\u2026 Ya, ‘n em dromplan ket, henozh ema\u00f1 noz an Tantad\u2026 sa\u00f1set\u2026 sa\u00f1set !
\nAdlakaat a ra ar vaouez kozh an almanak en e blas war ur boentenn e-tal ar pre- nestr. Darbet eo dezhi kouezha\u00f1 o tont en-dro. Mezevelli\u00f1 ‘ra. N’eo ket mat he yec’hed tamm ebet ur pennad zo. Skuizh eo. Re galet eo bet ar vuhez eviti, brevet eo ha kozh a-raok an oad\u2026
\nTenna\u00f1 ‘ra un toullad keuneudenno\u00f9 eus ar c’houign keuneud, o lakaat bod ha bod dindan an trebez ma zo warna\u00f1 dour en ur gastelodenn vihan botin.
\nNeuze ec’h azez er gador-vrec’h houarn livet e liv koaven, hag a oa hini he mamm en he c’hozhni, hag e krog da raska\u00f1 un toullad patatez nevez evit he lein.
\nAr vicher-ma\u00f1 na c’houlenn nemet un tammig ampartiz-dorn. Dieub a chom ar spered ha, ma n’emeur ket re brederiet, gouest da nijal du-ma\u00f1 du-hont e gweno- denno\u00f9 an e\u00f1vor pe an hunvre.
\nGwechall p’edo he buhez dirazi, he spered a gantree en ur bed faltazius, en un dazont ijinet ganti hervez he c’hoant hag hec’h anien : kestell er Spagn. Kestell el loar\u2026 arc’hant, enor, plijadur. Diskanet he deus ar vaouez kozh ha hiziv an deiz p’ema\u00f1 al lodenn vrasa\u00f1 eus he buhez ‘drek he c’hein, p’ema\u00f1 pell amzer zo hec’h- unan-penn eo en tremened eo ez a da glask un elfenn dudi. En e\u00f1vorenno\u00f9 he buga- leaj dreist-holl, an amzer binniget-se nemeta\u00f1 disoursi er vuhez.
\nDerc’hent Gouel Yann eo. Ken levezonet eo bet en he bugaleaj hag he yaouankiz gant marzh an tantado\u00f9 ma n’eo ket gouest da dremen hep so\u00f1jal bep bloaz d’ar mare-ma\u00f1 en amzer evurus-se aet e-biou ken diseblant. Ar boazio\u00f9 nevez o tont tamm-ha-tamm da gemer lec’h ar boazio\u00f9 kozh. Boazio\u00f9 nevez hiziv hag a vo kozh d’o zro warc’hoazh. Netra peurbadus er vuhez.
\nTechet eo ar re gozh da gaout si e doareo\u00f9 ar re yaouank. Ar pezh a dremene en o yaouankiz-int a oa kaer, ha mat, ha fur, ha dereat ha dudius memes tra. Peogwir int ‘oa yaouank, int ‘oa nevez, int a wele e diabarzh an trao\u00f9 ar pezh a oa en o dia- barzh int : levenez ha gred.
\nUnan eus darvoudo\u00f9 plijusa\u00f1 ar bloaz ‘oa ‘velkent an tantad, pe kentoc’h an tan- tado\u00f9, rak da nebeuta\u00f1 e veze daou, a-wecho\u00f9 tri, tantad Yann an hini muia\u00f1 darempredet. Tantad P\u00ear ha tantad Gwir Sikour, an daou-ma\u00f1 a degouezhe alies er memes deiz.
\nNiverus ‘oa ar vugale er c’hontre ha niverus an tiegezhio\u00f9. Ur blasenn ‘oa e-kreiz ar g\u00eariadenn, honnezh ‘oa lec’h an abadenno\u00f9, un doare park sporto\u00f9, pe liorzh boutin, liorzh hep bleu\u00f1v avat, met disheoliet ken brav gant derv, tilh ha faou.
