Aotro\u00f9 ha kenvroad enorus,<\/p>\n
Bez’ am eus an enor da gas deoc’h, evit respont d’ho lizher deizet eus ar 17 a viz Gouere, an nebeud notenno\u00f9 ama\u00f1 da heul. Deoc’h a vo d’ober un dibab evel ma kavfot ar gwella\u00f1. Ho pedi\u00f1 a ran avat d’ober ar berra\u00f1 ar gwella\u00f1 evel ma tere ouzh tudigo\u00f9 eveldon.<\/p>\n
Marie-Ang\u00e8le Duval. Ganet on bet er C’hozh-Varc’had e k\u00eariadenn Trao\u00f1-an-Dour d’an 3 a viz Ebrel 1905. Trivet bugel Erwan Duval ha Mari-Fra\u00f1soaz Ollivier ginidik eus Tonkedeg, a diegezho\u00f9 koueriaded.<\/p>\n
Un atant bihanik ha douar meinek a-grap div dosenn tost-tost d’al Leger eo va zamm rouantelezh. A-vihanik am eus labouret douar, ha micher all ebet na dije va dedennet, nemet ar vedisinerezh a vije. N’am bije ket moaien da studia\u00f1.<\/p>\n
Evidon ar brasa\u00f1 arouez eus ar binvidigezh n’oa ket kirri pompus, na kenkizo\u00f9 na netra, met redek a raen avat da vord an hent da welout o tremen un denn a bevar a gezeg ha d’an oad a eizh vloaz em boa graet al le da chom em bro va buhez-pad, ma vije bolontez Doue. Dalc’het am eus d’am ger betek-henn. Siwazh nebeut a dra a zo em galloud ober evit ar vro a garan, rak hep gouiziegezh petra a c’heller ? Va studi n’eo ket aet hirroc’h eget ar pezh a desker e skol vihan ar bourk. Ha chomet on bepred war va naon rak naon am eus atav d’ar ouiziegezh.<\/p>\n
Va zad zo marvet e 1941 oadet a bevar-ugent vloaz, va mamm e 1951 oadet a bemp bloaz ha pevar-ugent. N’o doa skoazell nemedon rak kollet o doa o daou vugel kenta\u00f1, ha deuet edont dija war an oad p’edon-me ganet.<\/p>\n
Va-unan-penn on brema\u00f1 o terc’hel bepred an hevelep atant. Fall avat va yec’hed, ha plat va yalc’h. N’am eus d’am staga\u00f1 ouzh ar vuhez nemet ar garantez vras a dougan d’am yezh nerzhus dous ha garv war un dro. Ken he\u00f1vel ouzhin.<\/p>\n
Ha seul vui ma vez graet brezel d’ar brezhoneg, seul vui e garan. Ha don eo va levenez o welout ema\u00f1 krog da vleunia\u00f1 kaeroc’h eget biskoazh, gras da galonegezh ha da bennegezh Breizhiz a ya bemdez o niver war greski\u00f1, hag o deus levezon a-walc’h d’ober da enebourien hor yezh douja\u00f1 o mennozhio\u00f9.<\/p>\n
[1964 ?]<\/p>\n","protected":false},"excerpt":{"rendered":"
Aotro\u00f9 ha kenvroad enorus, Bez’ am eus an enor da gas deoc’h, evit respont d’ho lizher deizet eus ar 17 a viz […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2346","page","type-page","status-publish","hentry"],"acf":[],"yoast_head":"\n