{"id":2827,"date":"2017-10-24T01:35:04","date_gmt":"2017-10-23T23:35:04","guid":{"rendered":"http:\/\/www.anjela.org\/oberenn\/?page_id=2827"},"modified":"2025-08-13T15:23:26","modified_gmt":"2025-08-13T13:23:26","slug":"meinigou-kizellet-corinne-ar-mero","status":"publish","type":"page","link":"https:\/\/www.anjela.org\/oberenn\/bz\/meinigou-kizellet-corinne-ar-mero\/","title":{"rendered":"Meinigo\u00f9 kizellet – Corinne ar Mero"},"content":{"rendered":"

\u00ab Rouez, ya, rouez-meurbet, e seblant beza\u00f1 ar merc’hed troet da skriva\u00f1 barzhoniezh \u00bb a skrive Klerg e 1973 1<\/sup>. Herveza\u00f1 e oa ken donezonet ar merc’hed hag ar baotred e-ke\u00f1ver barzhoniezh, nemet marteze ar merc’hed ne gredent ket lakaat pezh a santont war ar paper. Me ne gav ket din e vije nebeutoc’h a verc’hed \u00ab troet da skriva\u00f1 \u00bb barzhonego\u00f9. Un afer degouezhio\u00f9 eo, e-barzh ur gevredigezh roet, ma c’hallont ober pe get. N’haller ket l\u00e2ret e vijent bet brou- det da skriva\u00f1, barzhonego\u00f9 pe trao\u00f9 all, romanto\u00f9, studiadenno\u00f9 ha kement zo, betek nevez ‘walc’h zo marteze.<\/p>\n

Evit pezh a sell deus Anjela Duval e so\u00f1j din he dije gellet chom mut, evel kantado\u00f9 a vaouezed all o doa kalzik a drao\u00f9 da l\u00e2ret ivez moarvat. Evit ur vaouez a zo bet embannet he skrido\u00f9, pet ha pet o deus bet skrivet en kuzh, perlezenno\u00f9 koulz ha trao\u00f9 didalvoud marteze, met chomet dizanav forzh penaos ? Ma ‘c’h eo deut Anjela a-benn da skriva\u00f1, ha da veza\u00f1 embannet, eo liammet an dra-se gant darvoudo\u00f9 he buhez. Met pere resis ? Penaos e oa bet kudennet ar fedo\u00f9, neudenno\u00f9 he buhez, betek lakaat anezhi da gavout gant he c’hreion, \u00ab bihanik tra \u00bb 2<\/sup>, ar benveg ‘oa o klask dreist pep tra da gana\u00f1 gerio\u00f9 he c’halon ?<\/p>\n

Sell aze pezh zo souezhus gant Anjela, bet chomet betek he femp bloaz ha hanter-kant hep skriva\u00f1 mann ebet, goude beza\u00f1 hunvreet, bihan-bihan, dont da veza\u00f1 \u00ab une petite po\u00e9tesse \u00bb 3<\/sup>. Techet e vezan, koulskoude, da leuskel a-gostez buhez ar skrivagnerien, ar re a vroust o dent bemdez, a ra tri fred ha me ‘oar 4<\/sup>. Met pa ‘vez  kaoz  deus  barzhoniezh  ‘c’h eo ur gont all. Ar barzh a gomz diouta\u00f1 da genta\u00f1-penn. E\u00f1 eo e dudenn benna\u00f1, gant e so\u00f1jo\u00f9, e c’houlenno\u00f9, e c’hoanto\u00f9. En em c’houllet ‘m eus meur a wech ‘blam da betra he doa dibabet Anjela skriva\u00f1 barzhonego\u00f9, kentoc’h evit romanto\u00f9. Pezh n’he deus ket bet l\u00e2ret dimp gwech ebet.<\/p>\n

Er barzhonego\u00f9, muioc’h c’hoazh evit er romanto\u00f9, pe er c’homzo\u00f9-plaen, ne vez ger ebet lakaet aze dre zegouezh. Pep hini a vez dibabet, choazet, sellet a-dost, distaget, santet, lakaet da lufra\u00f1 e-kichen ar re all. Ha da bep hini e vez kavet ur plas, a vo e hini dezha\u00f1 ‘metken. N’he deus ket bet displeget Anjela penaos e save he barzhonego\u00f9, din da c’ho\u00fbt. Tout pezh a ouier eo pevare e lakae anezhe war baper. Met diwar ar papero\u00f9 he deus laosket war he lerc’h e c’haller so\u00f1jal e save anezhe en he fenn, keit ha ma veze o labourat he douaro\u00f9 5<\/sup>. Memestra, pa weler follenno\u00f9 zo,  ‘lec’h ma kaver stummo\u00f9 \u00ab kenta\u00f1 \u00bb barzhonego\u00f9 zo, n’haller ket ijina\u00f1 n’he dije ket graet al labour kizella\u00f1 ar gerio\u00f9-se.<\/p>\n

‘Blam da se eo ‘c’h on bet o furchal en he barzhonego\u00f9, o klask mont da heul ar gerio\u00f9 he doa hadet evel kement maen bihan. Chomet on gant he barzhonego\u00f9 kenta\u00f1, da l\u00e2ret eo un hanter-kant bennaket bet skrivet etre 1961 ha 1963. Enne e kaver, a gav din, danvez hec’h oberenn holl, pe tres an danvez-se, ha dreist-holl responto\u00f9 d’ar goulenno\u00f9 a raen tuchant\u2026<\/p>\n