\nGwez kozh-Noe hag a roe ur freskadurezh dispar en ha\u00f1v. Digompez ‘oa ar blasenn, un hent-karr he zreuze a-skizh a grec’h d’an trao\u00f1, neuze ‘rae ur gildroenn verr evel ur spilhenn-vlev a hede al lezenn izela\u00f1 ‘vit tizhout an hentig don a gas d’an ti pella\u00f1 hag ivez d’ar stank ha d’ar feunteun. E lodenn an tu-trao\u00f1 ‘oa un dervenn vras-divent, he c’horf ‘oa berr ma taped aezet ar skourro\u00f9 izela\u00f1 gant ar vrec’h astennet, ar branko\u00f9 ‘oa hir ha tev, kamm-digamm e-giz gwezigo\u00f9 japanat bet mac’hagnet a-ratozh evit o harz da greski\u00f1.
\nE-kreiz ar blasenn ‘oa un alez voullo\u00f9 kompezet ha traezhet, ‘n ur penn ‘oa un der- venn ivez met hiroc’h he fust, warni ‘oa bet staget ur planken gant ur bern toullo\u00f9 bihan hag ibilio\u00f9. Bez’ ‘oa an talbenn a servije da zerc’hel kont eus poento\u00f9 ar c’hoarierien voullo\u00f9. E tu ar c’hreisteiz ‘oa div dervenn all, unan vras kaer, eben un nebeud bihanoc’h. Hag e penn an trao\u00f1 ur faouenn gaer meurdezus. Ur faouenn all, hi brasoc’h c’hoazh ‘oa e trao\u00f1 ar blasenn. Homa\u00f1 he doa un istor. Homa\u00f1 ‘oa un doare monumant-hengoun. War he fust ‘oa kizellet un niver bras a anvio\u00f9 gravet er bluskenn gant kontilli. Bugale o c’hoari alies, met ivez dreist-holl gant paotred yaouank. Paotred yaouank ar c’hontre o doa kemeret ar c’hiz da engravi\u00f1 o anv pe da vihana\u00f1 pennlizherenn o anv ha sifr o ganedigezh war ar wezenn gozh kent mont d’ober o servij soudard. Lod eus an anvio\u00f9 ‘oa skrivet brav, lod a-boan lennapl, lod graet e-kreiz ur c’helc’h pe ur penn-marc’h. Ar re ‘oa graet pell zo ‘oa deut ledan ar merk, ar bluskenn a greske da heul ar wezenn.
\nDouja\u00f1s o doa tud ar c’hontre evit ar faouenn-se, un tamm ‘oa evito ur wezenn sakr. Un doare maen-e\u00f1vor ivez rak meur a baotr yaouank ‘oa bet chomet du-hont war dachenno\u00f9 brezel Bro-C’hall tra ma vane o anv gravet er wezenn. Bez’ ‘oa ivez tilh, ar re-ma\u00f1 war a seblant a dlee beza\u00f1 yaouankoc’h, hogen kozh memes tra ha kostezet darn anezho gant an avel a c’hwezhe da vat war ar blasenn. Neizhio\u00f9 piged ha brini ‘veze bep bloaz war ar gwez bras. Met ar grennarded troet-kena\u00f1 war an neizhio\u00f9 a ranke mont hogozik hep gouzout d’o diloja\u00f1. ‘Oa ket mat a lavare ar re gozh dispenn an neizhio\u00f9 piged war an tilh a wareze al lojeiz eus an avelio\u00f9 foll.
\nHag ar vaouez kozh a so\u00f1je e c’hoario\u00f9 he bugaleaj war ar blasenn. Azezet ouzh troad an dervenn vras, gant he zamm kontellig troad ruz, e kalfiche kleierigo\u00f9- skouarn er mez kouezhet puilh war an douar, e tastume skudilli bihan koant d’ober asiedo\u00f9 poupig, hag ar piono\u00f9 koad ken lufr ha ken ska\u00f1v a c’hodellado\u00f9 pa veze darv an avalo\u00f9-derv.
\nDindan ar faou e tastume kilvij da zebri\u00f1. Arabat avat debri\u00f1 re a gilvij, se a ra poan-benn. Ya, gwelout a rae an dachenn evel pa vefe dec’h. Ha beva\u00f1 ‘rae hunvre he yaouankiz aet pell zo e-biou.
