Sede ma oa bet degouezhet ganin an ha\u00f1v tremenet ober un tamm kaozadenn gant un aotrou estren da Vreizh. Kouezhet e oa bet ar gaoz ganimp war ar sistr, war ar sistr bontet. Ur marc’hadour gwin-champagn eo an aotrou a gomze ganin. Bet e oa, emeza\u00f1, o leina\u00f1 en-dro da Bempoull, goulennet en doa sistr bontet ha lakaet ‘voe da baea\u00f1 250 lur ar voutailhad, hervez. Me ‘so\u00f1je ‘oa evit klemm eus ar briz eo a lavare an dra-se din :
\n\u00ab N’hoc’h eus ket bet evit hoc’h arc’hant, emezon, ‘oa ket mat ar sistr ?
\n\u2014 Eo laouen ! mat-tre end-eeun ; met seded, ar Vretoned n’ouzont ket ‘n em zibab. M’o dije lakaet un dikedenn gaer hag ur gapsulenn a lorc’h war ar voutailh, ken aes ha tra ‘vije bet gwerzhet 350 lur e-lec’h 250 ! ! !
\n\u2014 Ni, Aotrou, etrezomp Bretoned, zo re onest ; tonket omp da veza\u00f1 paour da viken.
\n\u2014 Ya, emeza\u00f1, gwelout a ran eo paour ar vro en holl. Met ho parlamantourion, petra ‘reont evit ar vro ?
\n\u2014 O ! Prometi\u00f1 kaer avat ! Ha ni a gred bep taol. Ha neuze pell omp diouzh Pariz, hag ouzhpenn, ar Vretoned n’int ket tuet-kaer d’ober al lez d’ar penno\u00f9-bras. Re valc’h int da astenn o dorn. \u00bb
\nAr wirionez a zo atav kazus da glevout. Ret eo anzav eo gwir ar pezh a lavaren d’ar marc’hadour champagn gall. Ar Vretoned a zo re onest, n’ouzont ket ‘n em zibab. Tennet e vez gwez-avalo\u00f9 : re a zo, hervez. Chom a ra bep bloaz avalo\u00f9 da goll, da vihana\u00f1 ar bloavezhio\u00f9 frouezhus ; chom ‘ra sistr da drenka\u00f1. Er c’heit-se ar varc’ha- dourion win ha champagn ‘ra fortun gant arc’hant ar Vretoned. Un tamm bruderezh, un tamm kinklerezh d’ar boutailho\u00f9, sistr graet hervez lezenno\u00f9 bio-kimik, gant goello\u00f9 mat. Besello\u00f9 dizrevezusaet. Avalo\u00f9 yac’h hag azv-mat. Daoust hag-e\u00f1 ne vije ket gouest ar seurt boeson-se da varrenni\u00f1 ouzh gwelien ruz ar C’hallaoued ? Ha zoken ouzh Champagn eonennek marc’hadour e dikedenno\u00f9 cheuc’h ?
\nKomzet ez eus bet eus ar gistion-ma\u00f1 e niverenn 72 Al Liamm en un doare ampart ha skiantel. Morse ne vo komzet re. Daoust hag-e\u00f1 ne vefe ket tu da veur a Vreizhad yaouank desket, d’en em lakaat d’ober ar vicher-se ? Kement-se nebeutoc’h da veza\u00f1 ret dezho divroa\u00f1 evit gonit o bara. Ar marc’hadour bras a gomzan diouta\u00f1 en deus un uzin o vont en-dro noz-deiz er Champagn. Avalo\u00f9 a-walc’h a vez serret e Breizh da rei\u00f1 labour da veur a labouradeg, ul lodenn eus ar bloaz da vihana\u00f1. Hag estreget sistr bontet a c’hellfed ober gant avalo\u00f9. Ar sun avalo\u00f9, daoust hag- e\u00f1 n’eo ket koulz evit ar yec’hed eget ar chug sitro\u00f1s pe ora\u00f1jez ? Ha daoust ha gwell eo ar c’ho\u00f1fitur a zeu eus a bell-bro eget an hini ‘vije tu d’ober e Breizh ? Met n’eo ket a-walc’h ober sistr ha chug-avalo\u00f9 ha ko\u00f1fitur. Ret eo kaout disamm d’ar vac’hadourezh. Ret eta ober bruderezh, ha diskouezadego\u00f9. Ha ret eo ivez kaout douja\u00f1s evit arboellerezh ar vro. Arabat kas re a arc’hant d’ar \u00ab Floride fran\u00e7aise \u00bb da skouer. Met ni, paourkaezh Bretoned zo pell war-lerc’h ar C’hallaoued da sacha\u00f1 dour d’hor milin. Ha gwazh a-se evidomp.
