{"id":2651,"date":"2017-10-23T18:41:40","date_gmt":"2017-10-23T16:41:40","guid":{"rendered":"http:\/\/www.anjela.org\/oberenn\/?page_id=2651"},"modified":"2025-08-13T15:20:32","modified_gmt":"2025-08-13T13:20:32","slug":"awen-ar-galon","status":"publish","type":"page","link":"https:\/\/www.anjela.org\/oberenn\/bz\/awen-ar-galon\/","title":{"rendered":"Awen ar galon"},"content":{"rendered":"

Pennad-kaoz gant Per Denez<\/em><\/p>\n

Meur a wech on bet e darempred gant Anjela. ‘M eus aon ne oa morse evit konta\u00f1 kaozio\u00f9 pe evit kas just ul lizher a vignoniezh \u2014 nemet e vefe marteze e-ke\u00f1ver an deiz kenta\u00f1 ar bloaz \u2014, kentoc’h e oa evit komz diwar-benn al labour pe an trao\u00f9 a vije da veza\u00f1 graet, hag ivez pa ‘m eus embannet skrido\u00f9 ganti, pe c’hoazh evit ober gourc’hemenno\u00f9 dezhi evit ar pezh he doa skrivet. Aet ‘oan da welout anezhi ur wech bennak, gant ar vugale evel-just hag a oa laouen-tout. So\u00f1j ‘m eus eus ti bihan Anjela, eus al loened a oa war-dro, eus an trao\u00f9 brav a oa en he zi, pa ne vije bet nemet ar mein dastumet ganti war an hent. Roet he doa un nebeud mein limestra deomp, e-giz-se, da gas ganeomp d’ar g\u00ear.<\/p>\n

An degemer mod Breizh<\/strong><\/h3>\n

Anjela he doa roet ur pennad mat eus hec’h amzer deomp ivez hag an dra-se ‘oa ur prof bras eus he ferzh, rak goude ma veze aet an dud kuit, hi a gave al labour d’ober. Daoust dezhi beza\u00f1 ur vaouez kalonek, ne oa ket ur vaouez ken kre\u00f1v-se hag al labour he doa d’ober a c’houlenne nerzh ha kre\u00f1vder. Setu, kement munutenn a veze kemeret diganti a oa ur vunutenn labour tennet diganti. Met hi a roe an dra-se gant mignoniezh.<\/p>\n

Un dra all a oa : degemer a rae an dud e doare kozh Breizh, an doare ‘m eus anavezet war ar maez gwechall. Da lavarout eo, lakaat ar bara war an daol, an amann, un tamm formaj-kig, marteze ur banne sistr, hag evel-just ur banne kafe, lakaet ar chaftal war an oaled da domma\u00f1. Degemeret e vezed e gwirionez, n’eo ket lavarout \u00ab demat \u00bb hepken hag un nebeud trao\u00f9 dibouez, degemeret e vezed gant ar galon : degemer an dud en ti, kas anezho d’ober un tammig pourmenadenn er c’hornio\u00f9 a gare ar muia\u00f1, komz eus he farkeier, komz eus he bro. Bez’ e oa ur gwir eskemm ganti, a lakae an dud da gemer perzh en he buhez, da welout petra ‘oa he buhez. Konta\u00f1 a rae penaos e oa an devezh eviti, penaos e oa tu da veva\u00f1 \u2014 bewech m’on bet o welout anezhi, ez eo aet d’ar pu\u00f1s da denna\u00f1 dour.<\/p>\n

An dever<\/h3>\n

Evel-se ‘m eus so\u00f1j eus Anjela, ur vaouez bihan a-walc’h, aet un tammig kromm gant an oad, hag atav o vousc’hoarzhin gant mousc’hoarzh ar peoc’h diabarzh. N’ouzon ket hag-e\u00f1 e oa ken peoc’hus-se he c’halon e gwirionez, rak ar vuhez eviti ‘oa bet ur vuhez kalet, gant koll he zad, koll he c’hoar, ha chom da ober war-dro ar feurm.<\/p>\n

