{"id":5647,"date":"2018-11-24T12:35:39","date_gmt":"2018-11-24T11:35:39","guid":{"rendered":"http:\/\/www.anjela.org\/oberenn\/?page_id=5647"},"modified":"2025-08-13T15:21:12","modified_gmt":"2025-08-13T13:21:12","slug":"gouezeleg-skos","status":"publish","type":"page","link":"https:\/\/www.anjela.org\/oberenn\/bz\/gouezeleg-skos\/","title":{"rendered":"Barzhonego\u00f9 troet e gouezeleg Skos"},"content":{"rendered":"

Saoghal mo leanabais
\n<\/strong>
\nChan eil clann tuilleadh ann \u2019san latha an diugh. Chan eil saoghal aca dhaibh
\nfh\u00e8in. Th\u00e8id am measgachadh gl\u00e8 \u00f2g leis na h-inbhich. Cha cheilear sian orra.
\nBithidh an sr\u00f2n ann an cuspair gach c\u00f2mhraidh \u2019san tigh. \u2019S coma leotha d\u00e8 a
\nchanas iad. Tha faclan \u2019gan cleachdadh aca a chosnadh dhaibh str\u00e0c leis a\u2019
\nbhata o chionn lethcheud bliadhna.<\/p>\n

\u2019S na l\u00e0ithean ud, nan tadhladh cuideigin air an tigh, \u2019s ann a chuirte a\u2019 chlann
\na mach a chluiche, airson gum biodh cothrom aig na h-inbhich bruidhinn gun
\nbhacadh. Bha saoghal nan inbheach \u2019na chulaidh-diamhaireachd airson na
\ncloinne. Bha se\u00f2rsa de sp\u00e8is againne dhan t-saoghal mh\u00f2r ud air an robh sinn
\ncho aincolach, mar a bhios aig duine simplidh dhan rud nach aithne dha. Leis
\nmar a ghl\u00e8idhte gnothaichean am falach oirnn, shaoil leinn gu robh a n\u00e0dur
\ndiamhair fh\u00e8in aig gach inbheach.<\/p>\n

\u2019S iad na seann daoine as motha a bhiodh \u2019gam tarrainn. Carson? Chan eil fhios
\nagam d\u00ecreach. A chionn gun deach m\u2019ionnsachadh gl\u00e8 \u00f2g urram a thoirt dha na
\nscann daoine, \u2019s d\u00f2cha. \u2019S d\u00f2cha, cuideachd, air s\u00e0illeabh truas air choireigin
\na bh\u2019agam do dhaoine easlan. Gu s\u00f2nraichte, a chionn gu robh mi a\u2019 faighinn
\nan cuid c\u00f2mhraidh glic agus tarrainneach. A chionn gu robh tobair nach teirigeadh
\naca de dh\u2019e\u00f2las \u2019us fiosrachadh air a h-uile c\u00e0il fon ghr\u00e8in.<\/p>\n

Tha dealbhan gu le\u00f2r air leantail ri\u2019m inntinn bho\u2019m chiad chuimhne: cuid anns
\nnach eil air mhaireann \u2019nam spiorad ach aon fhacal, no droch fhacal, a chleachd
\nduine; cuid eile anns a bheil cuimhne agam glan soilleir air doigh-ghi\u00f9lain
\nnan daoine, an d\u00f2igh coiscachd, an cuid aodaich, an se\u00f2l a bh\u2019aca air lasadh a
\nchur ri p\u00ecob, no am biadh a ghabhail, no g\u00e0ire a dheanamh. \u2019S ne\u00f2nach mar a
\nghl\u00e8idheas leanaban na rudan sin air chuimhne fad a bheatha.<\/p>\n

A bharrachd air an dealbh a th\u2019agam air na daoine fh\u00e8in, cha chreid mi nach
\neil cuimhne agam air ainm gach c\u00f9 agus each a bha \u2019san \u00e0ite, an uair a bha mi
\n\u00f2g, agus ainrnean nam beathaichean cuideachd, gu h-araid ma bha iad \u00e8ibhinn,
\nleithid Treut (Caol), Jandarm (\u201cGendarme\u201d), Charn vras (Seonag Mhor), S\u00e2-
\nKozh (Frances Shean). S\u00e2-Kozh? Cha robh b\u00f2 na bu mhotha na i \u2019san d\u00f9thaich.
\nTha cuimhne agam air na coin anns na bailtean fearainn mun cuairt. B\u2019e
\nTambour (Druma) a chanadh iad ris a\u2019 ch\u00f9 mhor ann an Kerael, b\u2019e Belle-Isle
\nan c\u00f9 ann an Kerlizo\u00f9, Tambele ann an Kernoterio\u00f9, agus Piram anns Ar Vilin
\n(Am Muileann).<\/p>\n

Bha ainmean air na h-eich, leithid Moust (Snasail), Primel, Koantig (Grinn),
\nBijou (Ailleag), Charlot (Tearlach), Blen agus Boulom (Bodach). B\u2019e Boulom an
\nt-each leis a\u2019 phr\u00f2bhaist, duine \u00e0raid a dh\u2019ionnsaich each gu bhith a\u2019 d\u00e8anamh
\ncleas an eich-soirceis.<\/p>\n

