{"id":2482,"date":"2017-10-15T22:42:58","date_gmt":"2017-10-15T20:42:58","guid":{"rendered":"http:\/\/www.anjela.org\/oberenn\/?page_id=2482"},"modified":"2025-08-13T15:23:04","modified_gmt":"2025-08-13T13:23:04","slug":"imboudan","status":"publish","type":"page","link":"https:\/\/www.anjela.org\/oberenn\/bz\/imboudan\/","title":{"rendered":"Imbouda\u00f1"},"content":{"rendered":"

Barr-Heol <\/em>a zo ur gelaouenn sevenadurel. Met bez’ ez eo un doare \u00ab magazin \u00bb, ma vez kavet e-barzh trao\u00f9 liesdoare. Ha lavarout a ra ar Rener ‘vefe mat kaout c’hoazh trao\u00f9 all : sportel, micherel, lakomp ivez diduamantel.<\/p>\n

Ma, setu deut so\u00f1j din klask an tu da gomz eus imbouda\u00f1. Pemp bloaz hag hanter- kant zo da nebeuta\u00f1 emaon oc’h ober gant an diduamant-se. Rak evidon n’eo ket ul labour, met un diduamant, ur blijadur.<\/p>\n

N’eo ket gant va zad, Doue d’e bardono, am boa desket imbouda\u00f1 ; ne ouie ket ar jeu. Un devezhour kozh, amezeg ha mignon d’am zud eo en doa desket din an taol- micher-se.<\/p>\n

Ha, ma feiz ! N’oufen ket lavarout pet plantenn am eus dic’ho\u00fbget abaoe ; ar peur- vuia\u00f1 aval-red pe aval-spern, an eil anv hag egile ‘vez roet d’ar plantenno\u00f9 avalo\u00f9- put-se ‘vez kavet er c’hoado\u00f9 pe war ar c’hleuzio\u00f9. Gwech ivez plantenno\u00f9 avalo\u00f9 prenet ha na broduont ket mat, ‘vez tu da imbouda\u00f1 warno seurto\u00f9 all hag a brodu welloc’h pe o devez gwelloc’h kalite.<\/p>\n

Met estreget avalo\u00f9 ‘m eus imboudet evel-just ; war spern-gwenn ‘m eus laket : koper, per, mesper\u2026 Gwelloc’h eo mesper-gouez ha koper-gouez d’ober treid eget ar spern-gwenn, met n’int ket stank. Tu zo ivez da blanta\u00f1 boutadenno\u00f9 ha zoken skourro\u00f9 dichonket mentet-mat, hag imbouda\u00f1 warno, p’emaint gwriziennet-mat, ar seurto\u00f9 ‘vez c’hoant.<\/p>\n

Suroc’h eo an taol da zont da vat pa anavezer emzalc’h ar c’hoad emeur e-sell da zimezi\u00f1 asambles, da lavarout eo, ret eo ma vefe an troad hag ar c’hrefenn (imbou- denn) e sev d’ar memes mare. Ma vez an troad e sev abretoc’h eget ar bod-nevez ‘vo techet da deurel boutadenno\u00f9 izeloc’h eget an imboudenn.<\/p>\n

Ma vez er c’hontrol ar bod nevez e sev abretoc’h eget an troad, eo risklet da sec’ha\u00f1, an dra zo sklaer.<\/p>\n

Mat eo ivez troc’ha\u00f1 ar bodo\u00f9 ur pennad a-raok ar c’houlz da imbouda\u00f1 hag o lakat en douar en aer-enep (lezel dizolo ar beg), ha kemer diwar skourro\u00f9 bet frouezh warno dija ha n’eo ket ar boutadenno\u00f9 druz-se a vez graet outo e galleg \u00ab gour- mands \u00bb.<\/p>\n

Brema\u00f1 prientomp hon dafaro\u00f9 hag hon darbaro\u00f9. Rak n’eo ket a-walc’h mont hep e grog da besketa !<\/p>\n

1\u00b0 : Pri-douar + pell + dour evit ober un doare mastik da baka\u00f1 en-dro d’an obera- tadenn.<\/p>\n

2\u00b0 : Bandenno\u00f9 (pilho\u00f9 solut a-walc’h) ha fisel da baka\u00f1 ar pri-mastik.<\/p>\n

 <\/p>\n

3\u00b0 : Un heskenn da droc’ha\u00f1 ar skourro\u00f9.<\/p>\n

4\u00b0 : Ur gontell da galfichat an imboudenn ha da blena\u00f1 troc’h an heskenn, m’eo solut a-walc’h ar gontell eo mat da faouti\u00f1 ar skourr.<\/p>\n

5\u00b0 : Ur morzhol da skei\u00f1 war gein ar gontell d’ober ar faout.<\/p>\n

6\u00b0 : Un ibil-koad gant ur penn tevoc’h gouest da c’houza\u00f1v bout skoet warna\u00f1 gant ar morzhol, hag ur penn plat evel ur gizell da zerc’hel digor an troc’h.<\/p>\n

7\u00b0 : Ur skabell pe ur skeul, hervez uhelder an troad emeur o labourat warna\u00f1. 8\u00b0 : Ur besel da zougen an dafaro\u00f9-se.<\/p>\n

An oberatadenn kenta\u00f1 : troc’ha\u00f1, hep chaokat an troad, en uhelder m’eo tev a-walc’h evit lakat daou vod ; pe mar deo ur wezenn vras tri pe bevar bod, met neuze ne vez ket faoutet. Neuze ‘vez imboudet dindan ar bluskenn \u00ab greffe en cou- ronne \u00bb e galleg. Ar faout a dle kaout 4 pe 5 kantimetrad ha ret eo teurel pled ha chom a ra un neudenn goad bennak er faout. Alies ‘vez tro gant ar c’hoad ha ne vez ket naet ar faout.<\/p>\n

Lemel an neudenno\u00f9 gant beg ar gontell kent plasa\u00f1 an imboud, hema\u00f1 kalfichet plat a dle beza\u00f1 ke\u00f1ver-ha-ke\u00f1ver gant pluskenn an troad : \u00ab cambium \u00bb ouzh \u00ab cam- bium \u00bb. Lemel neuze gant evezh bras an ibil a zalc’h digor ar faout ha paka\u00f1 ar poupig : un dornad pri, ar vandenn hag ar fisel.<\/p>\n

Ha Doue d’o c’hresko bras !<\/p>\n

Notenno\u00f9<\/h2>\n