Hi zo chomet an hini diwezha\u00f1 oc’h ober war-dro he zud, war-dro an ti. An dra-se a lenner a-wecho\u00f9 en he barzhonego\u00f9 : beza\u00f1 chomet plac’h yaouank kozh hep kaout bugale da lakaat buhez en he zi, da rei\u00f1 un tammig levenez dezhi, hag ouzhpenn, da lakaat an trao\u00f9 da badout. Ur so\u00f1j a veze ganti alies, un dra drubuilhus : gant piv e vije aet Trao\u00f1-an-Dour, petra ‘vije deuet Trao\u00f1-an-Dour da veza\u00f1 ? Marteze e so\u00f1je dezhi e vije bet tud c’hoazh da c’hounit an douar, evel m’he doa graet.<\/p>\n

Bec’h ar brud<\/h3>\n

Un dra a zo c’hoarvezet ha n’eo ket bet ken mat-se eviti eo pa ‘z eo deuet da veza\u00f1 brudet-bras da heul an abadenno\u00f9 skinwel a zo bet graet diwar he fenn. Diwar an devezh-se n’o deus ket paouezet an dud da zont da welout anezhi en he zi. En em c’houlenn a ran hag-e\u00f1 n’eo ket bet lakaet war al levrig bruderezh a vez graet gant ar syndicat d’initiative <\/em>en he bro. \u00ab Petra zo da veza\u00f1 gwelet er C’hozh-Varc’had ? An iliz, ar Seizh Sant hag\u2026 Anjela Duval ! \u00bb <\/p>\n

Bez’ e oa un dra vrav evit ar brezhoneg, evit Breizh, met ‘m eus aon un tammig fall eviti, peogwir e veze debret hec’h amzer gant ar weladennerien-se. Koulskoude e tegemere anezho atav en un doare dereat, peogwir e oa ur vaouez dereat ha seven. Hag ivez dre zlead, peogwir e so\u00f1je dezhi e oa ret komz evit Breizh, komz evit ar brezhoneg, bewech ma oa tu d’en ober, bewech ma oa ret en ober.<\/p>\n

Ar garantez evit he bro<\/h3>\n

Bez’ e oa stag ouzh kement tra bev a oa en-dro dezhi. Karantez he doa evit an trao\u00f9, evit ar vro en-dro dezhi, evit ar wenojenn a gase d’ar parkeier, evit ar bleunio\u00f9 a oa o kreski\u00f1 war vord ar wenojenn, ar mein limestra-se hag a blije dezhi kement. Evit paea\u00f1 n’ouzon ket mui petra e oa bet ret dezhi diskar un nebeud gwez kozh. An dra-se ‘oa bet ur gloaz en he c’halon.<\/p>\n

Klevet ‘m eus gant Ivona Martin ar boan he deus bet o lakaat Anjela da gaout un tammig aezamant en he zi. Diwezhat a-walc’h eo deuet an tredan. Degemeret he deus an trao\u00f9-se ha dav e oa, peogwir e oa ur vaouez kozh memestra, met marteze ivez he deus kollet neuze ar so\u00f1j pe un dra bennak deus ar pezh a rae plijadur an amzer gozh, pa oa gant he zad e-kichen an tan, er goa\u00f1v pa ne oa tamm goulo\u00f9 ebet en ti, nemet ar goulo\u00f9 a zeue eus an tan, pe ar goulo\u00f9 a zeue eus ar gleuzeur dre betrol, hag a oa e-kreiz an ti.<\/p>\n

Daoust hag-e\u00f1 e oa ur vaouez a oa a-enep d’ar mont war-raok, a-enep d’an araokaat ? Ne gredfen ket lavarout an dra-se. Ar pezh ne blije ket dezhi a oa gwelout distruja\u00f1 ar vro, ha distruja\u00f1 kened ar vro, evit trao\u00f9 faos, evit trao\u00f9 ne oant ket ur gwir mont war-raok ; hi hag he doa labouret kement gant he c’horf ha gant he daouarn a ouie pegen kalet e oa ha ne c’helle nemet kaout c’hoant da gaout ur vuhez aesoc’h.<\/p>\n