\nPa dostae da Ouel Yann e save gred e bugale ar c’hontre, kaoz all ebet nemet kaoz an tantad, ha marc’h etrezo piv en dije serret ar muia\u00f1 a zanvez tan. Prizius ‘oa d’ar mare an danvez tan, arabat ‘oa kemer keuneud na koad eus ar bern da gas d’an tantad. Ur fagodenn lann pe valan da lakaat an tan da gregi\u00f1 ha goude se drez ha spern a forc’hado\u00f9 deut gant ar wazed.
\nAr vugale o dije klasket a bep seurt trao\u00f9 hag o berniet en a-raok war al lec’h : dic’harzhadur troc’het eus ar gwenodenno\u00f9, kozh stouvio\u00f9, spern kozh sec’h, drez, gargel, treuzo\u00f9 kaol, krann raden, skourro\u00f9 gwez bet torret gant an avelaj, hag all.
\nKement den a deue d’an tantad a ranke degas kalz pe nebeut a danvez, zoken ar vugale yaouank a ranke dougen un tamm bod en o dorn, pe ‘veze graet sin da vouta\u00f1 dezho o biz en tan\u2026
\nNag e oa plijus beza\u00f1 erru eus ar rumm kenta\u00f1, hag arvesti\u00f1 eus pep rumm o tegouezhout : paotred kozh un tamm re sammet a boze troad o forc’h en douar da ziskuizha\u00f1 o skoaz, krennarded, re hir troad o forc’h diouzh o ment hag o lakae da deuka\u00f1 pa grogent da sevel ar blasenn, bugaligo\u00f9 un dorn krog e dorn o mamm, o zamm bod ‘n o dorn all, ar vamm o tougen ur choukad balan sec’h.
\nNa ken kasaus all beza\u00f1 tapet war-lerc’h ma veze dija bodet an dud ha krog an tan, an holl sello\u00f9 war an dilerc’het. Kosha\u00f1 ozhac’h ar vilajenn a enaoue an tan. Ar peurliesa\u00f1 ne deue nemet pa veze degouezhet al lodenn vrasa\u00f1 eus an dud.
\nUn torchad plouz sec’h en e zorn hag e gorn bihan pri en e c’heno\u00f9 e tiskenne war e na\u00f1. Neuze ‘n ur deurel pled eus a belec’h e c’hwezhe an avel e tenne eus e c’ho- dell e voestad \u00ab chimik \u00bb. Pennglina\u00f1 ‘rae, enaoui\u00f1 e dorchad plouz, e lakaat dindan ur fagodenn lann pe valan e kostez ar c’houstell. An avel a c’hwezhe prim ar flamm, strakal ha strinka\u00f1 ‘rae ful : krog ‘oa an tantad.
\nUn doare lid solanel edo, sioul e chome an dud ar momed kenta\u00f1, nemet ar vuga- ligo\u00f9 ne vezent ket gouest da devel war o levenez dirak ar flammo\u00f9 hir hag ar ful o strinka\u00f1 eus ar spern, youc’hal a rankent gant ar blijadur. Unan eus paotred an ti bras en doa kemeret ar boaz da saludi\u00f1 an tantado\u00f9 all, rak meur a dantad a veze gwelet diwar ar grec’henn, war veg e forc’h a lakae ar paotr ur fagodenn struj da gregi\u00f1, neuze e save en aer hag a rae ganti un doare \u00ab rigodon \u00bb. Paotred eus an tan- tado\u00f9 pell a responte a-wecho\u00f9 gant ar memes arvezio\u00f9. Ar vugale o dije mall da gonta\u00f1 an tantado\u00f9, sevel a raent war ar c’hleuz e penn uhela\u00f1 ar blasenn ma veze gwelet ac’hane teir pe beder barrouz pe da vihana\u00f1 lod anezho.