\u2019Se c\u00f9 beag glas, air thuar na luaithre, dham b\u2019ainm Medorig, a\u2019 chiad ainmhidh
\nair a bheil cuimhne agam. Nach e bha miosail air an teine, gu s\u00f2nraichte
\nan luaithre. Rachadh e a laighe fon phraisich mh\u00f2ir, agus rachainn-sa air mo
\nghl\u00f9inean no air mo mh\u00e0garan dhan chagailt \u2019na dh\u00e8idh, agus shlaodainn \u00e0s e
\nair earball. Cha robh dragh m\u00f2r aige dheth, ge t\u00e0. \u2019S ann a chrathadh e e-fh\u00e8in
\n\u2019san luaithre, \u2019s rachadh e dh\u2019ionnsaigh an dorais, ach cha b\u2019fhada gus an robh
\ne air ais an teis meadhan na luaithre. Chuirinn seachad \u00f9ine mh\u00f2r c\u00f2mhla ri
\nMedorig.<\/p>\n

Tha deagh chuimhne agam, aon Di-domhnaich an d\u00e8idh meadhan-latha, gun
\nt\u00e0inig dithis mhnathan-uasal bhon bhaile a dh\u2019fhaicinn mo mh\u00e0thar. Cha robh i
\na stigh d\u00ecreach aig an \u00e0m. Bha mise car troimh-a-ch\u00e8ile. Bu mhiann leam a
\nbhith modhail, agus rinn mi deiseil airson bruidhinn riutha. Ach gu d\u00e8 a chanainn-
\nsa? Sin agad e. Medorig! Sin mo chuspair. B\u2019e Medorig mo thaic-sa. \u201cC\u00f9
\nbeag fon phraisich a rithist,\u201d arsa mise, \u201cC\u00f9 beag fon phraisich mar as \u00e0is!\u201d Cha
\nrobh \u201c\u00e0bhaist\u201d agam ach \u201c\u00e0is\u201d. Dh\u2019fhaillich orm am facal a r\u00e0dh ceart.<\/p>\n

As t-samhradh bhitheadh Medorig sg\u00ecth a dhol dhan luaithre. Dh\u00e8anadh e c\u00f2mhnaidh
\na nis \u2019san tigh beag aige ceann na b\u00e0thcha. Bha staidhre-chloich eadar
\ntigh Medorig agus doras na c\u00e0rtach, agus leac air gach taobh bun na staidhreach.
\n\u2019S ann a siud, air an lic l\u00e0imh ri tigh a\u2019 choin, a chuirinn scachad \u00f9ine mh\u00f2r
\na\u2019 bruidhinn ri Medorig. D\u00e8 eile a dh\u00e8anainn-sa? Cha robh duine ann a chluicheadh
\nc\u00f2mhla rium. Thig air p\u00e0isde cluiche le rud sam bith, nuair a bhios e
\n\u2019na aonar. Feumaidh e companach fhaighinn, c\u00f2 dhiubh duine no ainmhidh.<\/p>\n

Bheirinn do Medorig an d\u00e0rna cuid de gach annlan-b\u00ecdh a thigeadh tnam rathad.
\nCha robh mi cho g\u00f2rach sin, ge t\u00e0, leis na cait. Ch\u00f2rdadh e rium a bhith a\u2019
\ncoimhead na piseagan at cluiche, ach sin uileag. \u2019Se f\u00ecor chairdean a bha anns
\nna laoigh bheaga dhomh, god a chuireadh iad teicheadh orm aig uairean. Agus
\nna h-eich. Nach b\u2019iadsan mo dhiathan, god a bhitheadh eagal m\u00f2r orm rompa.
\nGed a bha mi leibideach fiadhaich \u2019nam dh\u00f2igh, bha mo chridhe daonnan
\nmaoth. Cha b\u2019urra mi riamh beathach a mharbhadh, no s\u00f9il a thoirt air beathach
\n\u2019ga mharbhadh. Nuair a rachadh beathach muic a mharbhadh, \u2019s ann a
\nrachainn-sa am falach ann an toll dorcha air choireigin far an stobainn mo chorragan
\n\u2019nam chluasan, gus nach cluinninn an sgriachail aice.<\/p>\n

Rud ne\u00f2nach eile. Chan fhuiliginn a bhith air mo thomhas. Rachainn \u00e0s mo
\nchiall nuair a dh\u2019iarrte mo thomhas. \u2019S ann a ruithinn air falbh, daonnan.
\nChunnaic mi laoigh bheaga \u2019gan tomhas, agus chaidh innse dhomh gu robh iad
\ngu bhith a\u2019 d\u00e8anamh biadh s\u00f2ghail air a\u2019 mhargadh aig Ar C\u2019houerc\u2019had\u2014rud a
\nbha f\u00ecor, gun teagamh! Mar sin, nuair a bhitheadh iomradh air mo thomhas-sa,
\nghabhainn oillt agus dh\u2019eubhainn: \u201cCha t\u00e8id mo thomhas! Cha t\u00e8id, cha t\u00e8id,
\ncha t\u00e8id mo thomhas! Chan eil mi dol a dh\u00e8anamh biadh s\u00f2ghail aig a\u2019
\nFerc\u2019had!\u2026\u201d<\/p>\n

Ghabhainn tlachd gu le\u00f2r, ge t\u00e0, ann a bhith a\u2019 cluiche air an dreallaig. \u2019Se
\nseann dreallag a bh\u2019innte, le c\u00f9ird, air an t-seann n\u00f2s.<\/p>\n

Nuair a bha an t-s\u00ecde dona as a\u2019 gheamhradh, bhitheadh obair agam a\u2019 sadail
\nspruilleach arain dha na h-e\u00f2in bheaga, \u2019s iad an iomais toirt thairis le acras.
\nBhitheadh m\u2019athair a\u2019 sguabadh an t-sneachda le sguab-beithe aig ceann na
\ncruaich-chonnlaich. \u2019S ann a sin a chruinneachadh na h-e\u00f2in a shireadh s\u00ecleangr\u00e0in
\na measg nan sop a thuit bhon chruach.<\/p>\n

