Peder lev, pe dost, d’ur grennardenn nav-dek vloaz d’ober war he zreid. Pebezh c’hwistad hent. Ma feiz, keit-se am boa d’ober da vont da welet Mamm-gozh, mamm va zad, Doue d’o fardono tout. Evel-just n’aen ket va-unan da veaji\u00f1 keit-se ; tad pe mamm a vije ganin, sklaer eo. Un devezh bepred am eus so\u00f1j edomp erru, va zad ha me, un tammig en tu all da vourk Tonkedeg, pa welis un den, ur gwaz ‘kreiz e oad, strujet fall a-walc’h d’am meno, o tont war-zu dimp. Ober a reas ur sell ouzh va zad hag e zremm a sklaeraas gant ur mousc’hoarzhig hegarat. Va zad ivez a seblante e anaout. An den a lakaas e zorn war skoaz va zad hag a l\u00e2ras dezha\u00f1 ur frazennig e galleg ‘n ur starda\u00f1 e zorn gant e zorn all, en un doare da ziskouez joa vras outa\u00f1. Nebeut a gomzo\u00f9 avat, ha distaget fall-kena\u00f1. P’edo tec’het an den, a gontas va zad din e istor.<\/p>\n
\u00ab Hema\u00f1, eme va zad, a zo bouzar, ha mut ‘oa ivez gwechall. Kaset eo bet da skol ar re vut, ha desket zo dezha\u00f1 komz a-walc’h evit ‘n em denn e-unan. Ar pezh a zo kiriek dezha\u00f1 da ziskouez kement a joa, eo dre ma’m boa savetaet e vuhez dezha\u00f1 pa oa bihan. Er bloaz 1880 ‘oa bet esorc’h, ha traonienn al Leger ‘oa ‘vel ur mor kounnaret. Ar ponto\u00f9 ‘oa karzhet hogozik holl gant an dour bras. Gleb-mat ‘oa bet dija an ha\u00f1v. An douar ‘oa leun. Da viz Here, setu daou devezh ha div nozvezh dour o tont, dour-bil hep ehan. An douar na eve ken a zour, ar st\u00eario\u00f9 ‘oa ‘n em gavet leun abred, esorc’het an draonienn, goloet ar prado\u00f9 ‘hed ar rinier. Tapet ‘oa ar milino\u00f9 evel enezenno\u00f9 e-kreiz an dour. Un dismantr ‘voe bet kement-se evit ar glannidi. Mont a rae al loened gant an dour. Ar plouz, ar foenn, ar c’heuneud, ar c’hirri, hag all. Betek, o tra spontus, ur c’havell, hervez a lavare darn, ‘oa bet gwelet o tremen. Pelec’h ‘oa manet ar bugel ? Per Denez, miliner e milin Gervihan en devoa savet e varc’h war ar maen-milin da harz outa\u00f1 da veza\u00f1 beuzet. E milin ar Pont Kozh ‘oa chomet ur vamm gant he bugel nevez-c’hanet e-pad tri deiz hep n’helle den mont war o zro. Pa izelaas un tammig an dour ez eas Yannik Gwilh Fa\u00f1cho\u00f9 war gein e varc’h da gas un tamm boued tomm d’ar vamm ha lienaj sec’h eviti hag he bugelig. Dre c’hras Doue, bev ‘oant chomet o-daou. Eus beg ar rinier da Lannuon, avat, hogozik an holl bonto\u00f9 ‘oa bet skarzhet gant kas an dour. Distroadet ar pilero\u00f9 gant herr ar gwez a deue da skei\u00f1 a-benn enno : ar gwez bet displantet eus bord ar rinier gant kounnar an dour. \u00bb<\/p>\n
