Dibret ‘oa o marc’h gant an div verc’hig da vont da foar Vikael. Mall bras ganto o welet an deiz-se o tostaat. Prometet ‘devoa o mamm pep a \u00ab baiplu \u00bb nevez dezho a-benn ar goa\u00f1v da vont d’ar skol. Un tamm dilhad ‘devoa ezhomm ivez ha pep a c’halocho\u00f9. Ret ‘vije ‘ ta mont da Lannuon gant ar merc’hed, un tamm brav a hent avat, met d’ar c’houlz-se ‘oa mat an dud war o zreid. Un amezegez da Mamm-gozh a dlee mont ivez gant he merc’h Lizig d’ober ar memes ampledo\u00f9. Setu ma rejont hent asambles an div vamm hag an teir verc’h.
\nPa ‘devoa graet o c’ho\u00f1verso\u00f9, prenet pep a \u00ab baiplu \u00bb d’ar re vihan, pep a voto\u00f9 l\u00ear pla\u00f1chodet, ha graet ur sell eus priz al loened war ar Foarlac’h ‘voent aet da debri\u00f1 un tamm soub ‘n un ostaliri vihan e ru Landreger, bara hag amanenn ‘oa aet ganto eus ar g\u00ear. Mamm-gozh ‘devoa paeet ar soub hag eben ar c’hafe da lonka\u00f1 o bara. Neuze ‘voent prest da retorn, met an teir vihan a faote dezho chom da sellet eus ar stalio\u00f9 ha diskenn war ar c’hae da welet ar \u00ab c’hurioziteo\u00f9 \u00bb. Fra\u00f1soazig, an hini a dlee beza\u00f1 diwezhatoc’h va mamm, hag he c’hoar Janig ‘voe ar wech kenta\u00f1 dezho da vont da Lannuon, met Lizig ‘oa bet meur a wech gant he mamm hag a ouie an doareo\u00f9 e k\u00ear.
\nSetu ma l\u00e2ras ar mammo\u00f9 a-benn ar fin : ar re-ma\u00f1 zo barrek da ‘n em denn e k\u00ear o-zeir, deomp d’ar g\u00ear ha lezomp anezho da sellet eus an trao\u00f9 ur pennad. Kaout a-walc’h a raint hent ar g\u00ear ha beza\u00f1 zo ama\u00f1 ur bern tud eus Tonkedeg. Dont a raint da heul tud eus o anaoudegezh. Bon, hag ar mammo\u00f9 d’ar g\u00ear, lorc’h er merc’hed moarvat pa ‘devoa bet aotre da chom da vale plasenno\u00f9 Lannuon hag ouzhpenn arc’hant en o godello\u00f9, pep a dri gwenneg. Se ‘oa ur fortun : unan ‘vit prena\u00f1 ur bara bihan a-raok dont d’ar g\u00ear, unan da brena\u00f1 per da derri\u00f1 o sec’hed hag unan all da brena\u00f1 krao\u00f1-poullig.
\nAr re-ma\u00f1 ‘oa teir ga\u00f1fantenn gant o \u00ab farapluio\u00f9 \u00bb nevez hag o brid war o moue moarvat !\u2026 Hola ! Ya, met gant ar bres da sellet eus an trao\u00f9 iskis-se tout na wele ket hon merc’hed an heol o tiskenn en dremmwel, ha kouezha\u00f1 ‘ra buan an noz koulskoude a benn gouel-Vikael. Ken a weljont paotred ar stalio\u00f9 o paka\u00f1 o marc’hadourezh hag an dud o tanavaat war ar plasenno\u00f9, neuze e teuas ar so\u00f1j dezho da glask ivez hent ar g\u00ear.
