D’an Aotrou Sant Erwan, Patron Bro-Dreger, Ar Baradoz.<\/p>\n
Aotrou Sant Erwan, Gant kalz a anaoudegezh-vat e teuan da lavarout trugarez ha bennozh Doue deoc’h evit an doare burzhud hoc’h eus graet em c’he\u00f1ver adarre. Lavarout a ran adarre, rak n’eo ket ar wech kenta\u00f1, Sant Erwan venniget, e tougit dorn din ha da’m zud a-raok din. Gwir eo, Aotrou Sant Erwan, va zad a oa filhor deoc’h ha devot-devot deoc’h ivez. C’hwi ‘oar gwelloc’h egedon pet ha pet gwech eo bet evel pirc’hirin o pardona\u00f1 e Landreger war e droad. Ma save pell a-raok an heol da gregi\u00f1 gant e hent, ma veze dija e beg Lann-ar-Go\u00f1sorted pa save an heol deiz ho pardon : seizh lev pe seizh lev hanter d’ober en ur c’hrog, ha se betek e gozhni. Met, ne sante ket e skuizhder en deiz-se.
\nAn dud a lavar, Aotrou Sant Erwan, eo klozet amzer ar burzhudo\u00f9. Proui\u00f1 a rit dimp n’eo ket gwir. Daoust hag-e\u00f1 n’eo ket gwir vurzhudo\u00f9 a ra Breuriezh Sant Erwan en hoc’h anv ? Ar baotred yaouank kalonek-se, en em vodet en ur vreuriezh oberiant, koulz war an dachenn danvezel, koulz war an dachenn speredel ha sevenadurel. Setu, Aotrou Sant Erwan, an eil gwech din da veza\u00f1 bet ar c’hras da gaout sikour digant ho filhored. An dro genta\u00f1, un abadenn dihued, he doa lakaet din heol em c’halon a-walc’h da dremen ar goa\u00f1v du ha yen hep kaout riv diabarzh. An eil tro, avat, Sant Erwan vinniget, n’eo ket deuet ho paotred evit ur barti blijadur : deuet int da labourat a-gorf-roched. O ! n’am eus ket ezhomm da gonta\u00f1 deoc’h, sur on edoc’h war api du-hont e prenestr an ne\u00f1v, ur minc’hoarzh war gorn ho muzell o sellout outo o lorgna\u00f1 e-kreiz va fark.
\nGouzout mat a rit, Aotrou Sant Erwan, penaos ema\u00f1 ar Bed ganimp e Breizh. Gouzout mat a rit pegen goullo eo erru maezio\u00f9 Breizh. Gwechall pa vane kla\u00f1v ur c’houer, e veze disac’het gant e amezeien. Breizhiz o deus bepred an hevelep kalon vat. Met, re o deus d’ober pep hini en e streuvell. Hogen, c’hwi ‘oar mat, p’hoc’h eus bevet er maezio\u00f9, ez eus ur c’houlz da bep maneur. Ha c’hwi ‘oar pegen nec’het e vez an hini na c’hell ket ober e labour d’ar c’houlz. Er stad-se ‘oan de- gouezhet, ha panevet d’ho filhored vat e vije chomet va fark dihad. Damant am boa koulskoude, Aotrou Sant Erwan, damant am boa o tirenka\u00f1 ar baotred-se diwar o studi, d’ar mare-ma\u00f1 m’eo ken tenn war o skolidi. Ha neuze, pep lev emaint ac’ha- len\u2026 Respontet o deus kerkent da’m galv, ha deuet int : pevar eus ar re wella\u00f1, en o zouez ur beleg da Zoue, hag en deus graet e lod evel pep hini. Ken am boa poan
\no voustra\u00f1 war va from ha va daero\u00f9 a joa. Ra vo warno holl binnizhien ar paour. Ho pedi\u00f1 a ran da’m digarezi\u00f1, Aotrou Sant Erwan, n’am boa nemet ur ger da lava-rout : \u00ab Trugarez \u00bb. Ha setu, pegen hir eo va lizher ! Met, n’oc’h ket hep gouzout, Aotrou Sant Erwan, penaos eo klakenn ar merc’hed. Bet hoc’h eus afer gant meur a hini p’edoc’h war an douar, rak c’hwi ‘oa alvokad an inta\u00f1vezed hag an emziva- ded paour\u2026 Marteze, goude tout, ‘oa siouloc’h ar merc’hed en hoc’h amzer, hag e ouient dibuna\u00f1 o c’haoz e berr gomzo\u00f9, ket d’ho lakaat da goll amzer. M’ho ped da zegemer va doujusa\u00f1 gourc’hemenno\u00f9 ha va c’haloneka\u00f1 trugarez evidoc’h, Aotrou Sant Erwan, hag evit ar Vreuriezh a zoug hoc’h anv binniget.<\/p>\n
[1964 ?]<\/p>\n","protected":false},"excerpt":{"rendered":"
D’an Aotrou Sant Erwan, Patron Bro-Dreger, Ar Baradoz. Aotrou Sant Erwan, Gant kalz a anaoudegezh-vat e teuan da lavarout trugarez ha bennozh […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2338","page","type-page","status-publish","hentry"],"acf":[],"yoast_head":"\n