Aon latha th\u00e0inig m\u2019athair a stigh le eun beag \u2019na l\u00e0imh. Bha an t-eun lethmharbh
\nle fuachd is acras. Bha leithid de thruas agam ris \u2019s gun do th\u00f2isich mi
\na\u2019 r\u00e0nail.<\/p>\n

\u201cGu d\u00e8 tha toirt oirre-se gul a rithist? arsa mo mh\u00e0thair. Bheil thu fuar?
\n\u2014Tha truas agam ris an eun bheag bhochd!\u201d arsa mise.
\nNach ann agam a bha an cridhe caoin bochd! \u2019S tric a chaidh mo bhr\u00f9thadh,
\na chionn gu robh mi ro mhaoth an taobh a stigh dhiom, ged a bha mo chraicionn
\ncruaidh gu le\u00f2r.<\/p>\n

Bha mi air mo tharrainn gu math \u00f2g le s\u00e0r bhoidhchead nan dealain-d\u00e8, le\u2019n
\ncumadh grinn agus aotrom \u2019s le\u2019n dathan maiseach Tha sgiathan an dealain-d\u00e8
\nf\u00ecor choltach ri ditheanan na machrach. Cha robh math dhuinn l\u00e0mh a chur
\nannta, ach siud an rud a rinn mi. Bhitheadh mo l\u00e0mh chearbach a\u2019 f\u00e0sgadh nan
\ndealain-d\u00e8 ro theann \u2019nam bhois. \u2019S ann a thuiteadh iad ri l\u00e0r leth-mharbh, gun
\nach craiteachan fann de mhin-fhl\u00f9ir, mar gum biodh, air fh\u00e0gail air mo bhois.<\/p>\n

Ma bha na h-ainmhidhean \u2019nan c\u00e0irdean dhomh, \u2019s ann a bha gr\u00e0dh barraichte
\nagam dha na fl\u00f9raichean, bhon a bha mi gl\u00e8 \u00f2g. Cha robh f\u00ecor gh\u00e0radh againn,
\nach d\u00ecreach lianag air beulaibh an tighe, le muran is breacadh de r\u00f2san dearga.
\nAch c\u00f2 dh\u2019fhaodadh cunntas a dh\u00e8anamh air a liuthad se\u00f2rsa dithein a bha
\nri fhaicinn ri taobh nan rathaidean, anns na machraichean agus an l\u00f9ib an arbhair,
\ngun iomradh air bl\u00e0th nan craobhan-meas, leithid an t-abhal, a\u2019
\nchraobh-ph\u00e8ir, am plumas is a\u2019 chraobh-shiris. Agus na marannan de bhealaidh
\n\u2019s de chonasg air dhath an \u00f2ir. \u2019S f\u00ecor gu bheil e dualach dha na dithein sin seargadh
\ncho luath \u2019sa th\u00e8id an toirt a stigh. Ach tha st\u00f9th maiseach eile pailt anns
\na\u2019 choille. Mura bi an c\u00f2rr dhithein ann, \u2019s ann a gheibhear duilleach br\u00e8agha
\nioma-dhathach. As t-fhoghar, bithidh na duilleagan cho snog ris na fl\u00f9raichean.
\nAgus tha an t-uil-ioc \u2019s an cuilionn \u2019s an giuthas a\u2019 fantail s\u00ecoruaine fad a\u2019
\ngheamhraidh.<\/p>\n

Chuirinn na h-inbhich bharr an cinn le mo chuid fhl\u00f9raichean. Bhithinn a\u2019 toirt
\ndhachaidh l\u00e0n mo dh\u00f9irn dhiubh fad an latha. Cleas na cloinne eile, cha b\u2019e
\nge\u00e0rradh nam fl\u00f9raichean a dh\u00e8anainn-sa ach an sp\u00econadh. Bha mi coma god a
\nriaslainn iad. Chan fhaicinn ach greadhnachas nan dathan. Tha deagh chuimhne
\nagam mar a thogainn na fl\u00f9raichean fa chornhair mo dh\u00e0 sh\u00f9il, \u2019gan gluasad
\nthugam is bhuam, gus an rachainn \u2019nam thuaineal.<\/p>\n

Chaidh agam air nithean maiscach eile a dh\u00e8anarnh leis na fl\u00f9raichean. Chan
\neil cuimhne agam c\u00f2 a dh\u2019ionnsaich dhornh fleasgan a dh\u00e8anarnh leis na neoinein.
\nMo rnh\u00e0thair, math a dh\u2019fhaoidte. Riamh bho\u2019n a fhuair mi d\u00f2igh air
\nsn\u00e0ithlean a chur \u2019rornh shn\u00e0thaid, th\u00f2isich mi air fleasgan, conairean no cr\u00f9intean
\na shn\u00ecomh le ne\u00f2inein. Bhithinn a\u2019 faighinn ultach de ne\u00f2inein \u2019s a\u2019 tolladh
\nnan gas aca, agus a\u2019 cur cas an d\u00e0rna fear \u2019romh chridhe an fhir eile, gus am
\nbiodh sreath de ne\u00f2inein agam ann an s\u00e8in. Mu dheireadh cheanglainn
\nd\u00e0 cheann an t-s\u00e8in ann an snaoim mu thimcheall mo chinn.<\/p>\n