Va zad ‘oa naontek vloaz. O chom ‘oa nepell eus ar rinier, ha mont a rae ‘vel-just da welet an esorc’h. E\u00f1 ha kalz a dud all, tud ar bourk dreist-holl. Biskoazh marteze ‘n oa bet kemend-all a dud en-dro d’al Leger, pont Maho, pont Loser, pont Tromorvan, pont Runfao. Tud e-leizh o sellout hag o tespeti\u00f1. Va zad, emeza\u00f1, ‘oa ket ur paotr spontik. Ne rae ket kalz van ouzh dour-bras, difrom-kaer a dostae. Miliner kozh Kergrist, Erwan ar Bihanig, ‘oa war bont Runfao, o tapout kefio\u00f9 koad eus ar rinier hag o sacha\u00f1 anezhe e tu Tonkedeg, o so\u00f1jal ober e damm pourvea\u00f1s danvez-tan diwar-goust an esorc’h. Gervel a reas va zad d’en sikour hag ar mud a yeas ivez d’e heul da greiz ar pont. Ar paotrig-ma\u00f1 ‘oa re yaouank da gompren an da\u00f1jer, ha pa ne gleve netra, ne servije ket huchal dezha\u00f1 tec’hel ac’hane. Anaout mat a rae va zad ha derc’hel ‘rae tost dezha\u00f1. An dour a greske bepred. A-greiz-holl setu ur garm o sevel\u2026 Skarzhet ‘oa ur volz eus ar pont, an hini tu Ploub\u00ear. \u00ab Va Doue, ne chomit ket aze, \u00bb a huche an dud d’an tri-ma\u00f1 ‘oa bepred war greiz ar pont.<\/p>\n
Erwan ar Bihanig avat a rae desped dezha\u00f1 lezel e goad war ar pont. Met ‘oa ket amzer da goll. A-boan da Erwan beza\u00f1 en em zibabet eus a-douez e bennado\u00f9 koad en e gichen ma skarzhas d’he zro ar volz tu Tonkedeg. En dro-se ‘oa savet c’hwen en o loero\u00f9 avat. Ar paotrig o welout ar frailh a grogas ar spont enna\u00f1 hag a begas ouzh va zad, ‘n ur skrifal. Ar merc’hed a grie forzh. Va Doue pebezh gwalleur ! Erwan, daoust dezha\u00f1 da veza\u00f1 kozh, a c’hellas lammat dreist ar frailh. Met va zad ne oa ket ‘vit dispega\u00f1 diouta\u00f1 ar paotrig mut. Ar frailh a greske bepred hag ar spont a greske ivez. Koll a rae e boan oc’h esaea\u00f1 rei\u00f1 da gompren d’ar mud penaos en em gemer ‘vit ‘n em savetaat\u2026 Erfin gant un difretadenn rust a zispegas anezha\u00f1. Prim e krogas gant un dorn e kolier e chupenn, gant un dorn all e fo\u00f1s e vrago\u00f9, hag e la\u00f1sas anezha\u00f1 gant herr dreist ar frailh. Evel-just, tud ‘oa en tu all a-raez evit kregi\u00f1 er paotrig diouzhtu, hanter-vadaouet hag un tammig blo\u00f1set. Va zad yaouank ha ska\u00f1v ‘oa bet nemet ur c’hoari dezha\u00f1 lammat d’e dro dreist an dour. Poent ‘oa avat. Daou vunut goude ne vane netra eus ar pont, nemet tammo\u00f9 pilero\u00f9.<\/p>\n
\u00ab Biskoazh, eme va zad, ‘oa bet ken tost all ar marv din. Kentoc’h ‘vijemp aet hon-daou gant an dour ‘vit am bije lezet ar paotrig da veuzi\u00f1. Furoc’h, e gwirionez, ‘vije bet lezel ar c’hoad da dremen ‘vit ‘n em lakaat er seurt risklo\u00f9. Met pa vezer yaouank\u2026 \u00bb<\/p>\n
Ar mud avat, savet oad dezha\u00f1 a gomprenas en devoa va zad graet un dra gaer en e ge\u00f1ver, ha diskouez ‘rae joa outa\u00f1 bewech m’en gwele.<\/p>\n
[1962 ?]<\/p>\n","protected":false},"excerpt":{"rendered":"
Peder lev, pe dost, d’ur grennardenn nav-dek vloaz d’ober war he zreid. Pebezh c’hwistad hent. Ma feiz, keit-se am boa d’ober da […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2307","page","type-page","status-publish","hentry"],"acf":[],"yoast_head":"\n