezha\u00f1 er wezenn. Un delienn rous o krena\u00f1 gant an aezhenn (a so\u00f1jec’h). Met sede ma krog da gana\u00f1 !\u2026 Na dudius un delienn a gan !
\n\u2014 Deut zo deoc’h ur froudenn : mont da welout ar wezeg dindan an erc’h. Na dudiusa\u00f1 taolenn a gavit : ur vodenn gargal glas-du lufrus gant e-leizh a voullo\u00f9 bihan ruz-tan.
\n\u2014 Un dourredenn vihan : dour boull, traezh melen ha bili gwenn. E-kreiz ar wazhig ur maen kinviek. Diskenn ‘ra warna\u00f1 ur foeterig-dour.
\nA-lammigo\u00f9 a dro hag a zistro. Gwelout a ra e skeud en dour\u2026 Hogen o foueta\u00f1 dibaouez ar melezour gant e lost hir eo mildorret an daolenn. Drouk enna\u00f1 ez a kuit.
\n\u2014 Petra dudiusoc’h da lagad ur gour eget blev gwenn-kann e vamm ?
\n\u2014 Ken koant hoc’h eus bet kavet e varzhonego\u00f9. Ken fentus e romanto\u00f9 leun a virvilh m’o adlennit c’hoazh p’ho pez c’hoant skuba\u00f1 ho so\u00f1jo\u00f9 du.
\nNag ho pije karet klevout e vouezh, ur wech en ho puhez.
\nMa setu ! O souezh ! Un deiz dre vurzhud ar gwagenno\u00f9 ema\u00f1 aze o parlant dirazoc’h.
\nO dudi. Ar vouezh-se ken flour, ken leun, ken yaouank bepred. Biskoazh n’eo bet flouret ho skouarn gant seurt muzik.
\nNag ho poa graet ur fazi o so\u00f1jal e c’helle beza\u00f1 mouezh raouliet pe c’hwerv ur c’hozhiad !
\nHag e so\u00f1jit e madelezh an Aotrou o veza\u00f1 miret deoc’h evit ho kozhni allazig ur vouezh he dije trellet ho empenn m’ho pije he c’hlevet brema\u00f1 zo teir gwech ugent vloaz !<\/p>\n