An  dle<\/span><\/h5>\n
Pouez ar re varv<\/h5>\n

Pa lennan barzhonego\u00f9 Anjela e kav din ec’h int bet skrivet gant ur vamm. Ha hi divugel, ‘mit-hu, keuz ganti nompas beza\u00f1 ganet bugel ebet, ha mouest he malvenno\u00f9 <\/em>6 <\/em><\/sup>gant ar so\u00f1j-se. Koulskoude e oa bet mamm he zud, mamm ar stourmerien, mamm an holl en ur mod, muioc’h c’hoazh evit ur vamm-gozh, ar roll-se roet ganti d’unan all (evel ma vo gwelet tuchantik).  Sellomp a-dost deus \u00ab En koun eus va zad \u00bb. Ur skeudenn a ro er barzhoneg-se deus he zad, a zo hini ur mabig daoulagad glas-gwer (Va zad ‘oa  ar mabig-se !). <\/em>Ne so\u00f1j ket din e vije kalz a dud a ginnigfe o zad gant ur skeudenn a seurt-se. Pelloc’h e komz deus he ferzh gant he zud : O sikouret am eus da veva\u00f1.\/ Gant va labour\/ Sederaet un tamm o buhez\/ (Gant va diboellacho\u00f9)\/ Graet war o zro ‘n o c’hle\u00f1ved\u2026 <\/em>Ama\u00f1 e kavan un heklev deus ar c’hargo\u00f9 o devez an dud e-ke\u00f1ver o bugale, ha n’eo ket ar c’hontrefed. Ma n’he doa \u00ab ganet mab ebet \u00bb, e oa bet mamm he zud. Petra en doa lakaet anezhi da asanti\u00f1 kaout ar perzh-se gante ? Tammo\u00f9 deus ar respont a gaver c’hoazh er memes barzhoneg, a ziskouez dimp penaos e oa bet un dle dezhi chom gante, hi, ar verc’hig,\/ Dishe\u00f1vel deus eben\/(\u2026)\/ <\/em>Taer, <\/em>amsent ha pennek, <\/em>e-skoaz daou vugel all aet da Anaon en he raok, daou vugel c’hlan. Charlez da genta\u00f1, Na reas nemet tremen !\/ Gant sae wenn e vadeziant\/ E retornas d’an Ne\u00f1v. <\/em>Start e vefe beza\u00f1 glanoc’h, ha koulskoude e oa bet Maria-Adela, Maia. Hag ar verc’hig-se ‘oa fur,\/ Ha koant, ha seder, ha speredek,\/ Hag e oa Heol he zud,\/ Ha goanag o c’hozhni.\/ (\u2026)\/ Un ene ken kaer <\/em>7<\/em><\/sup>. <\/em>Pouez an daou vugel aet da Anaon a oa war he chouk dezhi, a veve gant glac’har he zud war ar pemdez. Penaos n’he dije ket ar plac’hig en em santet kablus da veza\u00f1 bev ? Beva\u00f1 ‘rae en un tiegezh e-lerc’h ma veze gouelet d’ar re varv \u2014 hag Un dra n’hellas morse gouza\u00f1v:\/ Gwelout he mamm o ouela\u00f1.\/ Teuzi\u00f1 ‘rae he c’halon! <\/em>Ama\u00f1 c’hoazh e klevan gerio\u00f9 ur vamm dirak he bugel o ouela\u00f1, pa n’eo ket ar vugale a glask frealzi\u00f1 o zud peurvuia\u00f1\u2026<\/p>\n

An dibab<\/h5>\n

Dleet e oa dezhi paea\u00f1 evit ar prof \u2014 ar vuhez \u2014 a oa bet laosket dezhi, ha hi ken dibarfet. Dav ‘oa dezhi miret ouzh he mamm a veza\u00f1 male\u00fcrus. N’he dije ket gellet mont kuit, gant an aon e chomfe goullo <\/em>he c’halon dezhi <\/em>8<\/sup>. <\/em>E \u00ab Barzhoneg meur \u00bb e sav Anjela roll ar so\u00f1jo\u00f9 a c’haller dispaka\u00f1 en ur barzhoneg. He so\u00f1jo\u00f9 dezhi e oant, a gav din, ar re de\u00f1val deus un tu : so\u00f1jo\u00f9 an Dispi, an Anken, ar C’hwervoni ; <\/em>ar re sklaer deus an tu all : so\u00f1jo\u00f9 ar Spi, ar Garantez, an Hunvre, al Levenez. <\/em>Hag e-touez ar so\u00f1jo\u00f9 du e veneg ivez so\u00f1jo\u00f9 ar Binijenn. <\/em>Dre zegouezh ? Meur a wech hon eus bet tro da lenn penaos n’he doa ket bet c’hoant da zimezi\u00f1 ‘blam d’he zud, met din da c’ho\u00fbt, n’eus den ‘meti o tisplega\u00f1 ken sklaer dimp ‘blam da betra n’halle ket kuitaat anezhe. Bez’ he doa d’ober war-dro an h\u00earezh ivez, e plas ar paotr aet da Anaon. Moarvat ne oa ket gwall zishe\u00f1vel roll ar merc’hed en he spered deus pezh a veze so\u00f1jet gant an dud d’ar mare-se, pa veze kontet ar baotred bet ganet en un tiegezh, ha laosket ar merc’hed a-gostez : C’hwec’h breur a zeuas war e lerc’h,\/ (Hep konta\u00f1 ar merc’hed) <\/em>9<\/sup>.<\/em><\/p>\n

Un dra all c’hoazh a lakae anezhi da nac’ha\u00f1 kuitaat he zi, moarvat, met deus se n’eus ket kalz a roudo\u00f9, nemet marteze en ur barzhoneg drolik, \u00ab Lellig \u00bb. Piv eo al Lellig-se, he deus kement a zisfiz ‘ke\u00f1ver ur Bed treitour:\/ Chomet eo hec’h-unanig, Hep pried na karour ? <\/em>Keit ha ma oa chomet Anjela gant he zud, oc’h ober war o zro, he doa gwelet he mignonezed o vont kuit. Buhez ur plac’h d’ar mare-se a oa, dre vras, euredi\u00f1 ha mont da heul e bried. E c’haller en em so\u00f1jal un tamm : petra ‘vije deut hon danvez barzhez da veza\u00f1, ma vije bet dimezet hag euredet evel ar re all, evel he c’hamaladezed a gozh ? Met ne oa ket bet, abalamour da zarvoudo\u00f9 diaes he buhez. Aet e oa gant un hent all, ha l\u00e2ret \u00ab Kenavo \u00bb da Albertinig, tonket da ‘heuilh ar pried karet\/Da c’hounit bara ‘r maez ar vro\/Ha [hi] ‘chom ‘lec’h ma [‘oa] ganet\/He\u00f1vel eus ur wezenn-derv.<\/em> <\/em><\/p>\n