Cha b\u2019ann d\u00ecreach air mo sg\u00e0th fh\u00ecn a shaothraich mi na bu mhotha. Thugadh
\na chreidsinn onn gum biodh Moire Oigh a\u2019 tighinn a dh\u2019iarraidh chr\u00f9intean air
\nan talamh airson na h-ainglean. Cha ghabhadh i, mas fh\u00ecor, ach na cr\u00f9intean a
\nchaidh a dh\u00e8anamh le cloinn ghlic. Mar sin, b\u2019\u00e0bhaist dhomh a bhith a\u2019 f\u00e0gail
\ncr\u00f9n-ne\u00f2inein air bad drise l\u00e0imh ri doras na c\u00e0rtach a h-uile h-oidhche, gun
\nfhios nach tigeadh Moire Oigh \u2019ga iarraidh. B\u2019e a\u2019 chiad char a dh\u00e8anainn \u2019sa
\nmhadainn mi a dhol a dh\u2019fhaicinn an deach mo chr\u00f9n a thogail do neimh. Nach
\nmi bha air mo dh\u00f2igh nuair a gheibhinn an t-\u00e0ite falarnh. Abair mealladh-d\u00f9il,
\nnam faighinn an cr\u00f9n fhathast ann \u2019s na ne\u00f2inein leth-sheargte. \u2019S d\u00f2cha nach
\nrobh mi air a bhith glic gu le\u00f2r.<\/p>\n

Aon latha, ge t\u00e0, thuig mi an car a bha iad a\u2019 toirt asam. \u2019S ann a ghlac mi
\nm\u2019athair a\u2019 d\u00e8anamh greim air mo chr\u00f9n agus \u2019ga sparradh gun s\u00f9im \u2019na phoca.
\nBhrist an seun. Th\u00e0inig stad air na cr\u00f9intean, agus cr\u00e0dh \u2019nam chridhe. B\u2019e siud
\na\u2019 chiad bhristeadh-d\u00f9il a fhuair mi ri\u2019m bheo. Chaidh mi-chreideas fhuaigheal
\nri\u2019m n\u00e0dur air a sh\u00e0illeabh.<\/p>\n

Seach gun do dh\u2019ionnsaich mi sn\u00e0ithlean a chur \u2019romh shn\u00e0thaid, \u2019s ann a dh\u2019fheumainn
\nrudeigin a dh\u00e8anamh le\u2019m shn\u00e0thaid. Siud mar a th\u00f2isich mi ri
\nfuaigheal. Bha mo mh\u00e0thair anabarrach math gu fuaigheal, agus dh\u2019ionnsaich i
\ndhomh an t-sn\u00e0thad a sh\u00e0thadh ceart anns an aodach. Bu thric a rachadh i \u2019nam
\nmhe\u00f2ir. Ach \u2019se bu mhiosa na sin, airson mo mh\u00e0thar, gum bithinn-sa a\u2019 caitheamh
\nan t-sn\u00e0th oirre, a chionn gu robh mi ag iarraidh a nis obair-ghr\u00e8is a
\ndh\u00e8anamh, a bharrachd air fuaigheal. Mo chreach! Sn\u00e0ithlean geal air aodach
\ndorcha, agus sn\u00e0ithlean dubh air aodach soilleir. Corra ghreim m\u00f2r air a leud \u2019s
\nair fhad \u2019s air fhiaradh, agus sin agad m\u2019obair-ghr\u00e8is! \u2019Se an geal is an dubh
\n(suaicheantas na Breatainn Bhig) as motha a chordadh riumsa, geal air dubh,
\nno dubh air geal. Bhiodh geal is dubh a\u2019 seasamh a mach bho ch\u00e8ile gu snasail.
\nCh\u00f2rdadh e rium cuideachd, \u2019s mi gle \u00f2g, a bhith air mo ghi\u00f9lan anns a\u2019 bharachuibhle.
\nUair sam bith a dh\u2019fhalbhainn chun na p\u00e0irce c\u00f2mhla ri\u2019m athair a
\ndh\u2019iarraidh fe\u00f2ir, \u2019s ann a ch\u00e0irte mi air mo ghl\u00f9inean anns a\u2019 bhara, agus siud
\nmi air falbh, greim agam air a\u2019 chliathaich, \u2019s mo shr\u00f2n os cionn na cuibhle, \u2019s
\na\u2019 chuibheall a\u2019 cur char \u2019s d\u00ecosgan aisde. Sgoinneil! Bhithinn cho aighearach \u2019s
\ngun t\u00f2isichinn ri seinn. Cha robh mo luinneag fada no t\u00f9rsach, oir cha deargainn
\nach air an aona phuing, la-la-la! Bhitheadh am bara l\u00e0n fe\u00f2ir nuair a thilleadh
\nm\u2019athair dhachaidh. Bhithinn ag iarraidh a dhol air mullach an fhe\u00f2ir, ach bha
\nan rathad cho cas \u2019s gun do dh\u2019fhoghain dha\u2019m athair na bha de chudthrom
\nanns a\u2019 bhara mar a tha, gun a bhith \u2019gam ghi\u00f9lan-sa cuideachd. Bhithinn ri
\ndranndan \u2019na dh\u00e8idh: \u201cTha mi son a dhol air a\u2019 bhara\u2026 Nach cuir sibh mi air a\u2019
\nbhara!\u201d A Th\u00ec Math! Ach aon uair \u2019s gu robh sinn air b\u00e0rr a\u2019 chnuic far an leigeadh
\nm\u2019athair anail car tiotan, \u2019s ann a ch\u00e0ireadh e mi \u2019nam mh\u00e0garan a rithis
\nair a\u2019 bhara. Nach mi bha air mo dh\u00f2igh, feur milis fo\u2019m chliabh, \u2019s mi \u2019nam
\nsh\u00ecneadh gu h-\u00e0rd os cionn na cuibhle. \u201cSeinn a nist, a n\u00econag! arsa m\u2019athair.
\nTha thu an sin mar an losgann an l\u00f9ib an fhe\u00f2ir!\u201d<\/p>\n

