D’am c’henderv Batist L\u2026
\nKavet ganta\u00f1 e varv
\nO vlenia\u00f1 e garr-tan
\nDoue d’e bardono !
\nA-vihanik ‘oa bet techet d’an darvoud.
\nE donkadur ‘oa mervel dre zarvoud.
\nEma\u00f1 astennet divuhez ‘n e chapel,
\nLaouen e zremm, evel boaz,
\nKousket e peoc’h Doue.
\n Gwener ar Groaz eo.
\nBleu\u00f1venn ebet. Kinklerezh ebet.
\nLi\u00f1selio\u00f9 gwenn. Pallenno\u00f9 gwenn. Plaen.
\nUr ouel ruz-mouk war Grist ar Groaz.
\nUr bod beuz fresk, bet benniget disul,
\nWar un asied gwenn gant dour benniget.
\nDiv c’houlaouenn-goar war elum.
\nDiv regennad kadorio\u00f9 er gambr teltet.
\nA-zeho\u00f9 ar vugale, mantret, mut,
\nA-gleiz ar gerent. Breudeur ha c’hoarezed
\nO ouela\u00f1 sioul\u2026 hag o pedi\u00f1,
\nMignoned o tont dibaouez. Istimet ‘oa.
\n E bried du-hont er c’hla\u00f1vdi
\nEtre ar bev hag ar marv ? Gloazet.
\nAr mevel kozh trelatet gant ar glac’har
\nD’e vestr ken karet,
\nO vont eus an eil kraou d’egile,
\n‘N ur sacha\u00f1 ar blev eus e benn.
\nPelec’h e kavo repu ? Rak echu eo d’ar menaj\u2026
\n Ar pevar bugel o deus micherio\u00f9 all
\nNe garent ket an douar.
\nO zad, e\u00f1, ‘oa unan eus karourien an douar,
\nEus ar rummad-se o vont da get.
\nRoet en deus d’an douar
\nE holl nerzh, e holl vuhez.
\nWarc’hoazh ‘vo diskennet e gorf divuhez
\nE kalon an douar binniget,
\nDa c’hortoz an dasorc’h.
\nE ene, spi am eus, zo nijet dija
\nD’an diskuizh peurbadel,
\nE paradoz an Aotrou.<\/p>\n
Ebrel 1965<\/p>\n