An diwaskadenn<\/h5>\n

Eno, e Trao\u00f1-an-Dour ‘oa he gwrizio\u00f9, ar re a lakae anezhi da chom en he sav, a roe ur pal d’he buhez : ober war-dro ti he zud. Chom eno a oa miret al liamm he doa bet gante. Go\u00fbt a reer penaos ne blije ket dezhi che\u00f1ch plas da drao\u00f9 ar re varv, gant an aon ne chomfe mann ebet dioute ken (Met na ‘m eus biskoazh kredet\/ Kemma\u00f1 dezhi he lerc’h\/ Betego\u00fbt <\/em>‘vije bet marvet\/ Ha ne chomfe mui netra ganin-me\/ Eus ar pezh a oa bet dit <\/em>10<\/sup>). <\/em>Met gant ur pal a seurt-se e tibabe ivez an digenvez. He zud-bugale aet kuit e oa tremenet ar c’houlz da euredi\u00f1. E 1951, ur plac’h 46 vloaz ‘oa ur plac’h yaouank kozh 11<\/sup>. Startoc’h ‘oa dezhi so\u00f1jal euredi\u00f1, pezh na vije ket bet gwir evit ur paotr (Chom a reas da benn-menaj\/ Gant e vamm inta\u00f1vez.\/ <\/em>Ken ‘voe savet ar vugale.\/ Ha neuze e timezas\/ Gant merc’h e amezeg). <\/em>N’halle ket konta\u00f1 war peurrest he familh, Rak hini ‘n\u00ea ne gompreno\/Va zamm buhez<\/em> 12<\/sup>. Ne chome nemet an ti bihan, an dienez hag an digenvez. Ha pouez ar re varv, pe ar marv, ponneroc’h-ponner.<\/p>\n

En tu all d’an dle<\/span><\/h5>\n
Dorn an ael<\/h5>\n

Un diwaskadenn nav bloavezh. Anjela ne gomz ket war-eeun deus ar bloavezhio\u00f9 anken-se 13<\/sup>. Roudo\u00f9 deus ar pezh he doa bevet d’ar mare-se a gaver e-barzh he barzhonego\u00f9, en \u00ab Eil bugaleaj \u00bb da skouer, e-lec’h ma ra ur seurt bila\u00f1s deus he bloavezhio\u00f9 kent, gant gerio\u00f9 du (pilho\u00f9, truilho\u00f9, drailhenno\u00f9, froudenno\u00f9, sorc’henno\u00f9, poanio\u00f9, ka\u00f1vo\u00f9, daero\u00f9) <\/em>: resis a-walc’h eo an daolenn. Kinniget eo da Ivona Martin, ur vaouez all, he doa astennet he dorn dezhi. Ur vaouez a ouie, moarvat, petra ‘oa beza\u00f1 hec’h-unan, hag he doa komprenet e oa sachet Anjela war hent ar marv gant he re varv \u2014 Pa ‘z aen war-zu va bez, dinerzh ha diseblant,\/ Dija hanter voredet, <\/em>e skrive e \u00ab Hunvre \u00bb. Bez’ zo ur poltred, a blije kalz da Anjela, e-lec’h ma vez gwelet Ivona hag Anjela o tont deus dindan ur pont, o tont deus an de\u00f1valijenn, Ivona gwisket e gwenn hag Anjela e du, an eil o he\u00f1cha\u00f1 eben war-zu ar skl\u00earijenn, o sortial anezhi deus he diwaskadenn 14<\/sup>.<\/p>\n

N’eus barzhoneg ebet o konta\u00f1 an istor-ma\u00f1, met ar pezh ne l\u00e2rer ket, an trao\u00f9 tavet, a dalvez kement a-wecho\u00f9 hag an trao\u00f9 l\u00e2ret ; ha penaos trugarekaat an hini a salv ho puhez, en ur ziskouez ho pal deoc’h ? N’eo ket un dra aezet tenna\u00f1 unan bennaket deus un toull ken du ; pet danvez barzhez o deus bet gortozet dorn un ael evel hema\u00f1 ? A-drugarez da Ivona ivez eo, moarvat, ma c’hallomp lenn brema\u00f1 gerio\u00f9 lemm ur galon leun a vuhez.<\/p>\n

Fromo\u00f9 mouget ha kan an douar<\/h5>\n

Pa l\u00e2ran \u00ab leun a vuhez \u00bb em eus c’hoant da l\u00e2ret leun a fromo\u00f9 kre\u00f1v. Un eston eo gwelet penaos e \u00ab sante \u00bb Anjela ar bed gant he femp skiant, gant he c’horf a-bezh. Gant he daoulagad \u2014 lennet hon eus bet holl pegen merket e oa bet gant he sello\u00f9 ar re o doa anavet anezhi 15<\/sup> \u2014 e verze holl livio\u00f9 hag arlivio\u00f9 ar bed. Ar gerio\u00f9 o tenna\u00f1 d’al livio\u00f9 a gaver stank en he barzhonego\u00f9. Gant he skouarn e ouie selaou an holl drouzio\u00f9 ;  ar ger \u00ab selaou \u00bb eo unan deus ar re ‘gaver stank ganti ivez. He daouarn a floure loen pe blant a gave war he hent, er-maez koulz hag en ti 16<\/sup>. He fri ne laoske ket an distera\u00f1 c’hwezh, frond treantus ha mezevellus <\/em>17<\/sup>, <\/em>da dremen. Hag evit pezh a sell deus he zeod, gwir eo ne vez ket meneget kement-se blaz an trao\u00f9 er barzhonego\u00f9 kenta\u00f1. An teod a servije da da\u00f1va blazio\u00f9 diniver he yezh karet 18<\/sup>\u2026A-unan e oa gant an douar, an dra-se zo bet l\u00e2ret dija meur a wech. Met penaos ? Ouzhpenn evit beza\u00f1 a-unan gant an douar e oa-hi an douar. Un tamm ‘oa diouta\u00f1. Estroc’h evit \u00ab an dervenn gozh \u00bb ‘rae diouti hec’h-unan ; a-wecho\u00f9 ‘oa ivez ur radenenn. En \u00ab En koun eus va zad \u00bb e skrive diwar he fenn bugel : Gant he blev gell-kistin-rous\/  Hag he daoulagad rous-du\u2026\/ (\u2026)\/ Kreski\u00f1 ‘rae ‘vel ur radenenn. <\/em>Mont a rae pelloc’h c’hoazh e \u00ab Hirnez \u00bb, skrivet bloaz war-lerc’h : A ! Radenenn gell-aour !\/ Arouez an douar krin ha paour\u2026 <\/em>Bez’ e oa Anjela an douar, pe e elfenno\u00f9, hi a ouie \u00ab radeni\u00f1 \u00bb (piv ac’hanoc’h a oar ober se ‘vat ?). Ranna\u00f1 ‘rae tonkadur an douar : Pebezh Tonkadur hon hini !\/ Difrouezh ! Dibouez ! Dister ! <\/em>Tremen ‘rae \u00ab Kan an douar \u00bb enni, drezi, ha \u2014 ken pinv\u00eek evel ma oa \u2014 he dije gellet beza\u00f1 mouget ganta\u00f1.<\/p>\n