A\u2019 bruidhinn air losgainn, bha iadsan \u2019nan c\u00e0irdean dhomh cuideachd.
\nBhitheadh mo mh\u00e0thair ag r\u00e0dh rium gun cron a dh\u00e8anamh air na losgainn, a
\nchionn gum bitheadh iad a\u2019 gi\u00f9lan uisge dhan Tighearna Dia! Cha sheasadh mo
\nmh\u00e0thair na muileacha-m\u00e0g, ge t\u00e0, agus bhitheadh e toirmisgte dhomhsa beantainn
\nriutha sin. Bha iad puinnscanach, ars ise. Ach bhitheadh gr\u00e0gail nam
\nmuileacha-m\u00e0g air oidhcheannan-samhraidh a\u2019 c\u00f2rdadh riumsa, ged a bhitheadh
\nmo mh\u00e0thair air a sgreamhachadh leotha.<\/p>\n

\u2019Se an t-seilcheag dubh gun slige, ge t\u00e0, a chuireadh, agus a chuireas gu br\u00e0th,
\nsgreamh do-sheachanta ormsa, gus nach ruig mi air fi\u00f9\u2019s a h-ainm a sgr\u00ecobhadh
\ngun chriothnachadh. Bha, agus tha, eagal mo mhionaich orm cuideachd roimh
\nna nathraichean. Th\u00e8id gaoir tromham gun ach smaointinn orra!<\/p>\n

Ged bha na beathaichean agus na fl\u00f9raichean a\u2019 c\u00f2rdadh rium gasda, \u2019se na
\ncraobhan a thug b\u00e0rr. Chaidh m\u2019ionnsachadh gl\u00e8 \u00f2g urram a thoirt dha na
\ncraobhan, gun na failleanan a tharrainn, gun na fi\u00f9rain a r\u00f9sgadh, \u2019s gun na
\ngeugan a sp\u00econadh \u00e0s am bun. Chan fhuiligeadh m\u2019athair faicinn droch dh\u00ecol \u2019ga
\ndh\u00e8anamh air fiodh. Ghabh mi sp\u00e8is dha na craobhan. Bha iad \u2019nan c\u00e0irdean
\ndhomh, agus bhithinn a\u2019 sl\u00ecobadh stoc nan craobhan le\u2019m l\u00e0imh \u2019san dol seachad.
\n\u2019S fhada bho\u2019n a th\u00f2isich mi a\u2019 d\u00e8anamh dealachaidh eadar na deifir she\u00f2rsachan
\nchraobhan. Tha e a\u2019 cur annas orm nuair a ch\u00ec mi daoine nach eil e\u00f2lach
\nair na craobhan. Cha chre id mi nach robh mi air thoiseach air mo n\u00e0baidhean
\nann a bhith ag aithneachadh nan craobhan air an ainmean.<\/p>\n

Rud eile a chuidich leam, \u2019s d\u00f2cha, gu bhith ag aithneachadh ainmean nan
\nlusan: bhithinn-sa a\u2019cn\u00e0mh luibhean is duilleagan no \u2019gan suathadh \u2019nam bhois.
\nCha do sguir mi dhen fhasan fhathast, a dh\u2019innse na firinne! Nan tachradh rium,
\n\u2019s na leigeadh Dia leis, mo fhradharc a chall, bhithinn comasach air na lusan is
\nna craobh an aithneachadh air am blas no air am f\u00e0ileadh.<\/p>\n

Th\u00f2isich mi a\u2019 sreap ris na craobhan gu math tr\u00e0th. Bhitheadh mo mh\u00e0thair a\u2019
\ntrod rium nuair a chitheadh i mi mar eun beag air geug. \u201cC\u00e0\u2019n deach an earb
\nsin a rithis! Brisidh tu t\u2019amhaich mar siud. Nach tus\u2019 a\u2019 chaile-bhalach!\u201d Chan
\niongnadh ged a reubainn mo chuid aodaich, agus mo chraicionn. \u201cFeumaidh tu
\ncearcall-iarainn a ch\u00e0radh air oir an dreas ud,\u201d ars ise. Chan eil fhios agam mu
\nchloinn eile, ach bhithinn-sa a\u2019 faighinn mo ch\u00e0ineadh a h-uile latha.<\/p>\n

Dh\u2019fhaillich air mo mh\u00e0thair bhochd, ge t\u00e0, gliocas agus modh ionnsachadh
\ndhomh mar a b\u2019\u00e0ill leatha. Cha robh latha nach deach iarraidh orm smaointinn
\nair mo phiuthar bheag a chaochail mu dh\u00e0 bhliadhn\u2019 dheug mun do rugadh
\nmise. \u2019Si fh\u00e8in a bha ci\u00f9in, \u00f9mhail, tuigseach agus laghach. Bha M\u00e0iri mar seo,
\nbha M\u00e0iri mar siud. Bha mi cho fada bhon eisimpleir a rinn M\u00e0iri, \u2019s gu robh mi
\ngus mo mhisneach a chall. Cha d\u00f9raiginn, ge t\u00e0, ach a bhith \u2019nam nighinn bheag
\nmhath airson sealltainn dha\u2019m mh\u00e0thair gu robh uibhir de ghr\u00e0dh agamsa oirre
\n\u2019sa bha aig M\u00e0iri. Cha robh e gu feum. Cha b\u2019ionann dhomh fh\u00ecn is dha\u2019m
\nphiuthar, god tha an t-aon athair is an aona mhathair againn le cheile.<\/p>\n