\nBrema\u00f1, evit retorn war ar marc’hadour-champagn. Goulenn a eure hema\u00f1 diganin ivez petore gonid a denne ar Vretoned eus an holl goad a wele o c’holoi\u00f1 an doua- ro\u00f9. Evel ma welit, Aotrou, n’eus ket nemeur a goad-prenn dre ama\u00f1, da vihana\u00f1 koad da gaout talvoudegezh, koad kunduet mat. A-hend-all re stlabezet ha re vesket int evit beza\u00f1 prizet gant ar varc’hadourion goad-prenn\u2026 Hag evit ar c’hoad- tan zo nebeutoc’h c’hoazh a zisamm. Remed all ebet alies nemet c’hwezha\u00f1 tan enno war blas, da harz ouzh ar vro da retorn da strouezheg. Koulskoude e tle beza\u00f1 un implij bennak d’ar c’hoad hag a sachfe ur gonid bennak d’ar c’hornio\u00f9 paour eus ar vro. An dud yaouank desket war ar strilhouriezh a dlefe studia\u00f1 war ar gudenn- se. Dija evit pezh a sell ouzh an tomma\u00f1 ez eus deuet ur welladenn en implij eus ar c’hoad, en askont d’ar \u00ab pennaderezed \u00bb (heskenn-dorn dre dan da ziskar ha pen- nada\u00f1 kefio\u00f9 ha barro\u00f9-gwez). Labour diboan ha prim a reont hag ar priz dre gor- denn pe dre st\u00ear a gouezh izeloc’h eget kent.
\nGoude tout, chom a ra an tommerezh dre goad un dra a lorc’h. Ar binvidion a blij dezho en deiz a hiziv kaout siminalio\u00f9 bras evel gwechall, endra m’ema\u00f1 ar bobl o stouva\u00f1 holl siminalio\u00f9 an ti ! Pebezh sotoni ! Un ti a seblant marv ha yen pa ne vez ket a dan en oaled. Petra eo trista\u00f1 tri zra zo war an douar ? Ar re gozh a lavare : un oaled hep tan, un daol hep bara, un ti hep gwreg\u2026 Iskisa\u00f1 ha zoken sota\u00f1 tra a gavan eo evelkent ur podad bleu\u00f1v istribilhet ouzh ar vazh-drezenn er siminal !\u2026 Daoust hag-e\u00f1 n’eo ket ar vleu\u00f1venn ruz-se ma ‘z eo an tan, ar c’haera\u00f1 bleu\u00f1venn a c’heller kaout en un ti ? N’eus forzh penaos n’ema\u00f1 ket, a gred din, plas ar bleu\u00f1v er siminal. Hervez am eus klevet, a berzh vat endeo, hor breudeur tramor a zo chomet feal ha stag ouzh an oaled hag an tan. E-lec’h n’o deus ket a wir siminalio\u00f9, e reont gant fals-reo\u00f9 gant un oaled ha koad, pe goad drevezet oc’h ober e-barzh un doare tantad, gant un ampoulenn ruz en o c’hreiz da rei\u00f1 da gredi\u00f1 eo tan.
\nGwelout a ran em c’hichen milino\u00f9 kozh adsavet gant tud pinvidik. Miret eo bet gant douja\u00f1s an holl siminalio\u00f9, an holl oaledo\u00f9. Tan a reont e-barzh gant koad eus ar vro, hag int a gav se kaer-spontus. En ha\u00f1v tremenet, en unan eus ar milino\u00f9-se ez eus bet chomet e-pad un nebeud sizhunvezhio\u00f9 tud a renk uhel : an Aotrou Mitchel, koronal ha surjian ; ur C’hanadian a orin kelt. An Itron Mitchel zo ur Gembreadez. Daoust ma oa se e-kreiz an ha\u00f1v, e chome an daou bried eurvezhia- do\u00f9-pad da zivizout o-daou dirak un tantad-flamm e siminal bras ar vilin. Ar wech kenta\u00f1 ‘oa dezho da welout Breizh. Edont o tistrei\u00f1 eus an Itali hag o vont d’ar Zeland-Nevez. Gwelet o doa ar Suis, an Izelvroio\u00f9 ha me ‘oar. Hogen lavarout a raent din n’o doa ket ‘n em santet er g\u00ear, evel e Breizh. Nep lec’h n’o doa kavet tan en oaled. Ha koad pezh a garent d’e voueta.
\nUr rikour a vije evit kouerien ar c’horn-ma\u00f1 ma teufe ar c’hiz d’en em astenn eus an tantado\u00f9-flamm o tevi\u00f1 dieub e pep oaled. Meur a wenneg a dennfent adarre eus o c’hoad. Hag ouzhpenn bez’ e vefe evit Breizh evel p’he dije adkavet hec’h Ene.<\/p>\n
[1965 ?]<\/p>\n","protected":false},"excerpt":{"rendered":"
Sede ma oa bet degouezhet ganin an ha\u00f1v tremenet ober un tamm kaozadenn gant un aotrou estren da Vreizh. Kouezhet e oa […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2374","page","type-page","status-publish","hentry"],"acf":[],"yoast_head":"\n