Spered tud ar maezio\u00f9<\/h3>\n

So\u00f1j am eus eus Anjela evel ur vaouez n’he doa ket bet aotre da chom pell amzer er skol, ha koulskoude he doa en em zesket hec’h-unan. Ne vefe ket lavaret e oa ur vaouez desket dre m’he dije dastumet kalz deskamant er skolio\u00f9, met lennet he doa kalz hag he doa miret so\u00f1j eus ar pezh he doa lennet, hag e ouie implijout an trao\u00f9-se en doare eeuna\u00f1 ha gwira\u00f1 ma oa tu. Ne oa ket c’hoario\u00f9 gerio\u00f9 na c’hoario\u00f9 spered ar pezh a gonte. Atav e oa trao\u00f9 o tont deus ar galon, en un doare eeun ha sklaer. E gwirionez ar brezhoneg a zo bet eviti ur vammenn a blijadur : un doare silvidigezh a zo deuet dezhi gant ar brezhoneg.<\/p>\n

Hag o prederia\u00f1 war ar pezh he deus graet Anjela ez eus ennon kalz a levenez met ivez un doare kounnar, o so\u00f1jal na pet a dud evelti o veva\u00f1 war ar maez, maget ha savet er yezh, o dije gallet sevel trao\u00f9 kaer, evit o c’henvroiz, evit an dud all hag evit an amzer da zont. Miret zo bet outo d’en ober, peogwir eo bet distrujet ar  yezh  enno,  ha  peogwir  int  bet distrujet war un dro gant ar yezh. Setu, bez’ eo Anjela evel un testeni deus ar pezh a vije bet tu da Vreizh beza\u00f1, ma vije bet aotreet da veva\u00f1 he buhez hervez he c’hoant.<\/p>\n

Ur bern tud evel Anjela a oa war maezio\u00f9 Breizh, tud speredek, tud hag a oa galloud ganto en o yezh, tud hag o doa ijin, o doa ur galon dener, ur galon domm, hag a zo bet miret outo da veva\u00f1, da veva\u00f1 evito o-unan ha da veva\u00f1 evit ar re all. En abeg d’ar sistem deskadurezh a zo bet plantet warno, hag en deus distrujet anezho. Anjela a zo bet gouest da sevel he c’hein, da vont dreist d’ar sistem-se, da embann pegen drouk e oa, ivez da ziskouez ar pezh a vije bet tu d’ober gant ar yezh ha gant ar frankiz. Setu un dra a lak an den da veza\u00f1 fuloret war-lerc’h ar re o deus distrujet ar vro evel-se, hag o deus distrujet kant Anjela all o dije gallet sevel e Breizh.<\/p>\n

Ar stourmerez<\/h3>\n

Anjela he deus gallet sevel he c’hein, peogwir e oa an dra-se en he natur, sur a-walc’h, ur stourmerez a blac’h e oa. Daoust hag-e\u00f1 e oa kristeniezh, n’ouzon ket, peogwir e lavar ar gristeniezh alies d’an dud plega\u00f1 ha gouza\u00f1v hep ober trouz. Me ‘gav din ez eo ar brezhoneg.<\/p>\n

Evel-just he deus bet ar cha\u00f1s da gavout war he hent an aotrou Klerg hag Ivona Martin hag o deus broudet anezhi da skriva\u00f1. Hi a lavar ivez pegement e tle da Roparz Hemon peogwir e skrive dezhi eus Iwerzhon da lavarout pegen laouen e oa o kaout trao\u00f9 savet ganti en he yezh. Hi he doa c’hoant ha youl d’ober un dra bennak evit ar brezhoneg : hi a chome stag ouzh ar brezhoneg hag ar brezhoneg a chome stag outi.<\/p>\n

Goude ma oa marv he familh, ne oa nemet ar yezh hag a chome dezhi, hag ar yezh ne c’helle ket mervel. Emicha\u00f1s e oa natur an den ivez : hi a oa ur plac’h, koulskoude he deus gallet chom da veva\u00f1 hec’h-unan diwar un tamm atant bihan a netra e-giz-se. Ur vuhez kalet e oa, ha memestra e oa chomet da veva\u00f1 war ar maez, en doare diaes a oa he doare, ha stourm evit ar brezhoneg. An dra-se a zeue eus ar memes tro-spered.<\/p>\n

Barzhez ar galon<\/h3>\n

Pep barzh en deus e zoare e-unan. Hi a zeue dezhi an awen pe ar from eus ar galon, hag atav e oa enni ar garantez-se, evit ar vro, evit ar yezh, evit an dud. Un dra nevez he deus degaset el lennegezh en abeg d’ar yezh a zeue aes ganti, en un doare flour, en abeg d’ar santadurio\u00f9, d’an awen a oa un dra bennak don a zeue eus an douar.<\/p>\n