Cha d\u00e8anadh mo mh\u00e0thair cus br\u00ecodail rium, agus cha mhotha b\u2019urra dhomhsa
\nmo ghr\u00e0dh a shealltainn dhithse le facal no le gniomh. Aig Dia a mh\u00e0in tha fios
\nna h-urad de ghr\u00e0dh a bha agam \u2019nam chridhe daonnan dha\u2019m mh\u00e0thair. Cha
\nrobh mi be\u00f2 ach air a son-se. Bha i easlainteach d\u00ecblidh, agus cha robh a\u2019
\nmhiann orm ach a gl\u00e8idheadh bho gach olc is airsneal.<\/p>\n

Bha a\u2019 cheart urad de ghr\u00e0dh agam dha\u2019m athair. Ach bha mi riamh dhen bheachd
\nnach robh freannach cho feumach air taic is m\u00f9irn ri boireannach. \u2019S d\u00f2cha
\ngu robh mi ce\u00e0rr.<\/p>\n

D\u00e8\u2019n aois a bha mi nuair a th\u00f2isich mi a\u2019 mothachadh dhan ghealaich, na rionnagan,
\nna neoil is am bogha-frois? Chan eil fhios \u2019am idir. Ach ch\u00f2rd e rium a
\nbhith a\u2019 coimhead air na speuran, gu h-araid na rionnagan a bheireadh bruadair
\norm le\u2019m priobadh. Bhitheadh mo mh\u00e0thair ag innse dhomh gur iad na
\ntarraigean-\u00f2ir air cathair Dh\u00e8. Bha am bogha-frois \u2019na mh\u00ecorbhail dhomh cuideachd.
\n\u2019Se Fear Eallach a\u2019 Chonaisg a bha tamh anns a\u2019 ghealaich, agus b\u2019e
\nDe\u00f2ir Naoimh Labhrainn a bh\u2019againn air na rionnagan earballach.<\/p>\n

Cha b\u2019e na reultan dealrach \u2019sna speuran a mh\u00e0in a bhiodh a\u2019 tarrainn m\u2019aire,
\nach a liuthad solas a bhiodh a\u2019 boillsgeadh air an oidhche. Cha robh mi airson
\na dhol dha\u2019m leabaidh gus an rachadh an tr\u00e8in-oidhche seachad. Tha an rathadiarainn
\nmu dh\u00e0 cheud slat bhon tigh againn. Bhitheadh tr\u00e8in le luchd-siubhail
\na\u2019 gabhail sEachad an d\u00e8idh na suipearach, chan eil cuimhne agam gu d\u00e8\u2019n uair.
\nCho luath \u2019sa chluinninn an d\u00f9dach, \u2019s mi leth-mharbh leis an sg\u00ecths, dh\u00e8anainn
\nair an doras.<\/p>\n

Tha cuimhne agam air reul-scachrain na bliadhna 1910. Saoil an fhaca mi i an
\nceart d\u00e0-r\u00ecribh, no ann an aisling? Chan eil mi cinnteach. Ach chuala mi na hurad
\nm\u2019a d\u00e8idhinn \u2019s gun saoil mi gun fhaca. Cha bhi clann a\u2019 cur cus deifir
\neadar an aisling agus an fh\u00ecrinn.<\/p>\n

Cha chreid mi gu robh mi dualach air na breugan. Chanainn an rud a bha mi
\nsaoilsinn a bhith f\u00ecor. Dh\u2019fhaoidte gu robh mi air mo mhealladh aig uairean. Cha
\nbu mhath leam cus r\u00f2laisdean a chluinntinn co-dhi\u00f9.<\/p>\n

Cleas nan Ceilteach air fad, bha \u00f9idh agam anns na manaidhean is na b\u00f2chdain.
\nBha mi a\u2019 faighinn tlachd ann an sgeulachdan agus naidheachdan a chuireadh
\neagal orm, no a bheireadh orm sgriachail no trom-laighe a dh\u00e8anamh. \u201cAn inns
\nsibh naidheachd dhomh?\u201d \u2019S iomadh uair a rinn mi an t-iarrtas sin air na h-oidhcheannan
\ngeamhraidh ri taobh an teinntein mun cuirte dhan leabaidh mi. Tha
\nmi a\u2019 toirt fa-n\u00e8ar, le dol scachad nam bliadhnachan, gun deach na sgeulachdan
\nsin a dheanamh suas a dh\u2019aona ghnothach, \u2019s docha, airson eagal a chur air
\na\u2019 chloinn feuch gun tilleadh iad dhachaidh mun tigeadk an oidhche.<\/p>\n

Bha naidheachdan ann mu na troichean is na sidhichean, Fear na Boineid
\nDeirge, am M\u00e0rcus Buidhe agus S\u00e0baid nan Cat. Chuala cuideigin cat ag r\u00e0dh li
\ncat eile: \u201cCan ri Maurice gu bheil Bruno marbh!\u201d Math dh\u2019fhaoidte gum
\nb\u2019iadsan ceannardan na S\u00e0baid. Agus a rithis, air oidhche Nollaig, b\u2019\u00e0bhaist dha
\nna h-ainmhidhean uile a bhith a\u2019 bruidhinn aig meadhan-oidhche!<\/p>\n

