Pevar mennig ‘oa bet er bloaz-se war ar Wennig kozh. Pevar da\u00f1vad bihan, tudo\u00f9 kaezh. Hag er bloaz a-raok he doa c’hoazh savet tri. Ur wech all he doa bet c’hoazh pevar. Erru ‘oa skuizh ar paourkaezh loen. Poan he doa o’n em dreina\u00f1. Alies ‘veze kavet en he gourvez pan errue d’he c’herc’hat d’an abardaez. Na beure ket tra-walc’h da vaga\u00f1 he c’hofad loenedigo\u00f9, ha gwan ‘oa deut da veza\u00f1, poan dezhi geuilh ar saout. Panevet d’un dornad e veze roet dezhi bep beure en he c’hraou, kerc’h pe brenn gant un toullad greunenno\u00f9 holen, e vije soetet pell a oa.<\/p>\n
War-dro an Nedeleg e teuas erc’h, erc’h tev. Ret d’al loened chom en o c’hraou. An da\u00f1vadez kozh eta ‘veze lezet digor warni, dont ha mont a rae en-dro d’ar porzh, ha debri\u00f1 ‘rae tammo\u00f9 plouz ha tammo\u00f9 foenn, ha krignat ur botejenn bennak eus penn ar bern. En he c’hraou n’oule debri\u00f1 netra. Moarvat he devoa tapet riv rak gourven a eure memes war an erc’h. ‘N em gavet ‘oa kla\u00f1v, gwall gla\u00f1v. Klemm a rae. ‘Chome ken ‘n he sav, terzhienn he devoa. Lavaret ‘voe d’ar mezeg-loened dont d’he gwelout. Nebeut a fizia\u00f1s en devoa enni, uzet he c’have. Re a de\u00f1ved bihan he doa bet er bloavezhio\u00f9 tremenet. \u00ab Mar gellit, emeza\u00f1, derc’hel anezhi bev betek ‘vo ar c’houlz dezhi menna\u00f1 ha me ‘gred eo tost, neuze marteze e teuy c’hoazh e-barzh. Kinniget dezhi laezh da eva\u00f1 gant ar poultr da gre\u00f1vaat-ma\u00f1 ez an da rei\u00f1 deoc’h. \u00bb<\/p>\n
Ar mennig paour avat ne selle ket ouzh laezh na poultr an aotro\u00f9 evel-just. Dour avat a eve, dour yen. Met tra na debre. Klask a raen a bep seurt louzaouenno\u00f9, a bep seurt geotenno\u00f9, a bep seurt meuzio\u00f9 da ginnig dezhi, en aner. \u00ab Mervel a raio memes tra, e so\u00f1jen, ma n’eo ket un druez, gant he mennigo\u00f9 bihan. \u00bb Sav-taol e vezen o vont d’he gwelout. Setu un deiz ‘oan o tebri\u00f1 va zamm bara goude lein, un tamm bara-ko\u00f1fitur, ma welis ar Wennig oc’h astenn he fri da c’hwesha va bara hag o kregi\u00f1 da lipat ar c’ho\u00f1fitur. \u00ab A paourkaezh loenig ! emezon, mar deo se a blij dit, dal va zamm bara avat. \u00bb Debri\u00f1 a rae. Ha me d’an ti davit un tamm all dezhi.<\/p>\n
Eizh deiz am boa bevet anezhi gant bara-ko\u00f1fitur ha bannac’ho\u00f9 te foenn sukret, gant kalz a sukr. Hag un nozvezh e tihunis o klevout ur glemmichadenn vihan moan ha gwan. Ha me prim d’ar c’hraou. Ur mennig bihan hanter-skornet edo o’n em zifreta\u00f1 a-dre\u00f1v e vamm. Torchet ha sec’het ha frotet gant un tamm plouz fresk, e teue buhez enna\u00f1. Prest goude unan all ken bihan ha ken fallik all. Daou all goude stank-stank, un tammig kre\u00f1voc’h, un tammig pounneroc’h.<\/p>\n
Un nebeudig a sederae penn ar Wennig kozh ha bekal a rae d’he mennigo\u00f9 ‘n ur lipat anezho eus he gourvez. Soucha\u00f1 ‘rae al loened paour e-touez gloan o mamm da glask tommder. Ha me da glouari\u00f1 ur banne te d’an da\u00f1vadez kozh. Eva\u00f1 ‘rae avat, sec’hed kena\u00f1 he devoa. Al lapoused bihan ivez ‘oa krog da gaout sec’hed rak furchal ha begeliat a raent. Penaos ober ? Ar Wennig kozh na save ket, ‘devoe ket a nerzh, hag he zezh ‘oa evel ur yalc’h vutun c’houllo.<\/p>\n
<\/p>\n