Hag ivez, ur mare ‘oa da nebeuta\u00f1, e oa bet skrivagnerien hag a oa tost eus an douar, a oa bet o veva\u00f1 war ar maez en o yaouankiz, met tout o doa kuitaet al labour war ar maez. Setu ar vuhez war ar maez a oa evito evel un e\u00f1vor plijus, peogwir e oa amzer o yaouankiz. Gant Anjela e oa dishe\u00f1vel. Hi a oa chomet da veva\u00f1 ha da labourat war ar maez, hec’h-unan penn, an dra-se a ranker kompren. Ne veze rannet al labour gant den all ebet.<\/p>\n

Samm al labour<\/h3>\n

Hi he deveze d’ober pep tra. Dezhi e oa da skrivella\u00f1 ar marc’h, da rei\u00f1 foenn d’ar marc’h, da sternia\u00f1 anezha\u00f1, da gas anezha\u00f1 d’al labour. Peurliesa\u00f1 en ur vereuri e vez rannet al labour, labour evit ar baotred, labour evit ar merc’hed. Hi a oa war un dro paotr ha plac’h en he mereuri. Setu dre ret e oa he barzhoniezh dishe\u00f1vel diouzh ar pezh a oa bet klevet betek-henn.<\/p>\n

Emily hag Anjela<\/h3>\n

Skrivet ‘m eus diwar-benn Emilie Dickinson hag Anjela Duval. D’ar mare-se ne oa ket kement a verc’hed o skriva\u00f1 barzhoniezh hag em spered em eus klasket ke\u00f1veria\u00f1 anezho, peogwir Emilie Dickinson ne oa ket dimezet, peogwir e oa o veva\u00f1 war ar  maez ivez \u2014 ne gav ket din e laboure evel Anjela.<\/p>\n

Hi ‘oa ur vaouez en ur stad a zispac’h ha dreist-holl a-enep d’ar relijion pe a-enep da Zoue. Er c’hontrol Anjela Duval, a seblant din, a oa doujus a-walc’h ouzh ar relijion. Setu e kavfen e oa muioc’h a zispac’h e-barzh Emilie Dickinson eget e-barzh Anjela. N’em boa ket kavet ar memes ton gant Anjela ha gant Emilie Dickinson. Met marteze e gwirionez ez eus trao\u00f9 all leun a nerzh, a stourm, trao\u00f9 kalet gant Anjela Duval ha n’eus ket gant ar varzhez all.<\/p>\n

Bev da viken<\/h3>\n

P’emaon o klask don ennon, n’on ket gouest da gregi\u00f1 da so\u00f1jal ez eo marv. N’on ket aet morse en-dro da Drao\u00f1-an- Dour evel-just (evit-se, Trao\u00f1-an-Dour a zo atav evidon evel ‘m eus gwelet anezha\u00f1, en amzer ma oa bev Anjela). Met trawalc’h eo din kemer ul levr ha lenn he barzhonego\u00f9, hag e welan Anjela dirak ma daoulagad. Dreist-holl e welan he mousc’hoarzh, bet brudet gant al luc’hskeudenno\u00f9 anavezet mat.<\/p>\n

Gwelout a ran anezhi em e\u00f1vor, hec’h-unan er porzh gant he chas (unan ‘oa bet anvet FLB, \u00ab Felbe \u00bb a lavare-hi) ha so\u00f1j ‘m eus eus ma bugale o c’hoari gant al loened-se. Emicha\u00f1s int o deus so\u00f1j ivez eus Anjela Duval. N’ouzon ket pet bugel en he c’horn-bro en deus so\u00f1j diouti. Met bez’ zo ur bern bugale na oant ket eus he bro hag a oar brema\u00f1 piv a oa Anjela.<\/p>\n

 <\/p>\n

Enrollet gant Ronan Koadig<\/em><\/p>\n","protected":false},"excerpt":{"rendered":"

