Sede am eus bet ar blijadur er sizhun dremen d’ober un nebeud kaoz gant un Neerlandad eus Bro-Friz. Un Neerlandad hag ur Vreizhadez, e pe yezh e c’hellint en em intent, nemet evel-just e galleg ! N’on ket gwall zistagellet e galleg avat. Va Neerlandad a deuk ivez un tammig war ar yezh-ma\u00f1. Ne vern : en em glevet mat omp bepred. Ha kouezhet eo ar gaoz buan-ha-buan war gudenn ar yezho\u00f9 er broio\u00f9 bihan. Souezhet-bras eo bet an den o klevout ne veze ket desket ar brezhoneg er skol d’ar Vreizhaded vihan. Ken souezhet ken m’en deus bet poan o kredi\u00f1 an dra.
\n\u00ab Penaos, emeza\u00f1, ne vez ket kelennet ar brezhoneg er skol ?
\n\u2014\tNann, siwazh, Aotrou, emezon, nann. Ha gwashoc’h a zo.
\n\u2014\tPetra ‘ta ? emeza\u00f1.
\n\u2014\tDifennet eo d’ar vugale komz o yezh er skol ha zoken er porzh-c’hoari.
\n\u2014\tHa piv a zifenn an dra-se ?
\n\u2014\tVa feiz, Aotrou, ar mestro\u00f9 hag ar mestrezed-skol sur. Ha moarvat o deus urzh d’hen ober, ha kastiza\u00f1 a reont ar vugale pa vezont tapet o komz brezhoneg.
\n\u2014\tMet abaoe pegoulz se ‘ta ?
\n\u2014\tAotrou, n’ouzon ket dres abaoe pegoulz. Met da vihana\u00f1 al lezenn-se ‘oa dija p’edon bugel er skol, brema\u00f1 zo hanter-kant vloaz.
\n\u2014\tHag e lezit ober ? emeza\u00f1. Hag e c’houza\u00f1vit ur seurt lezenn sot hep en em sevel ? \u00bb
\nPetra da respont ? Santout a raen gwashoc’h eget biskoazh va c’hompleks a izelded. Ne vern petra am bije respontet, n’en dije ket komprenet\u2026
\n\u00ab Du-ma\u00f1, emeza\u00f1, e Bro-Friz e vez kelennet ar frizeg war ar memes troad gant an neerlandeg en holl skolio\u00f9. Evit ar mare, n’on ket em bro c’henidik. Labourat a ran e \u201cPoull an Dir hag ar Glaou\u201d e Luksembourg. Eno ez eus tud eus c’hwec’h bro : Alamagn, Fra\u00f1s, Italia ha Beneluks. Kelennet e vez va bugale hervez an doare- deski\u00f1 divyezhek. Rediet int da zeski\u00f1 un eilvet yezh da heul hini o c’havell, ha deski\u00f1 a reont zoken ar peder yezh adalek an oad a c’hwec’h vloaz. Me a gomz outo frizeg. Va gwreg a zo saoznegerez a gomz dezho saoz. Er skol o deus galleg ha neer- landeg. Met, emeza\u00f1 c’hoazh, an holl boblo\u00f9 bihan o deus ar gwir da veza\u00f1 kelen- net en o yezh. E-barzh nebeut amzer e vimp holl Europiz, ha moarvat e vo ur yezh etrevroadel. Met en Europa-se, ar broio\u00f9 bihan a viro o yezh, o sevenadur, o hen- gounio\u00f9, o doareo\u00f9-beva\u00f1. Ne vo mui a Fra\u00f1sizien, bez’ e vo Bretoned, Prova\u00f1siz, hag all, hag all.
\n\u2014\tMarteze ez it un tamm pell, Aotrou ! emezon.
\n\u2014\tNeb a vevo a welo \u00bb emeza\u00f1.
\nDiflipa\u00f1 a rae gwech ha gwech all ar ger \u00ab ya \u00bb gant va c’hendivizour. Ha me da c’houlenn diganta\u00f1 :
\n\u00ab Tost eo, ‘m eus aon, ar yezh neerlandek d’an alamaneg ?
\n\u2014 Nann, emeza\u00f1, n’eo ket tost-kar an neerlandeg d’an alamaneg. An alamaneg eo a zo ha\u00f1val ouzh an neerlandeg\u2026 \u00bb
\nUr mousc’hoarzh a baras evel ur barr-heol war e zremm sirius ha balc’h, ur mousc’hoarzh hag a zousae sello\u00f9 eeun e zaoulagad dir dindan e vlev melen. Hag er mousc’hoarzh-se em eus lennet daou c’her : lorc’h ha karantez evit e Vro.
\nEn ur skriva\u00f1 ar gerio\u00f9-ma\u00f1 ez eus deuet war-c’horre em spered ur frazenn klevet e-doug an ha\u00f1v gant merc’h ur vignonez kozh din. Skolaerez eo-hi e kostez Pariz, ganet ha savet e Breizh betek he fevar bloaz. Komz a ra brezhoneg koulz ha me.
\n\u00ab Un dra, emezi, a gavan iskis-tre eus perzh ar Vretoned. Goude c’hwec’h miz tre- menet e Pariz, e karfent rei\u00f1 da gredi\u00f1 deoc’h o deus ankounac’haet yezh o c’ha- vell. An dra-se n’em eus gallet biskoazh kompren. Ne vefe ket kavet ur Gall hag a zeufe en e so\u00f1j rei\u00f1 da gredi\u00f1 d’e genvroiz en defe ankounac’haet ar galleg goude un nebeud mizio\u00f9 na zoken hir vloavezhio\u00f9 tremenet er-maez a Vro-C’hall. Ha perak neuze ar Vretoned ? \u00bb
\nRe hir e vije bet din displega\u00f1 dezhi ar perag. Re hir ha re boanius. Spi am eus evel- kent e tosta bemdez an deiz m’o devo ar Vretoned muioc’h a lorc’h eget a vezh o komz o yezh, ha ma paro ivez war o dremm mousc’hoarzh dispar o lorc’h broadel.<\/p>\n
4 a viz Du 1963<\/p>\n","protected":false},"excerpt":{"rendered":"
Sede am eus bet ar blijadur er sizhun dremen d’ober un nebeud kaoz gant un Neerlandad eus Bro-Friz. Un Neerlandad hag ur […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2327","page","type-page","status-publish","hentry"],"acf":[],"yoast_head":"\n