Un den kozh sioul hag habask ‘oa Emari (Erwan-Mari) Boubenneg, un den seven, un den a-feson echu ‘vel ma l\u00e2romp ama\u00f1 en Treger. Prest da renta\u00f1 servij d’e ame- zeien dalc’hmat pe da rei\u00f1 dezho un taol-skoaz en kaz a bres-labour. Ne gomze ket kalz, e wreg Jann a rae tout ar gaoz, goulenn ha respont. Emari a gave se gwell vat. Un tavedeg e oa e\u00f1. Na ouie nag A na B. Biskoazh na voe bet kaset d’ar skol. Un tamm galleg sklaer a-walc’h a deue ganta\u00f1 rak tremenet en doa e vuhez e kostez Pariz o labourat ‘n ur gar vras war an hent-houarn. Ha pa voe krog ‘n e ba\u00f1sion ‘oa deut d’e vro da derc’hel un tamm douar bihan. Amezek ‘oa eta dimp hag ivez kama- lad bras d’am zad daoust ma oa kement a gemm etrezo evel etre an noz hag an deiz. Met er giz-se ‘ma\u00f1 ar bed.
\nVa zad ‘voe a-hed e vuhez devot-kena\u00f1 d’e sant paeron : an aotrou sant Erwan. Hogozik bep bloaz ez ae war e droad da bardon Landreger d’an naontek a Vae. Diwezhatoc’h en e gozhni ez ae evel ma c’helle : gant ur mignon en e garr-tan pe dre an tren pe gant an oto-karr. Met diaes a vije e benn avat pa ranke mankout d’e belerinaj sant Erwan. Emari ‘oa ivez filhor da sant Erwan, biskoazh ‘oa bet o par- dona\u00f1 e Landreger avat. Koulskoude dre forzh klevet va zad o komz eus pardon sant Erwan hag o welout anezha\u00f1 o vont bep bloaz setu ma teuas c’hoant d’ar Boubenneg kozh mont ivez ur wech da vihana\u00f1 e pirc’hinaj da sant Erwan Landreger d’an naontek a Vae, deiz ar pardon bras. E\u00fcrus ‘vije bet oc’h ober hent asambles gant va zad a dlee mont er bloaz-se gant un oto-karr. Met Jann, e wreg hag e oa ar vestrez en ti, n’asantas ket gwelet Emari o forani\u00f1 arc’hant da baea\u00f1 kirri, peogwir en devoa e veaj evit netra dre an tren evel implijiad kozh diwar an hent-houarn. Un tamm desped a rae d’an daou vignon met va zad en devoa lakaet miret e blas a-raok ma voe deut so\u00f1j da Emari mont da Landreger. Espera\u00f1s ‘devoa da ‘n em gaout asambles du-hont memes tra, goude ‘oa se tra arvarus a-walc’h, e-touez un engroez a dud evel-se.
\nPa voe erru an deiz, an naontek a Vae ‘ta, ez eas Emari da Blouared da gemer tren Lannuon, hag ac’hane tren bihan Landreger ez ae c’hoazh en-dro d’ar mare. Bis- koazh ne oa bet Emari war ar roud-se, ‘ouie ket pegeit a zo etre Lannuon ha Landreger. Tud all ‘oa c’hoazh er vagon ha sevel a reas un toullad adarre e Ruskad. Na vanke ket a gaoz hag Emari en devoa kavet berr an amzer o klevout an dud o komz eus ar pardon.
\n\u00ab O ! a l\u00e2rent, barrek omp, erru ‘vo an tren a-raok an ofer’n-bred.