Pennad-kaoz gant Per Denez Meur a wech on bet e darempred gant Anjela. ‘M eus aon ne oa morse evit konta\u00f1 kaozio\u00f9 […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2651","page","type-page","status-publish","hentry"],"acf":[],"yoast_head":"\nAwen ar galon - Anjela Duval<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/www.anjela.org\/oberenn\/bz\/awen-ar-galon\/\" \/>\n<meta property=\"og:locale\" content=\"fr_FR\" \/>\n<meta property=\"og:type\" content=\"article\" \/>\n<meta property=\"og:title\" content=\"Awen ar galon - Anjela Duval\" \/>\n<meta property=\"og:description\" content=\"Pennad-kaoz gant Per Denez Meur a wech on bet e darempred gant Anjela. ‘M eus aon ne oa morse evit konta\u00f1 kaozio\u00f9 […]\" \/>\n<meta property=\"og:url\" content=\"https:\/\/www.anjela.org\/oberenn\/bz\/awen-ar-galon\/\" \/>\n<meta property=\"og:site_name\" content=\"Anjela Duval\" \/>\n<meta property=\"article:modified_time\" content=\"2025-08-13T13:20:32+00:00\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Dur\u00e9e de lecture estim\u00e9e\" \/>\n\t<meta name=\"twitter:data1\" content=\"11 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"WebPage\",\"@id\":\"https:\\\/\\\/www.anjela.org\\\/oberenn\\\/bz\\\/awen-ar-galon\\\/\",\"url\":\"https:\\\/\\\/www.anjela.org\\\/oberenn\\\/bz\\\/awen-ar-galon\\\/\",\"name\":\"Awen ar galon - Anjela Duval\",\"isPartOf\":{\"@id\":\"https:\\\/\\\/www.anjela.org\\\/oberenn\\\/#website\"},\"datePublished\":\"2017-10-23T16:41:40+00:00\",\"dateModified\":\"2025-08-13T13:20:32+00:00\",\"breadcrumb\":{\"@id\":\"https:\\\/\\\/www.anjela.org\\\/oberenn\\\/bz\\\/awen-ar-galon\\\/#breadcrumb\"},\"inLanguage\":\"fr-FR\",\"potentialAction\":[{\"@type\":\"ReadAction\",\"target\":[\"https:\\\/\\\/www.anjela.org\\\/oberenn\\\/bz\\\/awen-ar-galon\\\/\"]}]},{\"@type\":\"BreadcrumbList\",\"@id\":\"https:\\\/\\\/www.anjela.org\\\/oberenn\\\/bz\\\/awen-ar-galon\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Accueil\",\"item\":\"https:\\\/\\\/www.anjela.org\\\/oberenn\\\/\"},{\"@type\":\"ListItem\",\"position\":2,\"name\":\"Awen ar galon\"}]},{\"@type\":\"WebSite\",\"@id\":\"https:\\\/\\\/www.anjela.org\\\/oberenn\\\/#website\",\"url\":\"https:\\\/\\\/www.anjela.org\\\/oberenn\\\/\",\"name\":\"Anjela Duval\",\"description\":\"\",\"publisher\":{\"@id\":\"https:\\\/\\\/www.anjela.org\\\/oberenn\\\/#organization\"},\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/www.anjela.org\\\/oberenn\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"fr-FR\"},{\"@type\":\"Organization\",\"@id\":\"https:\\\/\\\/www.anjela.org\\\/oberenn\\\/#organization\",\"name\":\"Mignoned Anjela\",\"url\":\"https:\\\/\\\/www.anjela.org\\\/oberenn\\\/\",\"logo\":{\"@type\":\"ImageObject\",\"inLanguage\":\"fr-FR\",\"@id\":\"https:\\\/\\\/www.anjela.org\\\/oberenn\\\/#\\\/schema\\\/logo\\\/image\\\/\",\"url\":\"https:\\\/\\\/www.anjela.org\\\/oberenn\\\/wp-content\\\/uploads\\\/2019\\\/11\\\/logo-mignoned-angela.png\",\"contentUrl\":\"https:\\\/\\\/www.anjela.org\\\/oberenn\\\/wp-content\\\/uploads\\\/2019\\\/11\\\/logo-mignoned-angela.png\",\"width\":248,\"height\":147,\"caption\":\"Mignoned Anjela\"},\"image\":{\"@id\":\"https:\\\/\\\/www.anjela.org\\\/oberenn\\\/#\\\/schema\\\/logo\\\/image\\\/\"}}]}<\/script>\n<!