War-zu ar varzhoniezh<\/h5>\n

Gouza\u00f1vet he doa Anjela, ‘blam d’al labour, d’ar skuizhder ha d’ar boan. Met so\u00f1jal ‘ra din ivez e oa deut he nerzh dezhi deus te\u00f1zor ar fromo\u00f9 degaset dezhi gant he skianto\u00f9. Un te\u00f1zor evel hema\u00f1, koulskoude, ne dalvez nemet pa vez roet, er c’hontrefed deus an te\u00f1zorio\u00f9 danvezel.<\/p>\n

N’he doa ket dibabet skriva\u00f1 romanto\u00f9. Ar bed en-dro dezhi he doa ezhomm, marteze, da liva\u00f1 evel ma wele, sante, c’hweshae anezha\u00f1. Lemm eo ar fromo\u00f9 a santer gant hon femp skiant, prim-ha-prim e skoont hon spered koulz hag hon c’horf. War-lerc’h e teu ar preder, hag ar gerio\u00f9 dielfenna\u00f1. Stumm ar barzhoneg a glote gant ar fromo\u00f9, ar skeudenno\u00f9 kre\u00f1v ha prim a deue dezhi. Ha n’on ket estonet ivez e vije bet sachet gant stumm an haiku japanat, a ginnig ur skeudenn, ur from kre\u00f1v, hag unan nemetken, gant un nebeud gerio\u00f9. Kan an douar eo kan Anjela, pe kan Anjela eo kan an douar, n’eus diforc’h ebet, ha n’eo ket souezh ma ‘c’h eo an titl-ma\u00f1 he doa roet d’he dastumad barzhonego\u00f9 kenta\u00f1.<\/p>\n

N’he doa ket c’hoant e vije graet barzhez diouti, a skrive Klerg c’hoazh 19<\/sup>. Met penaos rei\u00f1 un anv d’ar pezh e oa deut da veza\u00f1 ? N’he doa skouer all ebet he\u00f1vel outi, hag ar merc’hed a anaveze a veve diwar batromo\u00f9 all. Hi, e-kichen, he doa graet war-dro he zud-bugale hep beza\u00f1 euredet. Met \u00ab un merveilleux secret \u00bb 20<\/sup> he doa, ar gerio\u00f9-ma\u00f1 o kas da so\u00f1j eus ar mod o doa ar merc’hed, gwechall, da gaozeal deus ur bugel o tont. N’he dije pried ebet \u2014 nemet, marteze, evel ar seurezed, an Doue he doa kred ha feiz enna\u00f1 \u2014, met bugale he dije e-leizh.<\/p>\n

Mamm an holl<\/span><\/h5>\n
O klask he familh<\/h5>\n

War-lerc’h beza\u00f1 bet mamm he zud, en ur mod, he doa gallet dispaka\u00f1 ha l\u00e2ret ar garantez a oa enni. Rak ur galon leun a garantez a oa he hini. Memes ma seblant beza\u00f1 simplik ar mod-se da welet an trao\u00f9, e c’haller l\u00e2ret e oa bet war-bouez mervel mouget gant ar garantez n’halle rei\u00f1 da zen ebet : ar ger \u00ab karantez \u00bb eo unan deus ar re a zeu an aliesa\u00f1-tout en he barzhonego\u00f9. E c’haller so\u00f1jal ivez ne vije ket bet deus Anjela Duval barzhez, ma ne vije ket marvet daou vugel kenta\u00f1 he zud. Euredet he dije hini pe hini deus ar re o doa graet o goulenn outi, bet he dije bet bugale ha dezhe he dije roet tout ar garantez a oa enni. Daoust hag-e\u00f1 eo liammet se gant ar faltazio\u00f9 koanta\u00f1, <\/em>o doa tapet Da genta\u00f1 toull an nor ? <\/em>Anjela ne ro ket an alc’hwez, met titl ar barzhoneg, \u00ab An dibab \u00bb a c’hell he\u00f1cha\u00f1 ac’hanomp. Evidon-me, piv a ganfe ?\/ Pa ‘m eus na kar na par\/ A-re on war an douar\/ Gant va c’halon goullo\u2026 <\/em>Da l\u00e2ret eo hep hini ebet da garet ? Met n’eo ket sur e vije bet trawalc’h kaout ur familh \u00ab klasel \u00bb evit ur galon ken leun a garantez. Goullo ? Goullo ? Emezout !\/ Gaou a l\u00e2rez, rak me <\/em>‘oar\/ Eo da galon leun-barr\/ P’eo gwir e karez pep Boud <\/em>21<\/em><\/sup>.<\/em> <\/em><\/p>\n

Mamm an natur<\/h5>\n

Mamm an holl e oa, ha mamm pep elfenn deus an natur da genta\u00f1. Ar gwez a oa he bugale, hi \u00ab an dervenn gozh \u00bb. Gwelet a rae anezhe evel-se, o livio\u00f9 tener, blizidik ha bresk,\/ ‘Vel ur mennozh o tiwan\/ En spered ur bugel <\/em>22<\/sup>. <\/em>Komz a rae dioute evel pa vefent bet merc’hed, o welet, da skouer, \u00ab div goantennig \u00bb e div anezhe. Ha titl ar barzhoneg, \u00ab Stultenno\u00f9 \u00bb, ne ray  ket  gaou ouzhin :  petra e vije ar \u00ab merc’hed \u00bb-se ‘mod-all ? Komz a rae oute evel ma dije graet ouzh he bugale, evel d’an onnenn e \u00ab Nevez-amzer \u00bb : ‘Vel a gari va c’hoantenn. <\/em>E c’haller menegi\u00f1 an avalo\u00f9 ruz-marellet ivez, <\/em>kap da za\u00f1sal ar jabadao betek beza\u00f1 badaouet 23<\/sup>. Al loened, er memes mod, ‘oa he bugale ivez, ha ne rae gante nemet pezh eo sa\u00f1set ur vamm vat ober gant he bugale, pa c’hall : diskouez dor ar bed dezhe ; digeri\u00f1 he dorn ha gwelet anezhe o nijal kuit (Va dorn me ‘zigor,\/Nijet out a-denn-askell), <\/em>ha rei\u00f1 Alc’houez ar Frankiz <\/em>dezhe 24<\/sup>. A-wecho\u00f9, evel ur vamm ivez, e komze e plas he bugale hag e l\u00e2re \u00ab ni \u00bb e-lerc’h \u00ab int \u00bb 25<\/sup>.<\/p>\n

