![\"\"](\"http:\/\/www.anjela.org\/oberenn\/wp-content\/uploads\/2018\/11\/kazh-koulin-300x202.png\")
<\/p>\nTrist on fenoz. Un draig a vank din. Un draig dister a-walc’h. Ul loenig ken do\u00f1v hag ur c’hazh, ken feal hag ur c’hi : ma c’houlinig bihan du. Kollet am boa kalz amzer da sevel al loenig paour hag en em staget ‘oan outa\u00f1. Ma ! Kollet eo.<\/p>\n
Deiz Sul ar Beuz ‘oa marvet e vamm \u2014 o mamm, rak c’hwec’h ‘oa \u2014 a-boan digor o daoulagad da skl\u00earijenn an deiz. O lakaet em boa ‘n ur voest karto\u00f1s gwarniset a foenn dous ha gloan. Evel d’ar poupigo\u00f9 e ranken rei\u00f1 laezh d’am c’houlined bihan emzivad, laezh tommet ha sukret. N’eo ket ken aezet ha lavarout. Ret eo kaout kalz a basianted. Adalek ma krogjont da zebri\u00f1 soub kafe-laezh diwar un asied ‘oa bet kalz aezetoc’h ar jeu. Padal, chom a raent treutik ha lauret, unan end-eeun ‘oa ken bihan hag ul logodenn ; an akuita\u00f1 da redek ‘oa-e\u00f1 avat rak plijout ‘rae dezho redek dre an ti, ha krapet goude war an oaled da domma\u00f1 o zreidigo\u00f9.<\/p>\n
Siwazh pa grogjont da zebri\u00f1 glazur e krogjont ivez da vervel. Bez’ e chomas an daou vihana\u00f1 bev ur pennad hiroc’h met un deiz setu marv ivez al logodennig ha na greske ket un tamm.<\/p>\n
Petra ober brema\u00f1 eus \u00ab Duig \u00bb bihan. Derc’hel da goll amzer gant ul loenig ken dister tonket ivez da vervel dizale ? Ma, lezel anezha\u00f1 da glask e cha\u00f1s ! Donemonea ‘rae ‘vel ma kare war-dro an ti, er porzh, peuri\u00f1 tamm ac’halen tamm alec’hont, met sav-taol ‘veze en ti, soub kafe ha bara a blije dezha\u00f1 dreist d’ar glazur, ha tomma\u00f1 war an oaled. Me ‘gomz deoc’h diouzh un trouin : Fido, Fousou, Bisousig, Gwennadu ha Duig Fall\u2026 holl du pe dost. Lavaret a vez e-lec’h ma vez ur c’hazh du en em gav arc’hant. Ur pezh gaou eo avat. Rak goude kaout kement all a loened du ne gresk tamm ebet va yalc’h, er c’hontrol\u2026<\/p>\n
Hardishaat a rae \u00ab Duig \u00bb bemdez, war bellaat ez ae da glask e damm \u00ab brif \u00bb, da noz e tostae ‘velkent da glask goudor en e gased bihan en ti kozh. Mignon bras ‘oa d’ar chas ha d’ar c’hizhier. Met pa wele ur c’hi dizanavez e terede d’an ti un nebeudig nec’het. Fentus-kena\u00f1 ‘oa gwelout anezha\u00f1 oc’h ober chiboud evit gwelout pelloc’h. <\/p>\n
Mont a rae brema\u00f1 betek penn pella\u00f1 Park al Leur, eno ‘oa kaol, kaol pomez ha karotez, ha krennet en devoa va labous anezho a-rez an douar evel dre blijadur, un taol dant ama\u00f1, un taol ahont, gwashoc’h eget ar vugale ambilh.<\/p>\n
Evurus ‘oa Duig met an evurusted n’eo ket tra padus er bed-ma\u00f1\u2026 Un abardaez ‘oa ket ‘n em rentet. Graet am boa e ga\u00f1v. Ma, setu antronoz e tistroas war-dro pemp eur da glask e adverenn soub kafe. Feiz, e so\u00f1jen, ret ‘vo dastum al labous-ma\u00f1 pe ‘vo boued sur d’al louarn\u2026 Met ivez daoust ha chom a rafe bev en un toull kloz ? E\u00f1 boas eus ar Frankiz keit-all zo\u2026 Ma ! Tri deiz goude ‘oa kollet evit mat, aner gortoz ha klask. Fido en doa kavet an tres, lammet war ar c’hleuz e-lec’h ma oa mac’het ar geot, ha va Doue !\u2026 Setu un tamm avu gwadek ha mailhemouzet ; se ‘oa tout pezh a chome eus ar paourkaezh Duig. Ha trist on fenoz evel pa vankfe din un dra bennak ker\u2026<\/p>\n
Gouere 1965<\/em><\/p>\n","protected":false},"excerpt":{"rendered":" Trist on fenoz. Un draig a vank din. Un draig dister a-walc’h. Ul loenig ken do\u00f1v hag ur c’hazh, ken feal hag […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2395","page","type-page","status-publish","hentry"],"acf":[],"yoast_head":"\n