Ar joanig gof ruz zo o neizha\u00f1 tost d’ar wazh, gwech pintet war ar spern gwenn a-dal d’ar c’hrao\u00f9, gwech all o kana\u00f1 war ar c’harr-bout lezet da vreina\u00f1 e-kichen ar bern keuneud, a ra kofado\u00f9 gant ar bruzunajo\u00f9 skubet war-lerc’h tremenidi niverus an deiz.<\/p>\n
Evit an evned all, ‘vez un ta\u00f1va deus ar mouar \u2014 n’eo ket an drez a vank war kleuzio\u00f9 stank ar menaj \u2014, an had deus al lann gallek a glever o strakal gant an tommder kenta\u00f1 a ya gante laouen, hag ivez c’hoazh o lod deus ar rezin du ha put a darev bep bloaz er winienn harp ouzh an ti, en e wella\u00f1 goude ar rev kenta\u00f1.<\/p>\n
Evit pri\u00f1sed niverus ar rouantelezh vihan, Stur, Fousou, Fionn, Triskell, Saded ha re all c’hoazh ankounac’haet ganin o anvio\u00f9 brema\u00f1, bara sec’h trempet el laezh, restacho\u00f9 soubenn hag eskern da lipat ha\u2026 karantez \u2014 e-leizh \u2014 a-berzh Itron an Domani. Evit he zrugarekaat ur sotelamouto\u00f1 bennak hag un todion har- zhadenno\u00f9 pa erru gweladennerien.<\/p>\n
Peuri\u00f1 en disheol hag er gwasked evit ar saout laezh hag an annoarezed, ama\u00f1 e kresk uhel ha niverus ar gwez kistin, faou, onn, derv, skav hag ivez ar gwez krao\u00f1 hag avalo\u00f9 bet imboudet war ar c’hleuzio\u00f9.<\/p>\n
Evit ar gazeg Sibel, skoazellerez feal al labourerez-douar, foenn ha kerc’h ha kaozio\u00f9 flour war-lerc’h un devezhiad labour tenn.<\/p>\n
Evit Chouchenn ha Ledaw e chom al logod a dicha\u00f1sfe dezhe tostaat re ouzh ar greun malet, an avalo\u00f9-douar pe ar paper berniet er c’hrignol.<\/p>\n
En eskemm d’un tamm skoazell ‘kerzh labourio\u00f9 kalet an ha\u00f1v, ar foenn, an eost pe ar potaj, e kav ama\u00f1 studierien, kane- rien, tud lemm o fluenn bod ha boued speredel ; ur yezh yac’h ha pinvidik, fent ha kizidigezh, sioulder ar maezio\u00f9 ha dreist-holl ar glaouiadenno\u00f9 a gennerzh neb a stourm.<\/p>\n
Digor an nor ivez d’an hini a glask tapout krog e kudenno\u00f9 an divroa\u00f1, an endro, adsav ar sevenadur. Un ta\u00f1va o deus deus dour an eienn ; ma kasont gante al louzo\u00f9 d’ar g\u00ear, ar pare, siwazh, n’eo ket asur bepred.<\/p>\n
Eus Trao\u00f1-an-Dour ez a alies e sac’h paotr al lizhero\u00f9, pennado\u00f9, barzhone- go\u00f9, kaierado\u00f9 eus an druilh. Maget mat ha brav ‘vez Barr-Heol, Ar Bed Keltiek, Al Liamm <\/em>ha nouspet hini all gant skrido\u00f9 tapet c’hwek ha lakaet war baper diwez- hat diouzh an noz, war amzer laeret d’ar c’housk.<\/p>\n Da Drao\u00f1-an-Dour e teu alies kazeten- nerien, skingomzo\u00f9 ha skinwelio\u00f9 a bep seurt bro, a bep seurt yezh, dastumerien gerio\u00f9, tennerien poltridi, betek saverien o fri : keit ha ma ya ar vilin en-dro, kram- pouezh a vez evit lod zo ! Mamm-gozh frealzus ha karantezus evit ar re yaouank sparlet du-hont er g\u00ear vras en ur vro estren, evelti e kasont war-raok stourm ar frankiz, dibleg. E penn an torgoso\u00f9, Anjela, e c’heller gwelet a-wecho\u00f9 bran- ko\u00f9 ha skourro\u00f9 yac’h. Dichonkadenno\u00f9 Trao\u00f1-an-Dour o deus kresket fonnus e meur a liorzh ti tud ho pro, a drugarez deoc’h.<\/p>\n Ha\u00f1v 1999<\/p>\n","protected":false},"excerpt":{"rendered":" Ar joanig gof ruz zo o neizha\u00f1 tost d’ar wazh, gwech pintet war ar spern gwenn a-dal d’ar c’hrao\u00f9, gwech all o […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2751","page","type-page","status-publish","hentry"],"acf":[],"yoast_head":"\n