Mamm he c’henvroidi<\/h5>\n

Mamm stourmerien ar vro e oa ivez. Heuilha\u00f1 ‘rae o zrubuilho\u00f9, evel ur vamm nec’het gant he bugale. Poan he deveze gante hag evite, start e veze dezhi gwelet anezhe  harzet ha toullbac’het \u2014 pe lazhet memes 26<\/sup> \u2014, int hag o doa respontet d’he galv 27<\/sup> a-enep d’an \u00ab Alouberien \u00bb. Er barzhoneg-ma\u00f1 e lenner, evit an deirvet gwech 28<\/sup>, ur ger zo nevez-bet rebechet outi beza\u00f1 graet ganta\u00f1, ar ger \u00ab gouenn \u00bb. Go\u00fbt ‘walc’h a ra an nen, koulskoude, ne dalv  ket  ar  ger-se  ar memes  tra  en  brezhoneg  hag  ar  ger \u00ab race \u00bb en galleg. Da’m meno e kaver aze, gant ar ger-ma\u00f1 just ‘walc’h, ur brouenn ouzhpenn deus ar pezh a glaske diskouez. Deut e oa an holl voudo\u00f9 bev da veza\u00f1 he familh. <\/em>Evel m’hon eus gwelet tuchant, ar gwez, ar planto\u00f9, al loened a oa he bugale. He mibien hena\u00f1 ‘oa ar Vretoned lorc’h enne o veza\u00f1 Bretoned, lorc’h enne gant o h\u00earezh, gant o zud kent : Va c’horf n’en deus ket o douget\/Va c’halon padal he deus o advabet <\/em>29<\/sup>. <\/em>Ur vamm-gozh o devoa holl ivez, stumm ur stultenn dezhi marteze, met ur vamm-gozh speredel e oa da vat : Breizh, he bro ; an hini he doa maget anezhi, ha roet ur pal nevez, ur gefridi nevez d’he buhez, p’he doa kollet he abeg nemeta\u00f1 da veva\u00f1. Kement-se e kont dimp e-barzh \u00ab Hunvre \u00bb. Er barzhoneg-ma\u00f1 e l\u00e2r ivez penaos eo deut bugale wella\u00f1 ar vro \u2014 da l\u00e2ret eo ar re a gar o bro, evel ‘vez graet \u00ab bugel mat \u00bb ouzh an hini a gar e dud \u2014 da veza\u00f1 he re dezhi.<\/p>\n

Evit mont pelloc’h gant ar ger \u00ab gouenn \u00bb<\/span><\/h5>\n

Bras ‘oa he familh hag enni e kaved ivez he breudeur a boan, ar beizanted, he breudeur tramor, \u00ab Gourenerien Kernev Veur \u00bb, ha kendirvi Iwerzhon, hag ar \u00ab ouenn \u00bb-se ‘oa kaoz diouti er barzhoneg-ma\u00f1 ‘oa he familh, splann. Pa gomz deus yezh varzhus he Gouenn <\/em>30<\/sup>, <\/em>hi hag a oa bet \u00ab adganet \u00bb, ‘c’h eo deus yezh ar familh kelt ‘ni eo e komz. Da’m so\u00f1j eo dav beza\u00f1 lennet anezhi fall evit ijina\u00f1 he dije implijet ar ger-se gant ur ster gouennelour. Evel-just ne gredan ket e vefe dre fazi e vefe nevez-bet lakaet ar ger-ma\u00f1 war-wel, en \u00ab oadvezh an diskred \u00bb zo arru warnomp 31<\/sup>. Pezh a lennan-me eo gerio\u00f9 ravolt ur vaouez, ur vamm, o welout tud o taga\u00f1 he familh, hag ar fulor da gregi\u00f1 enni. Evel en ur vamm-loen o tifenn he re vihan. Go\u00fbt a rae petra ‘oa koll unan deus e vugale. Pa lenner ar barzhoneg \u00ab Pedenn \u00bb ‘c’haller en em c’houll deus pelec’h e teue ar ouiziegezh-se dezhi, penaos he doa gallet santout poan ar vamm o welet he bugel marv. Evidon-me n’eo nemet ur skouer all a deu da gre\u00f1vaat ma c’hredenn. Go\u00fbt a rae ‘blam ma oa-hi ivez ur vamm, bamet gant unan all ken sioul dirak he c’hroc’hen drailhet. Evit echui\u00f1 da vat gant ar ger \u00ab gouenn \u00bb-se ec’h eo gwir e komzas Anjela deus ur ouenn a-is, met eus ar Vretoned an ‘ni eo e komze ha n’eo ket deus tud all ! En em c’houll a rae hag-e\u00f1 ne dalveze ket he \u00ab familh \u00bb kement ha forzh peseurt familh all. Gwech ebet n’he deus skrivet e vije bet ar familh-se \u00ab a-us \u00bb d’ar re all, nann. A live gante ne l\u00e2ran ket 32<\/sup>.<\/p>\n

\u00ab Ar barzh zo benveg ur wirionez da zizoloi\u00f1 \u00bb, a skrive Milan Kundera 33<\/sup>. Ur wirionez am eus-me santet, en ur lenn barzhonego\u00f9 Anjela. Gwirionez ur bed n’am eus ket anavet, ha me desavet en k\u00ear, bed ar re a reer labourerien-douar, kouerien, troc’herien-buzhug, keino\u00f9-melchon pe peizanted dioute.  Ur bed a ya da goll, ha n’on ket evit l\u00e2ret petra ‘vo an hini a gemero e blas. Marteze ne oa ket an holl beizanted evel Anjela. Daoust hag-e\u00f1 int bet spontet kement ha hi gant ar mod nevez d’ober gant an douar ha trao\u00f9 an natur, a lazh kentoc’h evit ne ro ar vuhez ? \u00ab Naturel \u00bb e oa ar marv he doa darempredet Anjela, poanius a-walc’h e oa met ne oa ket da glemm outa\u00f1. En \u00ab Rosa Canina \u00bb, e-lec’h ma adkemer un tem kozh, bet skrivet warna\u00f1 en galleg er Grennamzer dija, e tiskouez gant ur frazenn ‘metken, penaos n’eo ket ar marv fin an holl drao\u00f9. Ur frazennig a echu he barzhoneg : Met un <\/em>all ‘digoro arc’hoazh. <\/em>Evit ur vuhez kemeret e vez roet unan all gant an natur. Ha gant an den ? Ne so\u00f1j ket din e vije bet spontet Anjela o welet ar bed o che\u00f1ch. Go\u00fbt ‘walc’h a rae petra ‘oa ar che\u00f1chamant, petra ‘oa boudo\u00f9 o leuskel o flas da voudo\u00f9 all. Met tud ha modo\u00f9 d’ober zo. Ha ma vez komzet alies deus Doue ganti, ne gomz gwech ebet deus an diaoul, nemet pa gomz deus an den, a gemer buhezio\u00f9 ar re all evel ma vije perc’henn warne. Va buhez n’eo na din na dit, <\/em>e skrive e \u00ab Krizder \u00bb.Tud evel he zad a save trao\u00f9 a-gempouez gant an natur : Va zad en doa tennet ar vein,\/ A doullado\u00f9, a grogado\u00f9,\/ Eus e zouaro\u00f9\/ (Da ziveina\u00f1 e barko\u00f9) <\/em>34<\/em><\/sup>. <\/em>Hi a oa unan eus karourien an douar\/ Eus ar rummad-se o vont da get, en doa roet e holl nerzh, e holl vuhez d’an douar <\/em>35<\/em><\/sup>. <\/em>Tud all, liammet gant ar bed nevez o tont, o doa doareo\u00f9 all : Met un diaoul bras gant skilfo\u00f9\/O tont d’am dispenn\/Ar bulldozer ruz gant e bal ramzel\/D’am sebelia\u00f1 er fozell <\/em>36<\/em><\/sup>. O den hep elevez !, <\/em>a skrive-hi, petra a vez roet ganta\u00f1 en eskemm d’ar vuhez a vez kemeret ?<\/p>\n

