Strollad Beilhadego\u00f9 Treger a gav er bloaz-ma\u00f1 kalz a ziaesterio\u00f9 war e hent. Kontrolius-tre eo bet ar goa\u00f1v evit aoza\u00f1 beilhadego\u00f9. Ar skoulad hir ha kalet en deus dilerc’hiet meur a abadenn. Rediet, a-wecho\u00f9, da zislavarout div ha teir gwech, dre na bermete ket an amzer mont en hent. An dud alies en arvar. Ha dre se, nebeutoc’h a dud en holl en abadenno\u00f9, ken pouezus koulskoude evit buhez ar yezh e-touez ar bobl.<\/p>\n
Bet hon eus-ni, tud ar C’hozh-Varc’had, hor beilhadeg disadorn d’an noz 9 a viz C’hwevrer. N’oa ket c’hoazh diskorn an hento\u00f9 na teuzet an erc’h a-blaso\u00f9. Da\u00f1jerus un tamm mont en hent gant kirri. Ne vern, tud ar Strollad n’int ket krenerien, na tud didalvez : deuet ‘oant. Hag ar C’houerc’hadiz, daoust ma’z eus pell etre daou benn ar barrez, ‘oa en em rentet stank a-walc’h ivez e sal ar gouelio\u00f9. Tost d’un hantereur dilerc’h avat, met astennet e voe an abadenn eus a gemend- all. N’oa ket c’hoazh echu da hanternoz ! Ha servijet-mat ‘oa bet sur ar selaouerien. Pep tra ‘oa brav ha dereat. Pezhio\u00f9 farsus evel An Alvokad<\/em> ha Div blac’h da choaz,<\/em> gant Maria Prad, Kalz trouz evit nebeut tra,<\/em> roet gant Paotred Tregrom, kontadenno\u00f9 ken fentus, Ar Marichal ruz, Al Loa-va\u00f1son,<\/em> ha kalz a unangomzo\u00f9 all, displeget ken akuit gant an Ny, Gourvenneg, Droniou, Bonnieg, h.a. Kanaouenno\u00f9 a bep seurt : reo\u00f9 gaer ha klasel, reo\u00f9 romantel, reo\u00f9 fentus. Kanerien ha kanerezed dellezek a bep meuleudi : Amede Prijent, Yann Derrien, Bonnieg, an Ny, Tinaig Perche, A. Bourdonneg, Ivonig Jak, M.-C. Roche.<\/p>\n Klevet e vije bet ul logodenn o redek dre ar sal, gant ar sioul hag an aketus ‘oa an dud o selaou o rannyezh Treger, ken mistr ha ken ska\u00f1v, spurjet diouti ar gerio\u00f9 gallek m’omp re dechet d’ober ganto hep ezhomm. Tregerni\u00f1 a rae ar sal avat gant barrado\u00f9 c’hoarzh diremed ha stlakadeg daouarn a vare da vare, ken fentus ‘oa ar farso\u00f9 hag ar farouellerezh. N’eo ket hep gwir abeg eo brudet Beilhadego\u00f9 Treger dre ar Vro, ha ma reont berzh en holl barrezio\u00f9. Ken liesdoare int ma vez kavet en abadenn peadra da zic’hoanta\u00f1 an holl. Hag ar Pennrener a oar ranna\u00f1 al labour gant poell ha meiz etre izili ar Strollad : da bep hini hervez e demz-spered, e zonezono\u00f9 hag e sevenadur personel. Ur gwir c’hoariva, ya. Gourc’hemenno\u00f9 dezho holl. Dellezek int. <\/p>\n Un taol-esa a zo graet evit sevel un tamm dreist ar folklor etrezek ar gwir lennegezh : ur pezhig-barzhoniezh koant gant klotenno\u00f9, savet gant Fa\u00f1ch Danno, a zo bet displeget war al leur-c’hoari gant J.-P. Bourdonneg. Ur pezh graet mat sur, war ur sujed tener. Un den yaouank en devoa un emgav gant e vuia\u00f1-karet e douster un nozvezh ha\u00f1v, e skeud al loargann, dindan ur wezenn-faou. An dousig a zalee, ar paotr en devoa hirnezh. Krog ‘oa Pierig da gaout disfiz, da vont en dispi, d’ober so\u00f1jo\u00f9 du, da vont en imor fall. Sur ‘oa Janedig da gaout rebecho\u00f9 ! Merion a save en e zivhar\u2026 Met setu trouz he boto\u00f9, hag he skeud war an hent-karr !\u2026 Skubet prim ar so\u00f1jo\u00f9 du hag an imor fall gant ur so\u00f1j a garantez\u2026 Deus war va c’halon, va muia\u00f1-karet ! Selaouet eo bet ar pezh gant gred hag aked, prizet ivez sur, rak bet ez eus stlakadeg daouarn.<\/p>\n Met un draig am eus merzet (edon gant se) : c’hoarzhadenno\u00f9 diflipet, du-ma\u00f1 du-hont er sal, a-enep d’o c’houlz, a ziskouez e oa bet treuzkomprenet gerio\u00f9 re uhel evit ar bobl. Diaes koulskoude displega\u00f1 mennozhio\u00f9 uhel gant gerio\u00f9 boutin-tre. Siwazh ! n’eo ket evit arc’hoazh ar gwir lennegezh vrezhonek. Ret e vije d’ar bobl beza\u00f1 gouest da lenn ar c’helaouenno\u00f9 hag al levrio\u00f9 brezhonek. Ar reo\u00f9 yaouank o deus koulskoude kultur a-walc’h evit ta\u00f1va lennegezh, met, ya, lennegezh c’hallek ! Ar gerio\u00f9 uhel brezhonek a zo dezho evel \u00ab hebraeg \u00bb din-me. Labour a vefe da veur a Varc’harid Gourlaouen, va Doue ! Kentoc’h, ‘m eus aon, ec’h erruo al lennegezh saoz war hor c’hoariva evit hon hini. <\/p>\n Met disadorn d’an noz, tud ar Veilhadeg a voe dinec’h eus ar seurt kudenno\u00f9. Tridal a rae o c’halon gant al levenez. Unanet ‘oant holl gant ar memes mennozhio\u00f9 : ar spered tregeriat hag ar fealded d’o yezh pemdeziek. Hag aze ne oa netra nemet brezhonegerien dre gomz, dinec’h-tre gant kudenno\u00f9 an doare-skriva\u00f1, rak an tri c’hard anezho hag un hanter eus ar c’hard all a vije chomet souezhet-bras o klevout komz eus ar c’hudenno\u00f9-se, on sur. Eur\u00fcs an dud paour a\u2026 ! <\/p>\n Evit kloza\u00f1 va danevell e lavaran da aozerien ar Veilhadeg : trugarez ha bennozh evit an dudi o deus roet d’ar C’houerc’hadiz, ha kenavo da vloaz, mar bez bolontez Doue !<\/p>\n","protected":false},"excerpt":{"rendered":" Strollad Beilhadego\u00f9 Treger a gav er bloaz-ma\u00f1 kalz a ziaesterio\u00f9 war e hent. Kontrolius-tre eo bet ar goa\u00f1v evit aoza\u00f1 beilhadego\u00f9. Ar […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2323","page","type-page","status-publish","hentry"],"acf":[],"yoast_head":"\n