\u2026 Pa zigoris an nor er beure-se \u2014 ne oa ket sklaer-kaer an deiz c’hoazh \u2014 e oa dija ur big e toull an nor o ragachat, o lammikat hag oc’h ober likadenno\u00f9. Un tammig from a reas se din, daoust ma ne don ket gwell vrizhkredennek. N’eo ket seblant vat, hervez ar re gozh, ur big e toull an nor.<\/p>\n
Diso\u00f1jet ‘oa bet prim ganin avat ar big hag hec’h ardo\u00f9 e-skeud va zamm prederi pemdeziek. Ken fall an amzer bemdez ; al labour o chom war-lerc’h ha me ken diva- lav ha ken gorrek, hag abuzet sav-taol war ar marc’had.<\/p>\n
Nebeut goude kreisteiz, debret ganin va lein, ‘n ur selaou ar c’heleier hag ar \u00ab Jeu des Mille francs \u00bb, ez is da glask un dornad glazur d’al lapined. Pe trouz a glevan ? Oi ! Adarre un heskenn-dre-dan ha n’ema\u00f1 ket a-bell, gwall dost end-eeun\u2026<\/p>\n
Dont a reas trumm ar so\u00f1j din eus ar big da vintin, er porzh. Sede, emezon, ar c’hemennadur he doa d’ober din ‘micha\u00f1s. Deomp da welout petra zo du-hont. Ar chas a harzhe par ma c’hellent. A-boan erru hanter Park-al-Leur : ur strakadenn spontus hag ur stro\u00f1sadenn evel ur c’hren-douar.<\/p>\n
Kouezhet ‘oa unan eus kaera\u00f1 gwez ar Vro. Aze etre Maezo\u00f9-Wern va amezeg, ha va fark-me, \u00ab Ar Park Kreiz \u00bb, ‘oa trizek gwezenn-dilh pe evlec’h pe oulm \u2014 pep korn-bro a vadez ar gwez ‘giz ma kar \u2014 kichen-ha-kichen, lod a grap ‘n un tu, lod en un tu all, lod war lein ar c’hleuz. Bez’ oant aze evel un Iliz-Veur o begenno\u00f9 oc’h ober un doare bolz-toenn. Na kaer va Doue ! Na meurdezus ! e splannder o deil glas- du, d’an ha\u00f1v bras. Na dudius da Ouel an Hollsent, gant o delio\u00f9 melen-aour-ruz ha\u00f1val ouzh ur boked bozenn ramzel. Ha fromusoc’h c’hoazh dindan an Heol goa\u00f1v o tiskenn da gousket ‘dre\u00f1v tosenn Keriel, pa damoueze o begenno\u00f9 dibourc’h, ar sklaerded ruz-limestra a live ken kaer ar C’horn\u00f4g. Ur marzh ! Dudi ar Gened ! Un daolenn bemdez o kemma\u00f1 ha da bep eur eus an deiz.<\/p>\n
Un daolenn vantrus eo a welan hiziv. Sic transit gloria mundi.<\/p>\n
Distroomp war ar big. Santet he doa ‘micha\u00f1s ar gwalleur en hent. Rak domani ar big e oa ar bodad tilh uhel-se. Bep bloaz ‘veze un neizh en hini pe hini eus ar gwez, bra\u00f1sellet en oabl etre an Ne\u00f1v hag an douar. Hir ‘oa ar gwez ha tev hag eeun. O oad ? Me ‘grede din p’edon bugel edont dija ken bras ha ken kozh ha brema\u00f1.<\/p>\n
Nag a bet gwech on bet azezet dindan ar boked tilh marzhus-se ! Bihanik c’hoazh ez aen d’ar Park gant va zad. Pa veze tomm, e lavare din : \u00ab Kae du-hont, dindan an tilh, en disheol ; tapout a ri un taol-heol ama\u00f1, ‘kreiz ar park. \u00bb Pa zeue ur barrad glav, memes-tra : \u00ab Hast buan, bugel, mont du-hont da zisglav. \u00bb<\/p>\n
An hent-karr a dremen dre zindan ar gwez ‘hed ar gostezenn-se d’ar Park-Kreiz, da vont d’ar parko\u00f9 izeloc’h, hag ar wrimenn a oa dalc’het naet etre ar c’hleuz hag an hent-karr. Hag aze ‘oa brav azeza\u00f1 ; ha hervez ar c’houlz-bloaz e veze bleu\u00f1v da zastum a-vil-vern : bokidi-laezh, melion, kleier-glas, fleur-amann, stered-gwenn, keler, roz-koukoug ha brulu. Ya, straket ‘m eus bet burlu dindan ar gwez-se, gant plijadur ! Da vareo\u00f9 all e veze irin, hogen, krao\u00f1-kelvez\u2026<\/p>\n