N’em eus ket anavet Anjela. Met da’m so\u00f1j he doa lakaet en he barzhonego\u00f9 ar pezh he doa c’hoant da gonta\u00f1 deus hec’h istor, istor he buhez, deus he so\u00f1jo\u00f9, deus he fromo\u00f9, deus he hunvreo\u00f9, deut da wir pe aet da get\u2026 Hag ama\u00f1 ema\u00f1 ar burzhud, n’eo ket e vije bet skrivet gant ur vaouez, met e c’hallfemp holl selaou he c’homzo\u00f9 c’hoazh, sevel a-enep pe a-unan gante, ha hi aet pell diouzhimp holl pell zo. Met er Bed all ar paourig\/[he deus] kavet ur C’harour ?<\/em><\/p>\n

 <\/em>Ar vaouez kozh, a oa krog da skriva\u00f1 a-raok na vijen-me bet ganet, he deus kalz a dra da l\u00e2ret dimp c’hoazh, diwar-benn ar  c’houraj, arz ar varzhed,  yezh hon zudio\u00f9, ar garantez (ha n’eo ket ur ger diamzeret). Gant ma vo klevet gant reo\u00f9 all, a selaouo he mouezh, a ouio mont da heul he meinigo\u00f9-gerio\u00f9 e-lec’h m’he doa hadet anezhe.<\/p>\n

 <\/p>\n

Notenno\u00f9<\/h5>\n
    \n
  1. En e rakskrid da Gan an Douar, <\/em>ademban- net el levr-ma\u00f1.<\/li>\n
  2. \u00ab D’am c’hreion \u00bb.<\/li>\n
  3. Kontet zo bet din memestra penaos e oa bet taolet en tan, gant he mamm, ar skrido\u00f9 kenta\u00f1 bet savet ganti ez-vihan\u2026<\/li>\n
  4. Evit \u00ab la disparition de l’interpr\u00e9tation biographique d’une \u0153uvre \u00bb eme Milan Kundera, pa gaozee deus ar romanto\u00f9 just ‘walc’h e l’Art du roman <\/em>(Gallimard, 1986), da heul reo\u00f9 all evel Flaubert, W. Faulkner, V. Nabokov pe I. Calvino.<\/li>\n
  5. S.o. Ronan Koadig, \u00ab Anjela Duval hiziv \u00bb, el levr-ma\u00f1.<\/li>\n
  6. \u00ab Trivliad \u00bb.<\/li>\n
  7. Gw. e \u00ab Va Bed bugel \u00bb penaos e \u00ab veze roet [dezhi] gant [he] mamm [he] c’hoar vihan da skouer \u00bb ingal-ingal.<\/li>\n
  8. \u00ab Beuregan \u00bb.<\/li>\n
  9. (\u00ab En koun eus va zad \u00bb) E Breizh evel e lec’h all, ‘l\u00e2rfen a-walc’h, hag ar fed e vire ar merc’hed o anvio\u00f9 plac’h yaouank a ziskouez mann ‘met un dra : ar choaz o doa etre anv o zad hag hini o gwaz (her- vez un evezhiadenn graet gant Anne Guillou en ur c’hendiviz nevez zo).<\/li>\n
  10. \u00ab Koun \u00bb.<\/li>\n
  11. Go\u00fbt a reer e oa bet kaset lizhiri goulenn-dimezi\u00f1 dezhi war an diwezhad (gw. \u00ab War \u201chent\u201d Anjela \u00bb, gant Ivona Martin) ; met ne laoskent ket kalz a blas d’ar \u00ab faltazio\u00f9 koanta\u00f1 \u00bb !\u2026<\/li>\n
  12. \u00ab Dienez \u00bb.<\/li>\n
  13. En he lizhiri ne l\u00e2ran ket, gw. arroudenno\u00f9 lizhiri kaset d’ar seurez Saint-Michel d’ar mare-se (pennad Nathalie Caradec el levr-ma\u00f1), e-lec’h ma vez gwelet splann n’eo ket ar c’horf nemetken a oa kla\u00f1v, met ar spered ivez, ha dreist-holl memes.<\/li>\n
  14. Hervez pezh a l\u00e2re Anjela hec’h-unan : \u00ab An hini a garan ar muia\u00f1 eo e toull  ar pont bras, aze hoc’h eus an aer da veza\u00f1 bet ouzh va c’herc’hat en de\u00f1valijenn. An hini a zegas so\u00f1j eus sant Erwan a garan kemend-all, rak c’hwi, e filhorez hoc’h eus graet em andred un tammig burzhud ivez\u2026 \u00bb, 2.8.63 (en ul lizher kaset da Ivona Martin ; s.o. he fennad, op. cit.<\/em>), hag a zo bet kontet din gant Ivona Martin nevez zo.<\/li>\n<\/ol>\n
      \n
    1. S.o. \u00ab Mouezh ur brofedez \u00bb el levr-ma\u00f1.<\/li>\n
    2. \u00ab Bravig bev \u00bb.<\/li>\n
    3. \u00ab Hirnez \u00bb.<\/li>\n
    4. L\u00e2ret a ra e lec’h all (\u00ab Va Bed bugel \u00bb) e oa \u00ab barrek (\u2026) da anavezout dre o blaz kement seurt koad zo en terouer, hep fazi. \u00bb
      \n Evel reizhourez al lizherenna\u00f1 a-vicher on bet souezhet ivez gant ar mod he doa Anjela da lakaat tiredo\u00f9 hir (ar re a vez implijet e-barzh an divizo\u00f9)  ha  krochedo\u00f9 (\u00ab \u00bb) e-lec’h ma ne vijent ket bet gortozet. Alies e lakae un tired hir e penn-kenta\u00f1 ur barzhoneg (pa adskrive anezhe \u00ab prop \u00bb e-barzh he c’haiero\u00f9). So\u00f1jet em boa da genta\u00f1 e oa ur mod da \u00ab alani\u00f1 \u00bb a-raok en em la\u00f1sa\u00f1 da skriva\u00f1. Met brema\u00f1 e so\u00f1jan ivez e c’halle beza\u00f1 un dra all : he barzhonego\u00f9 a zo kement so\u00f1j he doa da roi\u00f1 da glevet. Skriva\u00f1 barzhonego\u00f9 e oa kregi\u00f1 un diviz gant ar re all. Hag a-benn ar fin, memes ma ne oa ket ur mailh (?) war ar poentadur, mechal hag-e\u00f1 ne oa ket ar merko\u00f9 bihan-se arouezio\u00f9 an diviz he doa c’hoant da gaout gant ar re all\u2026<\/li>\n<\/ol>\n
        \n
      1. S.o. e rakskrid adembannet el levr-ma\u00f1.<\/li>\n
      2. He lizhiri d’ar seurez Saint-Michel (s.o. notenn 13).<\/li>\n
      3. \u00ab Beuregan \u00bb.<\/li>\n
      4. \u00ab An delio\u00f9 kenta\u00f1 \u00bb.<\/li>\n
      5. \u00ab Avalo\u00f9 \u00bb.<\/li>\n
      6. \u00ab Bravig bev \u00bb.<\/li>\n
      7. \u00ab Koraiz an evned \u00bb.<\/li>\n
      8. \u00ab E koun ur merzher \u00bb.<\/li>\n
      9. Hervez ar ger implijet gant Laouenan, \u00ab Mouezh ur brofedez \u00bb, op.cit.<\/em><\/li>\n<\/ol>\n
          \n
        1. Kavet a reer anezha\u00f1 evit ar wech kenta\u00f1 er barzhoneg \u00ab War verraat \u00bb, e-lerc’h ma talvez \u00ab seurt \u00bb hep mar ebet, hag en \u00ab Eil bugaleaj \u00bb.<\/li>\n
        2. \u00ab Evel ur mab \u00bb, <\/em>barzhoneg war follenn-distag.<\/li>\n
        3. \u00ab Eil bugaleaj \u00bb.<\/li>\n
        4. \u00ab \u2026 \u00e9viter la fausse innocence, en ayant dit clairement qu’on ne peut plus parler de fa\u00e7on innocente \u00bb, Umberto Eco, Apostille au <\/em>Nom de la<\/li>\n
        5. He zestenn \u00ab Ivan \u00bb zo arouezius a- walc’h deus petra ‘dalveze ar \u00ab meskaj gouenno\u00f9 \u00bb eviti\u2026<\/li>\n
        6. Milan Kundera, op. cit. <\/em>(\u00ab Le po\u00e8te est au service d’une v\u00e9rit\u00e9 \u00e0 d\u00e9couvrir. \u00bb)<\/li>\n
        7. \u00ab Va zi bihan \u00bb.<\/li>\n
        8. \u00ab Tonkadur \u00bb.<\/li>\n
        9. \u00ab Ar c’hleuz \u00bb.<\/li>\n<\/ol>\n","protected":false},"excerpt":{"rendered":"

