Job ha Yann ‘oa amezeien. N’helled ket lavarout ‘oa o douaro\u00f9 stok-ha-stok, rak an hent bras ‘oa etrezo. N’oa ket a-walc’h dezho beza\u00f1 amezeien, pe marteze end- eeun eo dre veza\u00f1 amezeien o doa paket o-daou ar memes tech : o-daou e oant eve- rien fall a zour. Ne lavaran ket e oant lonkerien touet, met evel ma veze atav kras o geno\u00f9, ret ‘oa dezho eva\u00f1. Hag e-skeud eva\u00f1 pep a chopinad e konte an eil d’egi- le e drubuilho\u00f9. Met komprenapl eo, eva\u00f1, zoken pa vez sec’hed, ne gas ket ar paour da binvidig. Rak n’eo ket gant dour feunteun eo e torre Job ha Yann o sec’hed. Dour ? Se zo mat evit ar pesked, pe ar gleskered !
\nUn deiz ez ejont o-daou d’ar foar. Ur pennad brav a hent o doa d’ober, ha saludi\u00f1 ‘rejont war o roud kement bod-iliav a oa etre Toull al Lakez ha Kerfouled, rak poultr an hent a washae d’o c’hle\u00f1ved. ‘Oant ket eta eus ar re abreta\u00f1 o tegouezhout er plas foar, ha tost ‘oa da veza\u00f1 goullo. Chom a rae evelkent un azen da werzha\u00f1. N’em eus ket lavaret end-eeun eo gant sorc’henn un azen ‘oa aet an daou babor d’ar foar. Evel-se ‘oa kont koulskoude.
\n\u00ab Un tamm loen mat, eme Yann ‘n ur che\u00f1ch tu d’e chekenn, hema\u00f1 ‘rafe va afer.
\n\u2014\tPe va hini, eme Job, ma n’eo ket re uhel e briz eus va yalc’h. \u00bb
\nTrei\u00f1 ha distrei\u00f1 ‘rejont en-dro d’an azen, an dour en o geno\u00f9, ha siwazh plat o yalc’h.
\n\u00ab Un tamm eo re hir e zivhar, eme Job.
\n\u2014\tPennek e seblant beza\u00f1, eme Yann.
\n\u2014\tO ! Te ‘oar, evit an ezen eo evel evit ar merc’hed, n’eus hini disi ! \u00bb eme Yann gant un aer fae\u00fcs.
\nHa sede a-daol-trumm ur mennozh o tiwan en o spered, ar speredo\u00f9 kaer !
\n\u00ab Ha ma prenfemp al loen-ma\u00f1 war hanter ? ! \u00bb
\nE gwirionez n’oa diskoulm all ebet d’ar gudenn. Prim-ha-prim ‘oa graet akord gant ar perc’henn. Job ha Yann a zivizas neuze etrezo beva\u00f1, loja\u00f1 hag en em servijout eus an azen evit o labourio\u00f9 a bep eil sizhun. Tennet neuze plouz-berr da c’houzout da biv ‘vije er sizhun genta\u00f1. Job en doa tennet ar blouzenn verr. N’en devoa ket bet meur a cha\u00f1s. Glav ‘rae e-pad ar sizhun. N’en doa gallet ober tamm labour ebet gant e loen.
\nNeuze e teuas tro Yann hag an amzer vat da heul. Mont a rejont ‘ta d’an dachenn an eil o sacha\u00f1 war egile. Mourriko o sacha\u00f1 war e damm karrad teil ha Yann o sacha\u00f1 war an azen. Tra ma’z ae war-drao\u00f1 ez ae mat an trao\u00f9, rak da vont war- drao\u00f1, an holl hen goar, n’eo ket ret ober sin ar groaz ! Met echu an dinaou, ret eo kregi\u00f1 da sevel ar c’hrav, ha se ‘oa un afer all, aze ‘vije bet ezhomm un tamm sikour. Mourriko ne blije ket dezha\u00f1 kaout e lost war-drao\u00f1. A-boan erru e hanter ar c’hrav e plant e bevar droad en douar ha\u2026 paz ebet ken. Na dre gaer, na dre heg, na dre vount, na dre sach, n’oa ket Yann ‘vit ober dezha\u00f1 che\u00f1ch plas d’un troad.
\n\u00ab Biskoazh kemend-all gant ar penn koad-ma\u00f1 ! Ret eo gourda\u00f1 ! \u00bb
\nHa Yann da droc’ha\u00f1 ur wialenn da herlinkat e gostezenno\u00f9 d’an azen. Poan gollet\u2026 Mourriko a reuta e zivskouarn, a ra un hej d’e benn, a blant e revr er c’hulier hag a souz a-dre\u00f1v. Darev eo da vont en touflez gant e garr. \u00ab Hola ! eme Yann, ret ‘vo skei\u00f1 didruez ‘m eus aon ! \u00bb Met, evel d’ober goap diouzh e berc’henn, Mourriko ‘n em laka d’ober hi-ha\u00f1-hi-ha\u00f1 ‘n ur zigeri\u00f1 ur pezh mell geno\u00f9.
\nNeuze ez eas droug davat er paotr Yann : \u00ab Gortoz ! En dro-ma\u00f1 ‘out o vont da gaout ur pred avat. Sed ama\u00f1 un ardo\u00f9 gant al loen-ma\u00f1 ! \u00bb Ya, met sede ur so\u00f1j o treu- zi\u00f1 e spered. N’eo dezha\u00f1 nemet un hanter eus an azen, ha n’oar ket petore hanter. Emicha\u00f1s ‘oa bet divizet etre Job hag e\u00f1 deiz ar foar, met tommet-mat ‘oa dezho o-daou\u2026 Huchal ‘ra neuze d’e wreg : \u00ab Naig ! Tosta ama\u00f1 ! \u00bb Naig a zered.
\n\u00ab Kerzh prim betek ti Job. Goulenn diganta\u00f1 petore hanter eus an azen eo e hini, m’en deus so\u00f1j !
\n\u2014\tVa den paour ! eme Naig, sede ur siklezon aze avat. Troet eo da leue ennout ?
\n\u2014\tAtoe sur ! Gwelout a rez zo ezhomm da rei\u00f1 fest ar vazh d’an azen pennek-ma\u00f1. Met n’em eus ket c’hoant da skei\u00f1 war va hanter va-unan gant doan d’hen brevi\u00f1. Gwell eo ganin skei\u00f1 war hanter Job sur. Kompren a rez ? \u00bb
\nAn istor ne lavar ket petra he devoa komprenet Naig.<\/p>\n
Meurzh 1966<\/p>\n","protected":false},"excerpt":{"rendered":"
Job ha Yann ‘oa amezeien. N’helled ket lavarout ‘oa o douaro\u00f9 stok-ha-stok, rak an hent bras ‘oa etrezo. N’oa ket a-walc’h dezho […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2417","page","type-page","status-publish","hentry"],"acf":[],"yoast_head":"\n