Un nozvezh a viz C’hwevrer, un nozvezh te\u00f1val ha yen. Echu al labour en-dro d’al loened. Bodet en-dro dezhi he bugale e-tal an oaled o tomma\u00f1, Mamm-gozh ‘oa ankeniet bras. Va zad-kozh ‘oa aet da gas keuneud da Lannuon, ur c’hant fagod nevez-divarret. Un tamm glizhenn fall ‘oa deut d’ober hag abred ‘oa kouezhet an noz. Ne vez ket hir c’hoazh an deiz e dero\u00f9 miz C’hwevrer. Te\u00f1val ‘oa brema\u00f1 evel ‘n ur sac’h ha Tad-kozh n’errue ket er g\u00ear. Nec’het spontus ‘oa e diegezh, gwreg ha bugale. Rak va zad-kozh ‘oa un den renket-mat mar boa unan, kammed na sac’he da dreina\u00f1 hento\u00f9 nag ostalirio\u00f9, ha l\u00e2ret en devoa beza\u00f1 distro a-benn serr-noz. Dre hent Bulien ez ae da Lannuon gant e garg, bravoc’h hent a oa. Da retorn en goullo e teue dre Bloub\u00ear, berroc’hik ‘oa met a ranke treuzi\u00f1 ar st\u00ear Leger dre ur pont moan ha hep bardell ebet : un andred risklus ‘ta, pa vije te\u00f1val dreist-holl.<\/p>\n
Noz pell a oa ha Tad-kozh n’errue ket er g\u00ear\u2026 Mont e rae ar vugale vrasa\u00f1 da benn an alez da selaou hag-e\u00f1 a glevjent trouz ar c’harr war an hent bras ; retorn ‘raent d’an ti ha mont adarre. Echu ‘oa al labour en-dro d’al loened, prest koan pell a oa. Boas ‘oa an tiegezh da c’hortoz ar mestr da zebri\u00f1 koan, met en noz-se aner ‘oe gortoz\u2026 Den na devoe kalz naon e gwirionez, re a drubuilh ‘oa en ti rak Mamm-gozh a l\u00e2re ‘voe sur erruet ur gwalleur\u2026 Ar vugale vihana\u00f1 ‘voe lakaet da gousket, ar re vrasa\u00f1 a chome sioul en-dro d’o mamm azezet e korn an oaled dirak un tantad mat a skilho\u00f9 derv sec’h.<\/p>\n
Setu a-greiz-holl : un drouz spontus\u2026 Un drouz kalz fromusoc’h eget ar c’hurun !\u2026 Un drouz ha na ouient ket petra ‘oa\u2026 na zoken eus a belec’h e teue. Mantret ha semplet ‘oant holl, mamm ha bugale. Hag an drouz spouronus a dostae bepred dezho : ‘vel o tiskenn pazenn-ha-pazenn gant ar vi\u00f1s adalek ar c’hrignol betek ar pondalez izela\u00f1, e-lec’h ma reas d’an nor storlokat ha krena\u00f1\u2026 Ha mui netra. Ur \u00ab seblant \u00bb sur-mat e voe eus ur gwalleur. Aet ‘oa va zad-kozh war e benn er rinier, karr ha tenn.<\/p>\n
\u00ab Ma Doue, bugale, eme Mamm-gozh, pedomp. Beuzet eo ho tad, nemet ur mirakl ‘vefe graet en e andred.
\n\u2014 Aotro\u00f9 Sant Erwan vinniget, ho pet truez ouzhimp !