          \u00ab Rouez, ya, rouez-meurbet, e seblant beza\u00f1 ar merc’hed troet da skriva\u00f1 barzhoniezh \u00bb a skrive Klerg e 1973 1. Herveza\u00f1 e […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2827","page","type-page","status-publish","hentry"],"acf":[],"yoast_head":"\nMeinigo\u00f9 kizellet - Corinne ar Mero - Anjela Duval<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/www.anjela.org\/oberenn\/bz\/meinigou-kizellet-corinne-ar-mero\/\" \/>\n<meta property=\"og:locale\" content=\"fr_FR\" \/>\n<meta property=\"og:type\" content=\"article\" \/>\n<meta property=\"og:title\" content=\"Meinigo\u00f9 kizellet - Corinne ar Mero - Anjela Duval\" \/>\n<meta property=\"og:description\" content=\"\u00ab Rouez, ya, rouez-meurbet, e seblant beza\u00f1 ar merc’hed troet da skriva\u00f1 barzhoniezh \u00bb a skrive Klerg e 1973 1. Herveza\u00f1 e […]\" \/>\n<meta property=\"og:url\" content=\"https:\/\/www.anjela.org\/oberenn\/bz\/meinigou-kizellet-corinne-ar-mero\/\" \/>\n<meta property=\"og:site_name\" content=\"Anjela Duval\" \/>\n<meta property=\"article:modified_time\" content=\"2025-08-13T13:23:26+00:00\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Dur\u00e9e de lecture estim\u00e9e\" \/>\n\t<meta name=\"twitter:data1\" content=\"23 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"WebPage\",\"@id\":\"https:\\\/\\\/www.anjela.org\\\/oberenn\\\/bz\\\/meinigou-kizellet-corinne-ar-mero\\\/\",\"url\":\"https:\\\/\\\/www.anjela.org\\\/oberenn\\\/bz\\\/meinigou-kizellet-corinne-ar-mero\\\/\",\"name\":\"Meinigo\u00f9 kizellet - Corinne ar Mero - Anjela Duval\",\"isPartOf\":{\"@id\":\"https:\\\/\\\/www.anjela.org\\\/oberenn\\\/#website\"},\"datePublished\":\"2017-10-23T23:35:04+00:00\",\"dateModified\":\"2025-08-13T13:23:26+00:00\",\"breadcrumb\":{\"@id\":\"https:\\\/\\\/www.anjela.org\\\/oberenn\\\/bz\\\/meinigou-kizellet-corinne-ar-mero\\\/#breadcrumb\"},\"inLanguage\":\"fr-FR\",\"potentialAction\":[{\"@type\":\"ReadAction\",\"target\":[\"https:\\\/\\\/www.anjela.org\\\/oberenn\\\/bz\\\/meinigou-kizellet-corinne-ar-mero\\\/\"]}]},{\"@type\":\"BreadcrumbList\",\"@id\":\"https:\\\/\\\/www.anjela.org\\\/oberenn\\\/bz\\\/meinigou-kizellet-corinne-ar-mero\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Accueil\",\"item\":\"https:\\\/\\\/www.anjela.org\\\/oberenn\\\/\"},{\"@type\":\"ListItem\",\"position\":2,\"name\":\"Meinigo\u00f9 kizellet – Corinne ar Mero\"}]},{\"@type\":\"WebSite\",\"@id\":\"https:\\\/\\\/www.anjela.org\\\/oberenn\\\/#website\",\"url\":\"https:\\\/\\\/www.anjela.org\\\/oberenn\\\/\",\"name\":\"Anjela Duval\",\"description\":\"\",\"publisher\":{\"@id\":\"https:\\\/\\\/www.anjela.org\\\/oberenn\\\/#organization\"},\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/www.anjela.org\\\/oberenn\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"fr-FR\"},{\"@type\":\"Organization\",\"@id\":\"https:\\\/\\\/www.anjela.org\\\/oberenn\\\/#organization\",\"name\":\"Mignoned Anjela\",\"url\":\"https:\\\/\\\/www.anjela.org\\\/oberenn\\\/\",\"logo\":{\"@type\":\"ImageObject\",\"inLanguage\":\"fr-FR\",\"@id\":\"https:\\\/\\\/www.anjela.org\\\/oberenn\\\/#\\\/schema\\\/logo\\\/image\\\/\",\"url\":\"https:\\\/\\\/www.anjela.org\\\/oberenn\\\/wp-content\\\/uploads\\\/2019\\\/11\\\/logo-mignoned-angela.png\",\"contentUrl\":\"https:\\\/\\\/www.anjela.org\\\/oberenn\\\/wp-content\\\/uploads\\\/2019\\\/11\\\/logo-mignoned-angela.png\",\"width\":248,\"height\":147,\"caption\":\"Mignoned Anjela\"},\"image\":{\"@id\":\"https:\\\/\\\/www.anjela.org\\\/oberenn\\\/#\\\/schema\\\/logo\\\/image\\\/\"}}]}<\/script>\n<!