Hag ar Gwelva ‘oa ec’hon : Tosenn-Roudouvin gant he balanegi hag he lanneier aour-flamm, Kernoterio\u00f9-Vras ha Kernoterio\u00f9-Vihan gant o gwez-pabu e bleu\u00f1v, Toull-ar-C’harzh dindan Koad-ar-Waremm hag e wez-faou ; Kroaz-Delio\u00f9, Keravel, Roz-ar-Gernevez gant he raden rous d’an diskar, Keriel hag an ivinenno\u00f9 du bras. Ha hiboud al Leger en draonienn. Ur baradozig d’ur bugel hunvreer eveldon !<\/p>\n
Aze ivez e teue va zad da zebri\u00f1 e adverenn. Uhel e oa ar c’hleuz, ha gwaskedet ganta\u00f1 ar wrimenn ouzh an avel-norzh. Ha gwechall, pa veze graet devezhio\u00f9 bras da lakaat an here, e veze degaset ar c’hezeg e-skeud ar c’hleuz da zebri\u00f1 o sac’ha- dig kerc’h d’o adverenn ‘tro-pad ma tebre an dud o hini ivez. Bodet en-dro d’ur mell terinennad soub tomm plantet enni evel ur gurunenn an nav loa goad. C’hwec’h den ‘veze o skija\u00f1, un’ o hada\u00f1, un’ o kouch ar c’hezeg, un’ o hallat. Bara, amann, kig-sall ha sistr ‘veze debret goude ar soub. Mamm ha me a zegase an trao\u00f9-se d’ar park. Met ni a zebre goude er g\u00ear. Ar besello\u00f9 goullo a yae ganimp en-dro. Ar baotred a rae ur c’hornedad ‘n ur gonta\u00f1 ur fars bennak. Ral ‘oa o gwe- lout o wiska\u00f1 o chupenno\u00f9 ; teurel a raent o chupenn dreist o divskoaz nemetken, ha war gein ar c’hezeg e veze laket ur sac’h goullo. Ne gomzan nemet eus ar Park- Kreiz. Pa vezed er parko\u00f9 all e veze graet ar memes tra. Klask al lec’h goudoret ouzh an avel. Met e nep park ne oa ul lec’h ken dudius hag er Park-Kreiz ! Paourkaezh gwez-tilh madelezhus !<\/p>\n
Kalz a berzhio\u00f9 o deus an tilh. An delio\u00f9 glas a ra \u2014 pe a rae \u2014 ur boued saourus ha kre\u00f1vaus evit ar moc’h. Dira\u00f1set e vezent d’an nevez-ha\u00f1v, a-varlennado\u00f9, a- vanniado\u00f9, a-sac’hado\u00f9. Taolet e veze dour bervet pe tomm-kre\u00f1v warno. C’hwezh vat a save diwarno ! Brenn ha patatez poazh, ur banne laezh trenk, ha setu friko hag a blije kena\u00f1 d’ar moc’h. Aet eo ar c’hiz-se a-gostez evel kalz a re all.<\/p>\n
Er bloavezhio\u00f9 sec’hour vras em eus gwelet alies troc’ha\u00f1 branko\u00f9 tilh da deurel d’ar saout, ha n’eus ket pell c’hoazh : e 76, e oa ranket ober e meur a lec’h. D’amari\u00f1 keuneud e veze klasket gwialenno\u00f9-tilh daou, tri bloaz. N’o deus ket o far d’ober kevreo\u00f9. Aezet da wea\u00f1, gwevn hag eeun.<\/p>\n
Prizet-bras eo an tilh d’ober kirri, karrigello\u00f9, krivizhier, paloro\u00f9, plegenno\u00f9, hag all. Siwazh ! Didronet eo ar c’hoad brema\u00f1 gant an houarn ! D’ober koad-tan n’eo ket dreist, ha kasaus eo da faouti\u00f1 dre ma chom stag ha stag diwar-bouez un neu- denn-goad. D’ober treid-benvio\u00f9 eo ponner un tamm, met solut hag hebleg, ne dorr ket krak ; ha bez’ ez eus benvio\u00f9 hag a c’houlenn tilh end-eeun, evel ar palio\u00f9, pigello\u00f9, herzhier ; sparlo\u00f9 eus ar c’henta\u00f1 a ra ivez an tilh. Gant ar