\nMet pell ‘devoa d’ober, ur c’hwistad hent, da deir grennardenn, unnek, daouzek, trizek vloaz, eo teir lev pe teir lev-hanter kentoc’h. Hag o divharigo\u00f9 ‘oa dija skuizh o tompial e-pad an deiz en o sav en-dro d’ar plasenno\u00f9. A-benn ‘voent erru e Bulien ‘oa aet an heol da guzh. Na voe c’hoazh se nemet ul lev, hag erru divi ar merc’hed. Eva\u00f1 ‘rejont gant palv o dorn pep a vannac’h dour eus feunteun Santez-Marc’harid hag azeza\u00f1 ur momedig da ziskuizha\u00f1 war vaen ar feunteun. Hag adarre en hent ‘n ur ober o zammig kaoz hag en ur flourika\u00f1 gant o dornig o farapluio\u00f9 nevez\u2026 Pebezh te\u00f1zor burzhudus ! gwasha\u00f1 tra ‘oa evite : na rae takenn c’hlav ebet en deiz-se, digarez ebet da digeri\u00f1 ar \u00ab paiplu \u00bb\u2026 Digoret ‘vijent memes tra ha lakaet ‘n o sav kichen-ha-kichen da vuzulia\u00f1 o ment. Ne oa kemm all ebet etrezo nemet liv an dorn kamm : unan gell, unan glas hag unan liv ludu, ar reo\u00f9 du ne oant mat ‘met ‘vit an dud kozh !\u2026
\nOber ‘rae hon merc’hed krogado\u00f9 redek, rak erru ‘voe un tamm morc’hed dezho. Tremen ‘rae c’hoazh ur wetur bennak a-biou dezho war an hent, tud hag a anave- zent zoken, ha bet ‘vijent douget ivez sur a-walc’h ma na vije nemet unan, met teir asambles, se ‘oa un afer all. A-benn ‘oant erru e Kroaz-al-Loa-Pella\u00f1 ‘oa a\u00f1je- luz Tonkedeg o son. Daoulina\u00f1 ‘rejont o-zeir war sichenn ar groaz da l\u00e2ret ur beden- nig, tost-tost an dour da zont en o daoulagad. Seizh kardlev ‘oant c’hoazh eus ar g\u00ear ha skuizh-divi. Noz du-dall ‘oa a-benn ‘oant erru e Kroaz-al-Loa nesa\u00f1 ! Hag ar Wernieg da dremen, ma Doue ! ul lec’h gwall vrudet, dreist-holl en nozvezhio\u00f9 foar, eno ‘vije laeron kroashent evel ma veze l\u00e2ret outo. Redek ‘rae hon merc’hed herra\u00f1 ma c’hellent o tremen an andred-se. Ha pemp kardlev d’ober c’hoazh en noz te\u00f1val\u2026 Ha trouz da glevout gant o zud, se zo sklaer.
\nMet mar boa nec’het an teir vihan, o zud er g\u00ear ‘oa nec’hetoc’h c’hoazh, ar mammo\u00f9 na badent ket gant an drubuilh. Mont ‘rae an eil da di eben da welet hag erru ‘vije hini pe hini. An tado\u00f9 a rae trouz : ret ‘voe, emeze, beza\u00f1 sot ! Lezel bugale o-unan keit-se eus ar g\u00ear gant devezhio\u00f9 evel-se ? Ober ‘rae o zud a bep seurt so\u00f1jo\u00f9. Marteze int ‘n em gollet ? Kemeret un hent kontrol ? Pe tapet gant ul loen pennfollet pe ur wetur ? Pe c’hoazh laeret gant ar Jipsianed, pe furlukined, pe paotred ar \u00ab C’hiviziteo\u00f9 \u00bb, ‘vel ‘vez l\u00e2ret en Treger.
\nKaset ‘voe ‘benn ar fin o breudeur, unan eus pep ti, paotred yaouank dispont da glask o c’hoarezed vihan. Erruout ‘rejont a-benn ganto en tu all d’ar bourc’h e- ke\u00f1ver krec’h Santez-Katell.
\n\u00ab Pelec’h ar foeltr\u2026 eme ar baotred, ‘oa chomet an teir gaouenn-ma\u00f1 ? Sed ama\u00f1 eurio\u00f9 da deir grennardenn da foeta\u00f1 hento\u00f9 ! An drubuilh hoc’h eus-c’hwi graet dimp tout ! Memes tra !\u2026 Brema\u00f1 souden e klevfet ur sarmon person kanton gant ho mammo\u00f9, kozh klinkenno\u00f9. \u00bb
\nHon merc’hed avat a ouele druz, daoust ma oant ko\u00f1fortet gant o breudeur d’o heul. Kement a hast ‘oa da zigas ar c’helo\u00f9 d’ar g\u00ear penaos ‘oa kavet ar vugale, ken ‘voe deut unan anezho, ar paotr Yann hag a oa ska\u00f1v ‘vel ur gwi\u00f1ver, d’ar red d’ar g\u00ear a- raok ar re all abalamour da dinec’ha\u00f1 o zud bepred. Met e-lec’h fest ar vazh e oant e gortoz eo soub krampouezh tomm e korn an oaled eo ‘voe bet degemer ar merc’hed bihan, ha daero\u00f9 o mamm ‘voe bet brasoc’h kastiz evito eget bazhado\u00f9.
\nMamm en he c’hozhni he deus kontet din an dro alies, rak me ‘lavar deoc’h he devoa dalc’het so\u00f1j eus he \u00ab faiplu \u00bb kenta\u00f1.\t[1962 ?]<\/p>\n","protected":false},"excerpt":{"rendered":"
Dibret ‘oa o marc’h gant an div verc’hig da vont da foar Vikael. Mall bras ganto o welet an deiz-se o tostaat. […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2301","page","type-page","status-publish","hentry"],"acf":[],"yoast_head":"\n