Oidhche Nollaig! Bhitheadh cead agam air oidhche Nollaig fantail air chois gus
\nam faigheadh na beathaichean am biadh an deidh na suipearach, agus gheibhinn
\nbobhla te\u00f2claid theth. Cha chreid mi gum biodh te\u00f2claid \u2019ga deasachadh
\nuair sam bith \u2019sa bhliadhna ach air oidhche Nollaig. Bhithinn a\u2019 f\u00e0gail mo bhr\u00f2gan-
\nfiodha ri taobh an teinntein, agus air an l\u00e0rna mhaireach bhitheadh cabhag
\norm feuch d\u00e8 bha \u2019nam broinn. Bha an leanabh Iosa ro bheag, shaoil mi, airson
\neallach mh\u00f2r a ghi\u00f9lan air feadh na d\u00f9thcha. Cha chreid mi nach t\u00e0inig aotromachadh
\nair a\u2019 ph\u00f2ca aige, cuideachd, mun do dh\u2019fh\u00e0g e idir am baile goirid
\ndhuinn. Cha robh cus air fhagail airson clann na d\u00f9thcha mun cuairt, ach d\u00ecreach
\nubhal cr\u00econ agus p\u00f2ca beag suiteas. \u2019Se preasant breagha a bh\u2019ann nam
\nfaigheamaid oraindscar no p\u00ecos c\u00e8ic. Chan fheumainn a r\u00e0dh, ged a dh\u2019fhaodainn
\na shaoilsinn, gum b\u2019ann bhon gh\u00e0radh air beulaibh an tighe a th\u00e0inig an
\nt-ubhal, air neo bhon phreas far an do chuir m\u2019athair e airson abachadh. Chan
\nfheumainn, idir. Siud ubhal s\u00f2nraichte \u00e0 t\u00ecr fad \u00e0s, agus chan eil ann nas fhe\u00e0rr
\nna e!<\/p>\n

(\u00abVa bed bugel \u00bb betek \u00ab Ha mat pell zo! \u00bb, Me Anjela, troet e gouezeleg Skos gant<\/em><\/span>
\nHamish Robertson.)<\/em><\/span><\/p>\n","protected":false},"excerpt":{"rendered":"