\n\u2014 Ha neuze, hiziv bepred a vo brav an amzer. Biskoazh deiz pardon sant Erwan n’eo bet manket ar prosesion da vont er-maez. Na ra kammed glav war pardon sant Erwan. \u00bb
\nPa welas Emari holl dud ar c’hombod o tiskenn, e tiskennas ivez evel-just da heul ar re all. Erru ‘oa en Landreger\u2026 Klevout a rae ar c’hleier o vralla\u00f1 war an ton bras : an drivet son, na petra ? Tud a-leizh an hent o hasta\u00f1, tud gwisket en o c’haera\u00f1 o vont d’ar Pardon. Emari ez ae ivez da heul, pe gentoc’h, na heulie ket, met mont a rae reuta\u00f1 ma c’helle. E oa o vont etrezek e bevar-ugent ivez hag erru un tamm difonn da vale. Tapout a reas bepred ganta\u00f1 beza\u00f1 abred a-walc’h en iliz evit kaout ur gador da azeza\u00f1. Ar pezh ‘oa ur rikour evita\u00f1 rak pell ‘oa padet ar sarmon hag an oferenn war an ton bras, skuizhus-kena\u00f1 ‘vije bet dezha\u00f1 chom keit-all ‘n e sav ‘vel a rank meur a hini en devezhio\u00f9 pardon.
\nGoude an oferenn ez eas Emari d’ober e zevosiono\u00f9 dirak skeudo\u00f9 sant Erwan ha da lakaat e brof er c’hef. Na voe ket e-unan. Neuze e klaskas un ostaliri vihan da zebri\u00f1 un tamm d’e lein, hag e teurvezas da c’houlenn eno da bet eur ‘veze an tren da retorn da Lannuon, rak kement a hast en devoa ken a ankounac’has goulenn en ti-gar. L\u00e2ret ‘oa dezha\u00f1 ‘oa barrek da gaout ar gouspero\u00f9 hag ar prosesion hep ‘n em drechali\u00f1. Setu ez eas Emari d’ober ur valeadenn da c’hortoz. Tud a welas o c’hoari boullo\u00f9 en un alez disheoliet gant gwez siprez, eno e kavas brav azeza\u00f1 da sellet eus ar c’hoarierien ur pennad.
\nHa tremen a reas prim an amzer ganta\u00f1. Ar gouspero\u00f9 ‘oa bet evel-just war don ar c’hrampouezh gwinizh. Na petra ‘ta ?\u2026 Ur prosesion kaer avat. Bugale vihan evel aelez. Merc’hed yaouank gwisket e gwenn o tougen ar bannielo\u00f9. Paotred yaouank, c’hoant dezho da ziskouez o nerzh hag e vije en o bleud pa deue an distera\u00f1 barr- avel da hija\u00f1 o banniel, banniel bras sant Erwan.
\n\u00ab Ya, ya, ur pardon kaer, \u00bb a so\u00f1je Emari. ‘N em ankouazh a reas memes da gana\u00f1 ivez da heul ar prosesion gant e vouezh izel raoulet. E\u00f1 hag en devoa bet biskoazh klevet den ebet anezha\u00f1 o kana\u00f1 er g\u00ear.
\nNa ‘n eus ket e Breizh Na’n eus ket unan Na’n eus ket ur sant Evel sant Erwan.
\nGoude ar prosesion, bennozh ar sakramant. Ur bedenn c’hoazh dirak e sant paeron. Neuze ur chopinad sistr ha tius etrezek ar gar. O ! meur a hini all ‘voe war hent ar gar met na gave ket ar memes tra ‘oa kement-se a dud er pardon. Ne vern, kontant ‘oa bepred. Bet o welout e sant paeron, heuliet an ofiso\u00f9, graet e zevosiono\u00f9, laouen ‘oa e galon ha seder e benn. Un devezh a e\u00fcrusted ‘oa bet evit Emari d’an naontek a Vae. Erru er g\u00ear a-raok noz hep beza\u00f1 re skuizh. Un dra hepken ‘oa manet en e dre\u00f1v d’ober : Janig e wreg he doa l\u00e2ret dezha\u00f1 digas dezhi ur vedalenn eus ar pardon. Met n’en doa ket gwelet Emari stal e\u00f1vorenno\u00f9 ebet, nann avat. O ! un taol kaer, a so\u00f1je, hi, mar kar, a deuy ivez ‘benn bloaz ha marteze a gavo meda- lenno\u00f9, ar merc’hed eo se o afer.