\nGoude ‘veze lakaet dre voder ar struj en tan. Neuze e kroge an dud gant o c’haoz. Ar baotred gant kaoz ar c’hezeg, al labourio\u00f9, an amzer, ar marc’hado\u00f9, ar foario\u00f9. Braba\u00f1si\u00f1 gant o ebeulien pe ebeulezed\u2026
\nAr merc’hed a gomze eus an darvoudo\u00f9, bev, marv, eured, badeziant, berzh mat ar vugale en arnodenno\u00f9. Ar vugale a c’hoarie, a cholorie, ar re vihana\u00f1 a c’hwerouze gant ar c’hoant kousket. Goude an tamm tremen prim-ha-prim war ar prederi pem- deziek, setu mare ar c’han ! Bugale a gane a-wecho\u00f9 kanaouenno\u00f9 skol. Neuze an dud yaouank sonio\u00f9 eus ar c’hiz, sonio\u00f9 \u00ab \u00e0 succ\u00e8s \u00bb an ton hag ar pardon gante er bloaz-se, sonio\u00f9 gallek ‘vel-just. Dont a ra e spered ar vaouez kozh tonio\u00f9 brudet he yaouankiz : \u00ab Mon Paris \u00bb, \u00ab Dolorosa \u00bb ha \u00abL’Alhambra \u00bb\u2026 Bez’ ‘oa ‘velkent yaouankiz hag a dalc’he da gana\u00f1 brezhoneg, sonio\u00f9 fentus evel \u00ab Gwilhaouig \u00bb ar mevel fin ‘oa deut a-benn da dogani\u00f1 e aotrou ha da denna\u00f1 pemp kant skoed leve digant an itron evit tevel war an dro.
\nMouskana\u00f1 sioul a ra end-eeun ar plac’h kozh dezhi hec’h-unan :
\nP’en deus an aotrou doganet Krial ha gouela\u00f1 ‘ra bepred Arsa, eme ‘n itron
\nPetra ‘c’hoarvez de’z kalon ? O, Itron, ‘meza\u00f1 ma kredfen L\u00e2rout d’an aotrou e rafen O ‘me ‘n Itron ne ra ket se
\nMe ‘ray dit pemp kant skoed leve.<\/p>\n
Bez’ ‘oa ivez Mai hag a blije dezhi kana\u00f1, ur vouezh raouliet ‘devoa hag ur stumm nay da gana\u00f1, ar grennarded a rae goap a-drek he c’hein. Atav e kane ar memes son : \u00ab Pipi chevel \u00bb.
\nNeuze, Gab kozh a groge gant gwerzio\u00f9 keit hag un deiz hep bara. Gwerzio\u00f9 amzer Napoleon. Lod a gave kaer, lod a gave oant kalz re hir. Darn a dec’he sioul- sibouron, darn a l\u00e2re ‘oa poent l\u00e2ret ar patero\u00f9 abalamour da gas ar re vihan d’o gwele. Ya, patero\u00f9 ‘veze l\u00e2ret, ar peurliesa\u00f1 gant merc’h hena\u00f1 an ti bras, gwezh ivez gant Anna ‘r C’hromm. Pa dicha\u00f1se dezhi lezel da ziflipa\u00f1 ur ger latin a-dreuz en De profundis, ar re yaouank a sac’he war ar respont gant a vouga\u00f1 ‘raent o harz da c’hoarzhin, pe c’hoazh gant hennezh ne ouie koulz l\u00e2ret respont ebet ‘met
\n\u00ab skula skulorum \u00bb.
\nEchu ar graso\u00f9, pep tieg a zibabe un etev da gas ganta\u00f1, ur pennadig spern du o tivogedi\u00f1 c’hoazh hag o fic’ha\u00f1 evel un naer. Hennezh ‘veze lakaet en tan pa rae kuruno\u00f9 start. Neuze pep hini a glaske e forc’h an eil o lavarout d’egile : \u00ab Ken arc’hoazh ha noz vat ! Echu ar pardon\u2026 \u00bb
\nSiwazh ! Echu eo pell zo d’an tantado\u00f9 war ar blasenn gozh. Evit biken emicha\u00f1s. E-pad ar brezel ‘oa bet difennet ober skl\u00earijenn ebet en noz. Ret ‘oa bet dilezel lid an tantado\u00f9. E-pad ar brezel ivez ‘oa che\u00f1chet tud en ti bras ar blasenn ‘oa lod eus ar feurm. An dud all n’hellent ket, hep asant ar feurmier mont d’ober tan war e goust. Ha neuze, ar blasenn, baradoz bugale ar vilajenn, ‘oa kemmet ivez. Diskaret ‘oa bet ar c’haera\u00f1 gwez gant ar perc’henn war zigarez diouer a c’hlaou. ‘Vel p’en divije ket kavet e\u00f1 a-walc’h a dorgoso\u00f9 derv sec’h war e ugent, pe ouzhpenn, a feurmio\u00f9. Vandalerezh, ya, vandalerezh ‘oa diskar seurt gwez. Ken kozh ha ken kaer, testo\u00f9 eus kement a zarvoudo\u00f9 e-pad nouspet rummad tud.