-- \/ Yoast SEO plugin. -->","yoast_head_json":{"title":"Awen ar galon - Anjela Duval","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/www.anjela.org\/oberenn\/bz\/awen-ar-galon\/","og_locale":"fr_FR","og_type":"article","og_title":"Awen ar galon - Anjela Duval","og_description":"Pennad-kaoz gant Per Denez Meur a wech on bet e darempred gant Anjela. ‘M eus aon ne oa morse evit konta\u00f1 kaozio\u00f9 […]","og_url":"https:\/\/www.anjela.org\/oberenn\/bz\/awen-ar-galon\/","og_site_name":"Anjela Duval","article_modified_time":"2025-08-13T13:20:32+00:00","twitter_card":"summary_large_image","twitter_misc":{"Dur\u00e9e de lecture estim\u00e9e":"11 minutes"},"schema":{"@context":"https:\/\/schema.org","@graph":[{"@type":"WebPage","@id":"https:\/\/www.anjela.org\/oberenn\/bz\/awen-ar-galon\/","url":"https:\/\/www.anjela.org\/oberenn\/bz\/awen-ar-galon\/","name":"Awen ar galon - Anjela Duval","isPartOf":{"@id":"https:\/\/www.anjela.org\/oberenn\/#website"},"datePublished":"2017-10-23T16:41:40+00:00","dateModified":"2025-08-13T13:20:32+00:00","breadcrumb":{"@id":"https:\/\/www.anjela.org\/oberenn\/bz\/awen-ar-galon\/#breadcrumb"},"inLanguage":"fr-FR","potentialAction":[{"@type":"ReadAction","target":["https:\/\/www.anjela.org\/oberenn\/bz\/awen-ar-galon\/"]}]},{"@type":"BreadcrumbList","@id":"https:\/\/www.anjela.org\/oberenn\/bz\/awen-ar-galon\/#breadcrumb","itemListElement":[{"@type":"ListItem","position":1,"name":"Accueil","item":"https:\/\/www.anjela.org\/oberenn\/"},{"@type":"ListItem","position":2,"name":"Awen ar galon"}]},{"@type":"WebSite","@id":"https:\/\/www.anjela.org\/oberenn\/#website","url":"https:\/\/www.anjela.org\/oberenn\/","name":"Anjela Duval","description":"","publisher":{"@id":"https:\/\/www.anjela.org\/oberenn\/#organization"},"potentialAction":[{"@type":"SearchAction","target":{"@type":"EntryPoint","urlTemplate":"https:\/\/www.anjela.org\/oberenn\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"fr-FR"},{"@type":"Organization","@id":"https:\/\/www.anjela.org\/oberenn\/#organization","name":"Mignoned Anjela","url":"https:\/\/www.anjela.org\/oberenn\/","logo":{"@type":"ImageObject","inLanguage":"fr-FR","@id":"https:\/\/www.anjela.org\/oberenn\/#\/schema\/logo\/image\/","url":"https:\/\/www.anjela.org\/oberenn\/wp-content\/uploads\/2019\/11\/logo-mignoned-angela.png","contentUrl":"https:\/\/www.anjela.org\/oberenn\/wp-content\/uploads\/2019\/11\/logo-mignoned-angela.png","width":248,"height":147,"caption":"Mignoned Anjela"},"image":{"@id":"https:\/\/www.anjela.org\/oberenn\/#\/schema\/logo\/image\/"}}]}},"_links":{"self":[{"href":"https:\/\/www.anjela.org\/oberenn\/wp-json\/wp\/v2\/pages\/2651","targetHints":{"allow":["GET"]}}],"collection":[{"href":"https:\/\/www.anjela.org\/oberenn\/wp-json\/wp\/v2\/pages"}],"about":[{"href":"https:\/\/www.anjela.org\/oberenn\/wp-json\/wp\/v2\/types\/page"}],"author":[{"embeddable":true,"href":"https:\/\/www.anjela.org\/oberenn\/wp-json\/wp\/v2\/users\/1"}],"replies":[{"embeddable":true,"href":"https:\/\/www.anjela.org\/oberenn\/wp-json\/wp\/v2\/comments?post=2651"}],"version-history":[{"count":0,"href":"https:\/\/www.anjela.org\/oberenn\/wp-json\/wp\/v2\/pages\/2651\/revisions"}],"wp:attachment":[{"href":"https:\/\/www.anjela.org\/oberenn\/wp-json\/wp\/v2\/media?parent=2651"}],"curies":[{"name":"wp","href":"https:\/\/api.w.org\/{rel}","templated":true}]}}