Saoghal mo leanabais Chan eil clann tuilleadh ann \u2019san latha an diugh. Chan eil saoghal aca dhaibh fh\u00e8in. Th\u00e8id am measgachadh gl\u00e8 […]<\/p>\n","protected":false},"author":2,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-5647","page","type-page","status-publish","hentry"],"acf":[],"yoast_head":"\nBarzhonego\u00f9 troet e gouezeleg Skos - Anjela Duval<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/www.anjela.org\/oberenn\/bz\/gouezeleg-skos\/\" \/>\n<meta property=\"og:locale\" content=\"fr_FR\" \/>\n<meta property=\"og:type\" content=\"article\" \/>\n<meta property=\"og:title\" content=\"Barzhonego\u00f9 troet e gouezeleg Skos - Anjela Duval\" \/>\n<meta property=\"og:description\" content=\"Saoghal mo leanabais Chan eil clann tuilleadh ann \u2019san latha an diugh. Chan eil saoghal aca dhaibh fh\u00e8in. Th\u00e8id am measgachadh gl\u00e8 […]\" \/>\n<meta property=\"og:url\" content=\"https:\/\/www.anjela.org\/oberenn\/bz\/gouezeleg-skos\/\" \/>\n<meta property=\"og:site_name\" content=\"Anjela Duval\" \/>\n<meta property=\"article:modified_time\" content=\"2025-08-13T13:21:12+00:00\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Dur\u00e9e de lecture estim\u00e9e\" \/>\n\t<meta name=\"twitter:data1\" content=\"19 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"WebPage\",\"@id\":\"https:\\\/\\\/www.anjela.org\\\/oberenn\\\/bz\\\/gouezeleg-skos\\\/\",\"url\":\"https:\\\/\\\/www.anjela.org\\\/oberenn\\\/bz\\\/gouezeleg-skos\\\/\",\"name\":\"Barzhonego\u00f9 troet e gouezeleg Skos - Anjela Duval\",\"isPartOf\":{\"@id\":\"https:\\\/\\\/www.anjela.org\\\/oberenn\\\/#website\"},\"datePublished\":\"2018-11-24T11:35:39+00:00\",\"dateModified\":\"2025-08-13T13:21:12+00:00\",\"breadcrumb\":{\"@id\":\"https:\\\/\\\/www.anjela.org\\\/oberenn\\\/bz\\\/gouezeleg-skos\\\/#breadcrumb\"},\"inLanguage\":\"fr-FR\",\"potentialAction\":[{\"@type\":\"ReadAction\",\"target\":[\"https:\\\/\\\/www.anjela.org\\\/oberenn\\\/bz\\\/gouezeleg-skos\\\/\"]}]},{\"@type\":\"BreadcrumbList\",\"@id\":\"https:\\\/\\\/www.anjela.org\\\/oberenn\\\/bz\\\/gouezeleg-skos\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Accueil\",\"item\":\"https:\\\/\\\/www.anjela.org\\\/oberenn\\\/\"},{\"@type\":\"ListItem\",\"position\":2,\"name\":\"Barzhonego\u00f9 troet e gouezeleg Skos\"}]},{\"@type\":\"WebSite\",\"@id\":\"https:\\\/\\\/www.anjela.org\\\/oberenn\\\/#website\",\"url\":\"https:\\\/\\\/www.anjela.org\\\/oberenn\\\/\",\"name\":\"Anjela Duval\",\"description\":\"\",\"publisher\":{\"@id\":\"https:\\\/\\\/www.anjela.org\\\/oberenn\\\/#organization\"},\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/www.anjela.org\\\/oberenn\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"fr-FR\"},{\"@type\":\"Organization\",\"@id\":\"https:\\\/\\\/www.anjela.org\\\/oberenn\\\/#organization\",\"name\":\"Mignoned Anjela\",\"url\":\"https:\\\/\\\/www.anjela.org\\\/oberenn\\\/\",\"logo\":{\"@type\":\"ImageObject\",\"inLanguage\":\"fr-FR\",\"@id\":\"https:\\\/\\\/www.anjela.org\\\/oberenn\\\/#\\\/schema\\\/logo\\\/image\\\/\",\"url\":\"https:\\\/\\\/www.anjela.org\\\/oberenn\\\/wp-content\\\/uploads\\\/2019\\\/11\\\/logo-mignoned-angela.png\",\"contentUrl\":\"https:\\\/\\\/www.anjela.org\\\/oberenn\\\/wp-content\\\/uploads\\\/2019\\\/11\\\/logo-mignoned-angela.png\",\"width\":248,\"height\":147,\"caption\":\"Mignoned Anjela\"},\"image\":{\"@id\":\"https:\\\/\\\/www.anjela.org\\\/oberenn\\\/#\\\/schema\\\/logo\\\/image\\\/\"}}]}<\/script>\n<!-- \/ Yoast SEO plugin. -->","yoast_head_json":{"title":"Barzhonego\u00f9 troet e gouezeleg Skos - Anjela Duval","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/www.anjela.org\/oberenn\/bz\/gouezeleg-skos\/","og_locale":"fr_FR","og_type":"article","og_title":"Barzhonego\u00f9 troet e gouezeleg Skos - Anjela Duval","og_description":"Saoghal mo leanabais Chan eil clann tuilleadh ann \u2019san latha an diugh. Chan eil saoghal aca dhaibh fh\u00e8in. Th\u00e8id am measgachadh gl\u00e8 […]","og_url":"https:\/\/www.anjela.org\/oberenn\/bz\/gouezeleg-skos\/","og_site_name":"Anjela Duval","article_modified_time":"2025-08-13T13:21:12+00:00","twitter_card":"summary_large_image","twitter_misc":{"Dur\u00e9e de lecture estim\u00e9e":"19 minutes"},"schema":{"@context":"https:\/\/schema.org","@graph":[{"@type":"WebPage","@id":"https:\/\/www.anjela.org\/oberenn\/bz\/gouezeleg-skos\/","url":"https:\/\/www.anjela.org\/oberenn\/bz\/gouezeleg-skos\/","name":"Barzhonego\u00f9 troet e gouezeleg Skos - Anjela Duval","isPartOf":{"@id":"https:\/\/www.anjela.org\/oberenn\/#website"},"datePublished":"2018-11-24T11:35:39+00:00","dateModified":"2025-08-13T13:21:12+00:00","breadcrumb":{"@id":"https:\/\/www.anjela.org\/oberenn\/bz\/gouezeleg-skos\/#breadcrumb"},"inLanguage":"fr-FR","potentialAction":[{"@type":"ReadAction","target":["https:\/\/www.anjela.org\/oberenn\/bz\/gouezeleg-skos\/"]}]},{"@type":"BreadcrumbList","@id":"https:\/\/www.anjela.org\/oberenn\/bz\/gouezeleg-skos\/#breadcrumb","itemListElement":[{"@type":"ListItem","position":1,"name":"Accueil","item":"https:\/\/www.anjela.org\/oberenn\/"},{"@type":"ListItem","position":2,"name":"Barzhonego\u00f9 troet e gouezeleg Skos"}]},{"@type":"WebSite","@id":"https:\/\/www.anjela.org\/oberenn\/#website","url":"https:\/\/www.anjela.org\/oberenn\/","name":"Anjela Duval","description":"","publisher":{"@id":"https:\/\/www.anjela.org\/oberenn\/#organization"},"potentialAction":[{"@type":"SearchAction","target":{"@type":"EntryPoint","urlTemplate":"https:\/\/www.anjela.org\/oberenn\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"fr-FR"},{"@type":"Organization","@id":"https:\/\/www.anjela.org\/oberenn\/#organization","name":"Mignoned Anjela","url":"https:\/\/www.anjela.org\/oberenn\/","logo":{"@type":"ImageObject","inLanguage":"fr-FR","@id":"https:\/\/www.anjela.org\/oberenn\/#\/schema\/logo\/image\/","url":"https:\/\/www.anjela.org\/oberenn\/wp-content\/uploads\/2019\/11\/logo-mignoned-angela.png","contentUrl":"https:\/\/www.anjela.org\/oberenn\/wp-content\/uploads\/2019\/11\/logo-mignoned-angela.png","width":248,"height":147,"caption":"Mignoned Anjela"},"image":{"@id":"https:\/\/www.anjela.org\/oberenn\/#\/schema\/logo\/image\/"}}]}},"_links":{"self":[{"href":"https:\/\/www.anjela.org\/oberenn\/wp-json\/wp\/v2\/pages\/5647","targetHints":{"allow":["GET"]}}],"collection":[{"href":"https:\/\/www.anjela.org\/oberenn\/wp-json\/wp\/v2\/pages"}],"about":[{"href":"https:\/\/www.anjela.org\/oberenn\/wp-json\/wp\/v2\/types\/page"}],"author":[{"embeddable":true,"href":"https:\/\/www.anjela.org\/oberenn\/wp-json\/wp\/v2\/users\/2"}],"replies":[{"embeddable":true,"href":"https:\/\/www.anjela.org\/oberenn\/wp-json\/wp\/v2\/comments?post=5647"}],"version-history":[{"count":0,"href":"https:\/\/www.anjela.org\/oberenn\/wp-json\/wp\/v2\/pages\/5647\/revisions"}],"wp:attachment":[{"href":"https:\/\/www.anjela.org\/oberenn\/wp-json\/wp\/v2\/media?parent=5647"}],"curies":[{"name":"wp","href":"https:\/\/api.w.org\/{rel}","templated":true}]}}