-- \/ Yoast SEO plugin. -->","yoast_head_json":{"title":"Meinigo\u00f9 kizellet - Corinne ar Mero - Anjela Duval","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/www.anjela.org\/oberenn\/bz\/meinigou-kizellet-corinne-ar-mero\/","og_locale":"fr_FR","og_type":"article","og_title":"Meinigo\u00f9 kizellet - Corinne ar Mero - Anjela Duval","og_description":"\u00ab Rouez, ya, rouez-meurbet, e seblant beza\u00f1 ar merc’hed troet da skriva\u00f1 barzhoniezh \u00bb a skrive Klerg e 1973 1. Herveza\u00f1 e […]","og_url":"https:\/\/www.anjela.org\/oberenn\/bz\/meinigou-kizellet-corinne-ar-mero\/","og_site_name":"Anjela Duval","article_modified_time":"2025-08-13T13:23:26+00:00","twitter_card":"summary_large_image","twitter_misc":{"Dur\u00e9e de lecture estim\u00e9e":"23 minutes"},"schema":{"@context":"https:\/\/schema.org","@graph":[{"@type":"WebPage","@id":"https:\/\/www.anjela.org\/oberenn\/bz\/meinigou-kizellet-corinne-ar-mero\/","url":"https:\/\/www.anjela.org\/oberenn\/bz\/meinigou-kizellet-corinne-ar-mero\/","name":"Meinigo\u00f9 kizellet - Corinne ar Mero - Anjela Duval","isPartOf":{"@id":"https:\/\/www.anjela.org\/oberenn\/#website"},"datePublished":"2017-10-23T23:35:04+00:00","dateModified":"2025-08-13T13:23:26+00:00","breadcrumb":{"@id":"https:\/\/www.anjela.org\/oberenn\/bz\/meinigou-kizellet-corinne-ar-mero\/#breadcrumb"},"inLanguage":"fr-FR","potentialAction":[{"@type":"ReadAction","target":["https:\/\/www.anjela.org\/oberenn\/bz\/meinigou-kizellet-corinne-ar-mero\/"]}]},{"@type":"BreadcrumbList","@id":"https:\/\/www.anjela.org\/oberenn\/bz\/meinigou-kizellet-corinne-ar-mero\/#breadcrumb","itemListElement":[{"@type":"ListItem","position":1,"name":"Accueil","item":"https:\/\/www.anjela.org\/oberenn\/"},{"@type":"ListItem","position":2,"name":"Meinigo\u00f9 kizellet – Corinne ar Mero"}]},{"@type":"WebSite","@id":"https:\/\/www.anjela.org\/oberenn\/#website","url":"https:\/\/www.anjela.org\/oberenn\/","name":"Anjela Duval","description":"","publisher":{"@id":"https:\/\/www.anjela.org\/oberenn\/#organization"},"potentialAction":[{"@type":"SearchAction","target":{"@type":"EntryPoint","urlTemplate":"https:\/\/www.anjela.org\/oberenn\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"fr-FR"},{"@type":"Organization","@id":"https:\/\/www.anjela.org\/oberenn\/#organization","name":"Mignoned Anjela","url":"https:\/\/www.anjela.org\/oberenn\/","logo":{"@type":"ImageObject","inLanguage":"fr-FR","@id":"https:\/\/www.anjela.org\/oberenn\/#\/schema\/logo\/image\/","url":"https:\/\/www.anjela.org\/oberenn\/wp-content\/uploads\/2019\/11\/logo-mignoned-angela.png","contentUrl":"https:\/\/www.anjela.org\/oberenn\/wp-content\/uploads\/2019\/11\/logo-mignoned-angela.png","width":248,"height":147,"caption":"Mignoned Anjela"},"image":{"@id":"https:\/\/www.anjela.org\/oberenn\/#\/schema\/logo\/image\/"}}]}},"_links":{"self":[{"href":"https:\/\/www.anjela.org\/oberenn\/wp-json\/wp\/v2\/pages\/2827","targetHints":{"allow":["GET"]}}],"collection":[{"href":"https:\/\/www.anjela.org\/oberenn\/wp-json\/wp\/v2\/pages"}],"about":[{"href":"https:\/\/www.anjela.org\/oberenn\/wp-json\/wp\/v2\/types\/page"}],"author":[{"embeddable":true,"href":"https:\/\/www.anjela.org\/oberenn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.anjela.org\/oberenn\/wp-json\/wp\/v2\/comments?post=2827"}],"version-history":[{"count":0,"href":"https:\/\/www.anjela.org\/oberenn\/wp-json\/wp\/v2\/pages\/2827\/revisions"}],"wp:attachment":[{"href":"https:\/\/www.anjela.org\/oberenn\/wp-json\/wp\/v2\/media?parent=2827"}],"curies":[{"name":"wp","href":"https:\/\/api.w.org\/{rel}","templated":true}]}}