\n\u2014 Hon tad pehini zo en ne\u00f1v\u2026
\n\u2014 De Profundis\u2026 \u00bb<\/p>\n
An daou vihana\u00f1, dihunet gant ar spont a c’harme ‘n o c’havell. Mamm-gozh, daoulinet war an oaled, a savas da vont war o zro. Setu ma voe klevet adarre un drouz all ! ‘Vel trouz ur c’harr ? Kenta\u00f1 so\u00f1j e teuas e spered va mamm-gozh : \u00ab Karr an Ankou, emezi ! O va Doue !\u2026 \u00bb, sempli\u00f1 a rae. Met unan eus ar vugale, tanav e skouarn moarvat, ‘oa aet da doull an nor hag a l\u00e2ras gant ur vouezh laouen : \u00ab Erru eo tata ! Me ‘glev anezha\u00f1 o k\u00f4zeal eus ar c’hezeg e penn all d’an alez ! \u00bb Ha gwir e oa, erru ‘voent holl er g\u00ear, yac’h ha divac’hagn, dre c’hras Doue. Pebezh joa en ti ! Hastet ‘oa mont gant al letern d’ar porzh da skl\u00earijenni\u00f1 dezha\u00f1 da disternia\u00f1 ar c’hezeg ha d’o c’hlenka\u00f1.<\/p>\n
\u00ab Petra ‘ta, Jamai, zo bet erruet, eme Mamm-gozh, mar gout ken diwezhat all ? Ni hon deus bet spont ha trubuilh, va Doue !
\n\u2014 Feiz sur, eme Tad-kozh, mann ebet koulz l\u00e2ret. ‘Met am eus bet ur gorvetenn vat gant va c’heuneud sur, hag a-benn bloaz n’eo ket me a gaso keuneud d’an ti-se pa l\u00e2ran. So\u00f1j dit Visanta, am eus ranket tremen va c’hant fagodenn, hini da hini, dre un trepas bihan e-kreiz an ti, d’o c’has d’un doare pezh bihan, bihan ‘vel ur c’hlud yer, hag ober ar bern va-unan. An dud kozh-se n’eus hini anezho gouest da fi\u00f1val ur fagodenn. Ouzhpenn un eur am eus kollet gant se, kaer am boa hasta\u00f1. \u00bb<\/p>\n
Neuze a gontas Mamm-gozh d’he fried petore trouz spontus ‘oa bet en ti ken voe darbet dezho tout beza\u00f1 bet trelatet gant ar spouron. Tad-kozh ne grede ket kaer er seblanto\u00f9 nag en trao\u00f9 noz, met gwelet ‘rae pegen strafuilhet e oant holl, mamm ha bugale. Setu ‘vit klask o dizoania\u00f1 a bignas raktal gant e letern betek ar solier da welet ha kaout a raje ar penn-kaoz eus an drouz espar-se. Kerkent hag e tigoras dor ar vi\u00f1s e welas eno ur pikol pennad bilh goad ront, war ar pondalez, unan eus an daou danvez moello\u00f9-karr en devoa lakaet da sec’ha\u00f1 war riz-moger ar solier. Petra ‘voe erruet ? Moarvat ar c’hazh o logota er solier en devoe graet d’an tamm tilh-se eilpenni\u00f1 ha kouezha\u00f1 er vi\u00f1s, hag evel ma voe ront evel ur voull e deue a-ruilh d’an trao\u00f1 gant ar vi\u00f1s pazenn-ha-pazenn betek ar pondalez e-lec’h ‘oa bet skoilhet gant an nor. Un drouz spontus a rae ha didammet ‘oa memes bord ar pazenno\u00f9 ganta\u00f1 o kouezha\u00f1 gant herr diwar ar riz-moger. Pa voe gouve’et petra ‘oa bet kiriek d’an drouz e voe disammet spered an holl. Met kredabl eo penaos ‘oa lec’h da gemer an drouz espar-se evit ur \u00ab seblant \u00bb dreist-holl gant tud nec’het ha trubuilhet.<\/p>\n
[1962 ?]<\/em><\/p>\n","protected":false},"excerpt":{"rendered":" Un nozvezh a viz C’hwevrer, un nozvezh te\u00f1val ha yen. Echu al labour en-dro d’al loened. Bodet en-dro dezhi he bugale e-tal […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2303","page","type-page","status-publish","hentry"],"acf":[],"yoast_head":"\n