Dre cha\u00f1s am boa ur beg-chug, bet prenet da sevel ur pemoc’h bihan n’en devoa bronn ebet. Tommet ur banne laezh d’ar mennigo\u00f9\u2026 N’edo ket bet diaes deski\u00f1 ar jeu dezho avat, daoust ma n’helle hini diouto chom war e dreidigo\u00f9 nemet ar maoutig. Met me ‘gomz deoc’h eus ul labour a basianted, sevel pevar da\u00f1vad bihan gant ar vured !\u2026 Ne bade ket pell pep beg-chug. Ha va dilhad a veze roget alies gant o ivino\u00f9 bihan lemm evel kizello\u00f9 houarn. Rak krapat a raent ouzhin hag unan, Barlocho\u00f9 bihan, a vije ret barlenni\u00f1 anezha\u00f1. N’oant ket figus avat. Klouka\u00f1 ‘raent forzh petra ‘veze er vured : laezh, soubenn, te, kafe laezh, chokolad, mat ‘oa bepred, gant m’o dijent da sacha\u00f1. Ar vamm ‘oa digoret he c’halon un dro bennak ivez gant kerc’h hag avalo\u00f9 trenk ha geot tener. Bet ‘oa savet un dakennig laezh bennak dezhi.<\/p>\n
Pa veze brav an amzer edon krog d’o c’has da Bark-ar-C’hoad war ar melchon prim. Eno en em blijent, ar reo\u00f9 vihan a rae o abadenn e penn krec’h ar park e skeud un dosenn vein goloet a valan hir. A-dal d’an heol ha goudoret eus tu an avel yen. Eno ‘voe ur baradozig d’am lapousedigo\u00f9. Un deiz pan erruis d’o c’herc’hat d’ar g\u00ear, ne welis nemet daou en o gourvez e gwasked ar balan, Gnell ha Maoutig. Babicho\u00f9 ha Barlocho\u00f9 ‘oa kollet\u2026 Gervel a raen anezho. Hini na zifluke eus nep lec’h\u2026 Ha koulskoude, adalek ma klevent va mouezh ha zoken trouz va boto\u00f9 e tiredent da’m c’haout. \u00ab Be, be, dama\u00f1, dama\u00f1, poupigo\u00f9 pelec’h oc’h aet ? \u00bb En aner o galven.<\/p>\n
\u00ab Va Doue, e so\u00f1jen, chas e renk beza\u00f1 tremenet dre ama\u00f1 ha taget va mennigo\u00f9. Na, memestra !\u2026 \u00bb<\/p>\n
Klasket am boa war-dro : el lanneg, er c’hoad, e park an drilh, e park an trao\u00f1, er park kreiz. Netra na welis. Da\u00f1vad ebet na bev na marv. Ma feiz, emezon, kasomp ar re-ma\u00f1 d’o c’hraou bepred, goude e retornin c’hoazh da glask. Poaniet ha nec’het edon, rak en tu-hont d’ar c’holl am bije keuz d’am biko\u00f9 bihan. ‘N em staget ‘oan outo, kement a boan am boa lakaet d’o sevel. Degas a ris ‘ta ar Wennig d’ar g\u00ear gant Gnell ha Maoutig. Un tamm spi am boa ‘vijent bet deut d’o c’hraou, an daou all. Met nann, n’oa hini er c’hraou. Ha me gant pres da gerc’hat bured al laezh d’an ti, da rei\u00f1 bepred pep a lipadenn d’an daou-ma\u00f1 a-raok mont en-dro da glask ar re all\u2026 Ha petra a welis ?\u2026 Barbocho\u00f9 ha Babicho\u00f9 en o gourvez unan a bep tu d’an tan war an oaled !\u2026 Ruilhet ha faotet ganto al laezh (ar vured ‘oa ‘n ur gastolodennad dour klouar). Ne vern, laouen-bras edon, pa’m boa kavet va loenidigo\u00f9. Moarvat ‘oa savet sec’hed dezho ha deuet d’ar g\u00ear dre-greiz etre ar bizhier er gloued. Me ‘oa aet a-dreuz d’o c’herc’hat ha n’am boa ket kejet ganto. Nebon tri c’hant metr o devoa graet o-unan da retorn. Iskis eo, rak n’eo ket boas ar mennigo\u00f9 da distoka\u00f1 ouzh o mamm. Kreski\u00f1 ‘rae ar pevar mennig ha poent ‘oa gwerzha\u00f1. Trubuilh am boa ha morc’hed zoken. Ma n’eo ket un druez, a so\u00f1jen, rei\u00f1 mennigo\u00f9 ken do\u00f1v ha ken koant d’ar c’higer\u2026<\/p>\n