\nJanig avat na devoa ket bet so\u00f1j eus he medalenn pa erruas Emari er g\u00ear. Ar Sadorn e tegouezhe d’an naontek er bloaz-se. An deiz war-lerc’h ar Sul e teuas Emari da ober un dro betek du-ma\u00f1 da glevet penaos ‘oa bet tremenet ar pardon gant va zad.
\nMarteze, a so\u00f1je-e\u00f1, goude tout, ‘n ‘eus ket gallet Erwan mont, rak gwelet am eus daou pe dri eus ar C’hozh-Varc’had koulskoude, dimezell ar Post hag Andrevig ar c’hantonier bepred, ha hini anezho na gejas gant ar paotr Erwan ivez.
\nPa grogas va zad hag Emari gant kaoz ar Pardon avat na gorde ket o c’haoz tamm ebet. Va zad en devoa gwelet kalz muioc’h a drao\u00f9 eget Emari : ur bern alvokaded gant o robenno\u00f9, nouspet eskob ha kardinal ha zoken kannad ar Pab. Diskennet war ar porzh en doa gwelet ivez batimanto\u00f9 saoz deut da gerc’hat avalo\u00f9-douar prim da Landreger. Emari, emeza\u00f1, ‘oa ket bet betek ar porzh. N’oa ket merzet zoken bez meur sant Erwan kizellet ken kaer er marb gwenn. Na bez kozh familh ar sant e bered ar Vinic’hi e-lec’h ma tremen an dud war benno\u00f9 o daoulin gant devosion dindan ar volz-vaen. Na gwelet memes bannielo\u00f9 bras Landreger o saludi\u00f1 bannie- lo\u00f9 ar Vinic’hi e-kichen an nor-dal.
\n\u00ab Biskoazh kemend-all, a l\u00e2re va zad goude, gant ar glaourenneg kozh-ma\u00f1 memes tra hag a l\u00e2r din en deus heuliet an ofiso\u00f9 hag ar prosesion, ha mann en deus gwelet !\u2026 N’edon ket ‘vit kompren. \u00bb
\nAl Lun ar beure avat ‘oa roet dezha\u00f1 da gompren. Andrevig, ar c’hantonier ‘oa o labourat war hent ar pont kozh en deiz-se ha sec’hed dezha\u00f1 ‘micha\u00f1s el Lun ar beure. Setu da goulz addijuni\u00f1 a gavas e du d’erruout betek du-ma\u00f1. Ha savet kaoz Pardon sant Erwan etre va zad hag e\u00f1 raktal.
\n\u00ab Na oa ket dicha\u00f1set dimp ‘n em welout e Landreger disadorn, a l\u00e2ras va zad de- zha\u00f1.
\n\u2014\tNe voen ket bet e Landreger, eme Andrevig.
\n\u2014\tDamen avat, eme va zad, ar Boubenneg kozh a l\u00e2re din dec’h en devoa gwelet ac’hanout ha bet memes o eva\u00f1 ur chopinad ganit.
\n\u2014\tHa\u00f1 ya ! e Louaneg, emeza\u00f1, me am eus tud eno hag a ya bep bloaz d’ar pardon, er memes deiz e vez ‘vel ouzoc’h gant pardon Landreger.
\n\u2014\tMa ! n’eo ket hep mar ne gorde ket hon c’haoz avat dec’h, brema\u00f1 a gomprenan. \u00bb
\nAr paourkaezh Emari ‘oa bet e Louaneg oc’h ober e pirc’hirinaj Landreger !\u2026 An inta\u00f1sion a ra tout neketa, ‘met da rei\u00f1 kerc’h d’ar c’hezeg ha da lakaat kig er sou- benn ! ‘vel a l\u00e2r Tregeriz.<\/p>\n
[1962 ?]<\/p>\n","protected":false},"excerpt":{"rendered":"
Un den kozh sioul hag habask ‘oa Emari (Erwan-Mari) Boubenneg, un den seven, un den a-feson echu ‘vel ma l\u00e2romp ama\u00f1 en […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2305","page","type-page","status-publish","hentry"],"acf":[],"yoast_head":"\n