E-giz kontadenn Nedeleg<\/p>\n
Bez’ e oa ar re-ma\u00f1 diaouled, o ! met gwir diaouled sed. Dreist-holl an daou vele- gan o blev rodellek, Bi ha Dede. Kement tro zo posupl ijina\u00f1 a c’hoarient d’ar person kozh, peadra d’e lakaat da goll e oremus. Eus ka\u00f1farded ar c’hatekiz eo e fell din komz, ha pa lavaran ka\u00f1farded e choman berr rak ar merc’hed bihan ‘oa ka\u00f1fardezed ivez. Ma, daoust pegen diaoul ‘oant, ret mat ‘oa d’ar person kozh choaz e golisted en o zouez. Ur sant en devije kollet pasianted gant ar seurt pabo- red.
\nHogen ar person kozh, an aotrou X, n’oa ket tre ur sant, gwir eo ne vanke ket kalz tra dezha\u00f1 evit beza\u00f1 \u2014 netra ‘met un tamm pasianted \u2014, un den mat, un den eeun, diwidre, e galon war e zorn. Ur gwir beizant, hag ur c’horf den ! Ha dezha\u00f1 ur vouezh ken ma krene ar sent koad war o sichenn pa groge da gana\u00f1. Pa fache avat, rak diaouled ar c’hatekiz e lakae alies da vont en fulor, e veze klevet an iliz a-bezh o tregerni\u00f1. Met kaer en doa huchal ha krozal ar baotred n’o doa aon ebet dirak o ferson. Lavarout a raje unan end-eeun ‘oa o flijadur gwelout anezha\u00f1 e kounnar, hag ober a raent eus se. Mont a raent betek tenna\u00f1 boledo\u00f9 stoup gant o fistolinier skav war ar merc’hed bihan evit o lakaat da c’hoarzhin \u2014 en iliz ma n’eo ket ur vezh !
\nUn devezh bepred, me ‘gred ‘oa Sul diwezha\u00f1 an Azvent, unan eus ar golisted, ar melegan Dede, ‘oa bet diseven a-walc’h da denna\u00f1 un tammig re dost da fri ar person kozh, an dro-ma\u00f1 avat ‘oa lamet diganta\u00f1 e bistolenn skav. Hag ar pezh ‘oa gwashoc’h, difennet-gro\u00f1s outa\u00f1 lakaat e dreid er c’heur ar rest eus ar bloaz. Eus e bistolenn skav Dede ne rae foeltr forzh. ‘Oa ket un afer kalfichat unan all. Met terri\u00f1 anezha\u00f1 eus e garg ! N’hellje ket mont da respont an oferenn hanternoz ? E dro ‘oa koulskoude. Bi ha Dede a veze a-bep-eil o respont an oferenn, ha da heul ‘oa d’ober son ar c’hloc’h bihan \u2014 kloc’h ar Sanctus \u2014, ar c’hloc’h bihan-se hag a sone ken sklintin, ken lirzhin ma oa un dudi e heja\u00f1\u2026 Ha sede brema\u00f1 ‘oa Bi eo a sone ar c’hloc’h bihan karet en ofis hanternoz. Mont a rae bihan kalon Dede, ha mil so\u00f1j ‘oa krog da drotal en e glopenn.
\nBiken, nann biken, ne bado e skiant o klevout ar c’hloc’hig, e gloc’hig karet, o titi- rina\u00f1 da noz an Nedeleg etre daouarn ar Bi. Met penaos ober ? Gwelet ‘vo. Bez’ e kavo an tu da vont er sekretiri. Mont a ray evel ar bloavezhio\u00f9 tremenet da glask spoue ha raden derv, bodo\u00f9 gargel, boulo\u00f9-ruz hag uhelvarr evit kraou ar Mabig Jezuz. Kaout a ray ar momed mat da ‘n em sila\u00f1 hep gouzout da zen er sekretiri hag ober a ray an taol.