Deiz Foar Sant-Jord ‘oa aet an hini kenta\u00f1, Maoutig, gant ur c’higer eus Lannuon digaset gant Lukaz vihan, va c’higer. Poan am boe o kuzh ar geuz am boa da’m mennig. Met arabat. An dud a ra fent gant neb a vez re dener e galon e-ke\u00f1ver al loened. Goude d’ar Pantekost e voe bet tro Gnell. Aet ‘oa d’ober friko Pask da di an aotro\u00f9 maer. E vab pennh\u00ear ‘oa oc’h ober e Bask kenta\u00f1\u2026 Ur gleuzenn all adarre ‘n em c’halon gizidik. Chom ‘rae c’hoazh Barlocho\u00f9 ha Barbicho\u00f9 gant ar Wennig. Barlocho\u00f9 n’oa ket bet erru mat gant he mamm kammed. Ne veze lezet da zena\u00f1 nemet pa vezen krog e gar ar Wennig. Hag ar paourkaezh Barlocho\u00f9 e ranken rei\u00f1 laezh dezhi bepred, goude ma voe erru bras mat. Barbicho\u00f9 n’oule ken eus ar vured.<\/p>\n
Lukaz ar c’higer ‘voe deut ar sorc’henn dezha\u00f1 da gaout ivez un tropell de\u00f1ved. Setu ma c’houlennas diganin va div da\u00f1vadez vihan. \u00ab Na werzhin nemet unan, emezon, ar vamm zo erru skuizh. Darbet eo dezhi beza\u00f1 soetet, ret eo din miret unan yaouank. Mat int da zidon brema\u00f1 ha pa’z eo da vont da vaga\u00f1 int, ne ran ket a forzh pehini ez ay ganeoc’h. \u00bb<\/p>\n
Dibabet en doa Barlocho\u00f9, brasoc’h he c’have un tamm. Brema\u00f1, e so\u00f1jen, a lezo ar Wennig kozh anezhi da lipal un dakenn laezh, pa ne vo ket re all war he zro. Keuz am boa adarre. Barlocho\u00f9 bihan ‘oa ken do\u00f1v hag ar Wennig kozh ‘oa bet ken brokus. Met tremenet ‘oa hec’h amzer. Babicho\u00f9 ‘ta eo a chomfe da derc’hel plas he mamm. Al loenig kaezh avat a gave gwell diaes hep ar reo\u00f9 all. Ar peurrest an deiz ne bellae ket ouzhin. Dont ha mont a rae d’am heul ha bounta\u00f1 anezhi en he c’hraou d’an noz n’oa ket bet faro. Evel ul loen pennfollet ‘oa, he daoulagad evel piono\u00f9. An deiz war-lerc’h n’am boe ket gellet ober dezhi mont da heul ar saout. Retorn ‘rae d’ar g\u00ear da vl\u00eajal.<\/p>\n
Da vont am boa da di un amezeg da sikour troc’ha\u00f1 ed. Deuet ‘oa Barbichou da’m heul evel ur c’hi bihan hag ober ‘rae tro ar park da’m heul war-lerc’h an droc’herez. Bugale va amezeg o doa plijadur ganti. Ober ‘rae lammo\u00f9 dreist ar fagodenno\u00f9 kerc’h ha dreist ar seo\u00f9 savadellio\u00f9 evel ul loen sirk. Met dramma\u00f1 ‘rae ivez tammo\u00f9 kerc’h hag ar perc’henn a rae sello\u00f9 du.<\/p>\n
An eil deiz am boa hualet anezhi. Houma\u00f1 n’eo ket ur vuhez, e so\u00f1jen, ret ‘vo deoc’h, dimezell Babicho\u00f9, chom en tu bennak ha peuri\u00f1 da heul ar saout. Met ar paourkaezh Babicho\u00f9 pa’m boa serret ar gloued war ar park a esaas, en desped d’he hual, ober ul lamm war ar c’hleuz ‘vit dont dreist war va lerc’h d’ar g\u00ear. Ar c’hleuz ‘oa uhel ha sonn. Kouezha\u00f1 ‘reas al loen paour, gant ur vl\u00eajadenn drist war lein he c’hein ha chom eno astennet. Digeri\u00f1 a ris ar gloued raktal ha mont d’he sikour da sevel. Kaer am boa beza\u00f1 he dishualet ne rae fi\u00f1v ebet, ne gemere ket un troad : torret ‘voe gwalezenn he c’hein. Paourkaezh Babicho\u00f9, ne van netra d’ober nemet lavaret prim d’ar c’higer. Kemer ‘reas anezhi ur briz izel. Ur pennad goude am boa klevet ‘oa marv ivez Barlocho\u00f9, n’he devoe graet nemet bl\u00eajal ha chom hep peuri\u00f1 tamm, da selaou ha da sellet en-dro dezhi. A-benn ar fin ‘oa marvet gant an dizesper hag ar geuz din-me.<\/p>\n
Ha setu va fevar loenig koant penaos a voe bet o zonkadur.<\/p>\n
[1962 ?]<\/em><\/p>\n <\/em><\/p>\n","protected":false},"excerpt":{"rendered":" Pevar mennig ‘oa bet er bloaz-se war ar Wennig kozh. Pevar da\u00f1vad bihan, tudo\u00f9 kaezh. Hag er bloaz a-raok he doa c’hoazh […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2317","page","type-page","status-publish","hentry"],"acf":[],"yoast_head":"\n