revela\u00f1cho\u00f9-bloaz zo tu d’ober boutegi, mannio\u00f9, panero\u00f9, hag all. Gant ar rusk, ni, bugale, a rae foeto\u00f9 (skourjezo\u00f9) bihan da vont da vesa saout. Aezet-tre eo an tilh yaouank da zibluska\u00f1 e-glas. Gant teir ruban pla\u00f1sonet ‘giz broen, graet ur skoulm tost d’ar beg, ha disilhet ‘giz beg un douchenn-ganab, klaviet war un troad gargl fourchellek ‘vit mirout ouzh ar foet da riskla\u00f1. Ne gouste ket ker hor c’hoariello\u00f9 ; ni o farde hon-unan. Hag evel madigo\u00f9, e kavemp mat ivez an tammo\u00f9 rusk tilh yaouank, un doare chewing-gum ‘oa, gludek ha milis.<\/p>\n
Met an trao\u00f9 trenk ha put zoken a gavemp ken mat all : tri\u00f1chin, avalo\u00f9-pub-ili-dant (irin), koper, lus, mouar hanter darev, bego\u00f9 drez (kig treut) hep konta\u00f1 ar c’histin hag ar krao\u00f1-kelvez, karotez ruz kriz, ha piz-glas kriz ‘oa madigo\u00f9 evidomp ivez. ‘Oa ket eston ‘veze tapet an dipadapa ‘wecho\u00f9 ! Met setu me troet diwar va c’haoz : distruj Kened hor Bro.<\/p>\n
Euzhus eo brema\u00f1 ar pennad kleuz noazh-se, plas ar gwez ken dudius, ha heugus ar<\/p>\n
\u00ab bailhobas \u00bb zo graet er parko\u00f9 ma’z int kouezhet, pennadet ha diskourret. Ar bilho\u00f9 treinet ‘n ur park all dre an douar labour goet gant ar glaveier, bilho\u00f9 oc’h ober 40 troatad-hed ha 3 droatad-tal, stag warne daou draktor, a lez war o lerc’h roudo\u00f9 n’eo ket roudo\u00f9 pav ur c’had ! Ar skourro\u00f9 bras pennadet ‘hed skilhenn o deus rentet meur a gordenn goad-tan. Ar skourro\u00f9 munut bountet a-heuz gant forc’h vras an traktor ‘n ur park izeloc’h, a vo devet war blas, da domma\u00f1 ar c’hou- moul ! Ar pailhoro\u00f9 munut zo chomet a-strew war an douar-labour. Un daolenn van- trus ! Ma teufe ar re gozh war an douar da welout seurt labour ! Int hag a veze ken kempenn gante o douaro\u00f9, o c’hleuzio\u00f9. Int hag a denne implij eus an distera\u00f1 tra, gant poell ha muzul, ket o forani\u00f1 netra\u2026 Keuz am eus ha keuz bras d’ar boked tilh meur-se ha n’edont ket va zra koulskoude, peogwir n’eo ket ar c’hleuz din. Met o c’harout a raen evel va zra va-unan. Kened ar Vro a zo d’an holl, evel m’eo d’an holl an Heol, al Loar, ar Stered, ar C’houmoul liesfurm ha liesliv, frond ar bleu\u00f1v ha kan an avel, hiboud ar st\u00ear ha richan al labous\u2026 Ema\u00f1 ar Vandaled o tistresa\u00f1 dremm hor Bro hag o paouraat an douar. Dambrest ne vo goudor ebet nag ouzh an Heol suilh, nag ar yenien, na d’an dud na d’al loened\u2026 Tremen poent eo d’an Ekologourien sevel war o ello\u00f9 ! Tremen poent eo deski\u00f1 d’ar vugale douja\u00f1 an natur ha difenn buhez ar gwez, difenn hon hentigo\u00f9 don, hor gwenodenno\u00f9 romantel.<\/p>\n
Kent ma vo aet Breizh da Ouelec’h ! Da Ouelec’h noazh ha digar.<\/p>\n
26 a viz C’hwevrer 1978<\/em><\/p>\n","protected":false},"excerpt":{"rendered":" \u2026 Pa zigoris an nor er beure-se \u2014 ne oa ket sklaer-kaer an deiz c’hoazh \u2014 e oa dija ur big e […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2480","page","type-page","status-publish","hentry"],"acf":[],"yoast_head":"\n