\nKaset en deus e venoz da benn, ar pilpouz anezha\u00f1, war sin rei\u00f1 dorn d’ar sakrist
\nha d’ar seurez da aoza\u00f1 kraou ar Mabig Jezuz\u2026 Erru noz an Nedeleg. Goude koan an tiegezh a-bezh a domme e-tal an oaled ouzh flamm kef an Nedeleg\u2026 Dede ‘oa un tammig so\u00f1jus. ‘Oa ket e saout tout er g\u00ear. Bet en doa kroz digant e vamm en askont da daol ar bistolenn. paourkaezh mamm, m’he devije gouezet petra ‘oa da veza\u00f1\u2026 Deuet an eur da vont d’an ofis. Dede a ra dre zindan mousc’hoarzho\u00f9 iskis o so\u00f1jal petore geno\u00f9 a rafe bremaik ar person kozh.
\nAl loar ‘oa sklaer, ‘oa ket ezhomm a leternio\u00f9, fresk ha skeltr ‘oa an amzer. Klevet e veze ar botoio\u00f9-koad o sklokal war an hento\u00f9, rak d’ar mare ma komzan ama\u00f1 n’ae ket an dud da oferenn hanternoz gant botoio\u00f9-l\u00ear da gaout anoued d’o zreid ! Pa oa Dede hag e dud o tifluka\u00f1 e korn ar bourk, sede ‘oa ivez Mon ar C’hadorio\u00f9 o tont eus trao\u00f1 ru Mouf-Mouf hag he c’hazh \u00ab Rigolo \u00bb d’he heul, hep na ouie tra, n’he devoa ket amzer da sellout war he lerc’h gant an hast he devoa d’erruout da beurgempenn he c’hadorio\u00f9. Sede brema\u00f1, gant kemend-all a bres, ar Bi o tifluka\u00f1 eus tosenn Krec’h Konan. Ya ! Red hardizh, paotr dilu, a so\u00f1je Dede, mall ac’h eus da lakaat da zorn war ar c’hloc’hig met n’out ket krog enna\u00f1 c’hoazh !
\nAn iliz ‘n em leunie prim, skl\u00earijennet-kaer, ma trelle an daoulagad, ha ma lintre, ur marzh, ar boulo\u00f9 gwer hag an neud-rev en-dro da graouig ar Mabig Jezuz. Er c’heur, ar golisted a zeue hag a yae, ‘n ur ober stou glin bep gwech ma tremenent dirak an armel-sakr. Enaoui\u00f1 ar gouleier, c’hwezha\u00f1 war an eza\u00f1s, lakaat pep tra en e blas. Pep tra ? Ma, biskoazh !\u2026 Dont ha mont a rae Bi evel pa vije o klask un dra bennak. Eus e blas Dede ne lame lagad ebet diwar donemonea ar golisted all. Diwar dreuzo\u00f9 ar sekretiri, ar person kozh, hanter wisket ganta\u00f1 e zilhad oferen- na\u00f1, a roe urzhio\u00f9 d’e golisted.
\n\u00ab Yannig ! Sell hag erru eo ar seurez en harmonium. Bi ! Gra sin d’ar c’hloc’her da son ar c’hloc’h. Hast buan, erru eo an aotrou maer en e blas ! \u00bb Arabat ‘vije bet kregi\u00f1 gant an ofis avat, ken ma vije erru an aotrou maer. \u00ab Ar c’hloc’h bihan aotrou person ? Pelec’h ‘ma\u00f1 ar c’hloc’h bihan ? N’e gavan ket\u2026 \u2014 Biskoazh gant ar re-ma\u00f1. Ne gavont netra nemet lammat a rafe ‘n o geno\u00f9. Alo ! Hastit klask tout ! \u00bb