\nMemes tra ! a so\u00f1je ar vaouez kozh gant he daero\u00f9 tost da darzha\u00f1. Memes tra ! Mont betek diskar gwezenn an e\u00f1vor ! So\u00f1j he deus pegen mantret ‘oa bet ur vamm, kollet ganti he mab er brezel pa voe deut ar goaderien da ziskar ha da faouti\u00f1 ar wezenn-faou ma oa kizellet enni ken brav anv he mab karet.
\nEchu eo dezhi da beilhat he fatatez. Chom a ra he c’hontell en he dorn. Kollet en he so\u00f1jo\u00f9\u2026 Karout a rafe gwelout c’hoazh o tasorc’hi\u00f1 boazio\u00f9 he yaouankiz ma ouie an dud ‘n em zidua\u00f1 onest ha fur hep forani\u00f1 o gwenneien, hag a veze ken just ha dre se ken prizius.
\nIjina\u00f1 ‘raent ‘bep seurt c’hoario\u00f9 dedennus ha digoust d’o yalc’h\u2026 Brema\u00f1 ? Brema\u00f1 ! Nemet redek bro gant kirri-tan da derri\u00f1 o gouzoug, hag e fell dezho arc’hant bras ha butun ha lapaj. Ha galleg ha saozneg a-leizh o c’horzailhenn, ha korollo\u00f9 gouezidi. Ha kaoz all n’intentont nemet ar pezh a dishilh dezho o boest sonerezh\u2026 Ar bed, emezi, o vont war he geno\u00f9. Darbet ‘oa dezhi ivez kouezha\u00f1 war he geno\u00f9 pa savas diwar he c’hador da lakaat lein war an tan. A-dal ma paouez da vale eo morzet raktal gant ar remm.
\n\u00ab Prest eo lein ? a c’houlenn ur paotrig o tont en ti.
\n\u2014 A, te zo aze Herve ?
\n\u2014 Ya, gwelet am boa Alan ha P\u00ear dec’h da noz. Akord int ‘vefe graet un tantad emberr, ma teufec’h ?
\n\u2014 Ya, met pelec’h ‘ta ?
\n\u2014 E trao\u00f1 an hent kozh zo ur bern struz troc’het, war ar blaenenn vihan a hont e- kichen ho park ez eus ur plas brav ha dida\u00f1jur.
\n\u2014 Itronezed ar vilin zo aze an deizio\u00f9-ma\u00f1, laouen e vint sur o kaout un tantad en o c’hontre nevez. Ret ‘vo dit Herve mont da lavarout dezho\u2026 \u00bb
\nDaoust, a so\u00f1je ar vaouez kozh, hag-e\u00f1 ne bec’han ket o tegemer estrenien ‘n hor c’helc’h. Nann, goude tout n’int ket eus gouenn ar mac’her. Ha neuze gant ‘bep seurt koad eo ret ober tan, pa vez c’hoant da zasorc’hi\u00f1 un tantad.
\n21 a viz Mezheven 1965<\/p>\n","protected":false},"excerpt":{"rendered":"
\u2026 Ya, ‘n em dromplan ket, henozh ema\u00f1 noz an Tantad\u2026 sa\u00f1set\u2026 sa\u00f1set ! Adlakaat a ra ar vaouez kozh an almanak […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2393","page","type-page","status-publish","hentry"],"acf":[],"yoast_head":"\n