\nDede a wel ar mesk hag ar strafuilh er c’heur. Ema\u00f1 o ta\u00f1va e ve\u00f1ja\u00f1s. Ar baotre- digo\u00f9 a furch kement kogn ar c’heur, a zistro d’ar sekretiri, a bennbouell kement seurt. Netra. Ar person kozh a wel an eur o tremen. Prest eo da goll pasianted. ‘N em lakaat a ra ivez da glask, dont ha mont, plega\u00f1 ha displega\u00f1, gant e zilhad ofe- renna\u00f1. Iskis eo an daolenn. Ha kloc’h ebet bepred. \u00ab Klaskit er chantele ! \u00bb Ar soner kloc’h a bign d’ar chantele, ar sakrist a sell er gador-sarmon, ar chantr a sell er gofision, ar seurez a furch en-dro d’an harmonium, an asistanted a che\u00f1ch plas d’o c’hadorio\u00f9. Netra\u2026 An ilizad a-bezh zo evel ur c’horadenn verien, grozmol ha safar a sav, trouz kadorio\u00f9 ruilhet, c’hoarzho\u00f9 hanter vouget. Ur foar\u2026
\nAn amzer a dremene. Ha sed aze un taol evelkent ! Ha penaos ober ? Un oferenn veure, un oferenn blaen, a c’hell beza\u00f1 lavaret hep kloc’h, met ivez un oferenn ken solanel ! Un oferenn hanter-noz ! Ar person kozh, ruz evel ur c’hog, ‘oa tost da gounnari\u00f1, ma n’oa ket da baka\u00f1 un taol-gwad. Ha Dede e-unan ‘oa krog da gemer un emskiant eus e gablusted, dont a rae c’hwen en e loero\u00f9. Ma n’hellfer ket lida\u00f1 noz an Nedeleg en abeg d’ar c’hloc’hig kuzhet ganta\u00f1 re vat ?\u2026
\nHa petra ‘so\u00f1j ar Mabig Jezuz outa\u00f1 ? O, biken mui ne gredo sellout ouzh ar Mabig Jezuz. Marteze en deus meritet an ifern ? Ha penaos rapari\u00f1 e bec’hed ivez ‘ta ? Hag ar sapre kloc’h bihan-se ne vije biken kavet\u2026 Ne bade mui en e blas. Ret ‘vije dezha\u00f1 mont da ziguzh ar c’hloc’hig. Graet en deus dija daou pe dri baz\u2026 drin ! drin ! drin !\u2026 ar c’hloc’hig o titirina\u00f1 ? Kavet ? N’eo ket. An holl e glev, met den n’hen gwel. Drin ! drin ! drin !\u2026 Gwasha\u00f1 todion. Arsa, an drouz a zeu eus dindan derezio\u00f9 an aoter.
\nUr burzhud. Ur mirakl. Dede zo prest da fatika\u00f1. Distrei\u00f1 ‘ra d’e blas. Kouezha\u00f1 war benno\u00f9 e zaoulin war e gador. \u00ab Jezuz ! Va Doue ! Gwerc’hez Vari vinniget ! Aotrou Sant Erwan ! \u00bb Ar person kozh, e\u00f1, ne goll ket e benn, un tammig strafuilhet evel- kent an den santel, goude beza\u00f1 graet teir gwech sin ar groaz a-us d’an derezio\u00f9 e c’hourc’hemenn d’ar sakrist ha d’ar chantr sevel an derezio\u00f9. Ha petra ‘oa gwelet ? Ur bern poultr ha gwiad kevnid, hag e-kreiz ar boultrenn Rigolo, kazh bihan Mon ar C’hadorio\u00f9, o c’hoari ruilhal ar c’hloc’h bihan. Echu ‘oa d’ar strobinell.
\nAr peoc’h a zeuas en-dro. Ha biskoazh n’oa bet ofis Nedeleg ken kaer-all e parrouz
\nX. Dede, tamm-ha-tamm, a sante ivez ar peoc’h o tiskenn en e ene strafuilhet. Pleget e benn war e zivrec’h, helmoet war e gador, ma so\u00f1jed e vije kousket, Dede a ouele sioul, daero\u00f9 a geuz d’e bec’hed. Goulennet en doa pardon digant ar Mabig Jezuz. Ha klevet en doa ar respont : \u00ab Deuet on en noz-ma\u00f1 da sevel ar re zo kouez- het. \u00bb
\n20 a viz Du 1965<\/p>\n","protected":false},"excerpt":{"rendered":"
E-giz kontadenn Nedeleg Bez’ e oa ar re-ma\u00f1 diaouled, o ! met gwir diaouled sed. Dreist-holl an daou vele- gan o blev […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2399","page","type-page","status-publish","hentry"],"acf":[],"yoast_head":"\n