An naontekvet kantved, da vihana\u00f1 en hor Breizh-Izel, ‘oa bet hervez va zud kant- ved ar beorien. Tud ar maezio\u00f9 o devoe mil boan o veva\u00f1 : marc’had-mat lous an trao\u00f9 a dennent eus an douar hag al loened, sikour ebet ‘vit an dud kozh nag ar vugale nag ar re gla\u00f1v. Ne voe ket difennet al labourer-douar tamm ebet. Ha setu pa gouezhe war an dud cha\u00f1s fall, gwall reuzio\u00f9, kle\u00f1ved bloavezhio\u00f9 fall ‘vit an trevado\u00f9, a yae ar stal da stalig abred hag ar stalig da netra. Remed all ebet ‘met mont da glask bara. E-leizh a beorien a rede ar maezio\u00f9 bemdez. Tud a bep oad, tud kozh, bugale, tud mac’hagnet, mammo\u00f9 gant babigo\u00f9 zoken. Paourkaezh tud hep na ti nag aez kalz anezho, o loja\u00f1 eus an eil kraou d’egile, eus an eil solier d’eben.
\nE ti va mamm-gozh hervez ‘oa rekis loja\u00f1 ur paour bennak hogozik bemnoz. En un atant eus ar re vrasa\u00f1 giz Bro-Dreger, er Genkis Vras e parrez ar C’hozh-Varc’had ‘voe ganet ha savet va mamm-gozh betek an oad a eizh vloaz warn-ugent. Ar yaouanka\u00f1 ‘oa hi eus a seizh bugel : tri baotr ha peder blac’h. O zud ‘voe marvet abred, ar c’hosha\u00f1 en devoa c’hwezek vloaz ha mamm-gozh en devoa seizh vloaz pa varvas an diwezha\u00f1 eus o zud. Nec’het bras, hervez, ‘oa bet ar familh gant an emzivaded-ma\u00f1. Petra ober ? ‘Voent nemet bugale koulz l\u00e2ret. Gwerzha\u00f1 ar stal ha kemer hini ama\u00f1 hini ahont e-touez ar gerent ? Evel-se ‘voe divizet ober. Pep a blas ‘devoa kavet tout nemet mamm-gozh, an hini vihan seizh vloaz. Ha setu erfin ‘voent bet lezet da derc’hel o feurm, hag a oa ar gwir anezha\u00f1 d’o zud (mado\u00f9 gwir ha font ‘vije kalz gwechall) dindan beli o c’hulator ha gwarez ur c’hoar d’o zad o chom tostik a-walc’h d’ar Genkiz. Hounnezh a servije da vamm d’ar re vihana\u00f1. Ur penn-menaj c’hwezek vloaz gant c’hwec’h all yaouankoc’h !\u2026
\nMoarvat ‘oa ur menaj tomm o hini. Bepred chomet ‘voent bet fur atav o-seizh hag o zi ‘oa chomet ivez degemerus d’ar beorien evel e bev o zud. Ur bloaz hag hanter-kant n’en devoe ken va zad-ku\u00f1v pa voe marvet, ha daou ha hanter-kant bugel, hervez Mamm, en devoa bet dalc’het eus vadez ; bugale peorien ‘vit al lodenn vrasa\u00f1. Ne voe ket ‘ta damantus d’e yalc’h.
\nDont a rae ‘ta stank ar glaskerien-vara d’ar Genkiz Vras, eus ar re yaouank e vezer hardizh ha seul vui ma roent, seul vui a druanterien a deue d’an ti. Hag evit lakaat ar reo\u00f9-yaouank-ma\u00f1 war o zu mat ha kaout gwelloc’h aluzen, darn eus ar beorien- se a ouie lakaat anezho da c’hoarzhin gant fentigello\u00f9.
\nAr peurliesa\u00f1 ‘veze bara gant ar beorien e-barzh ‘n o bisac’h, bara bet en aluzen e-pad an deiz, p’erruent da goulz koan da glask loja\u00f1 ‘ta ‘vije roet dezho ur sku- dell pri da drailha\u00f1 o zammo\u00f9 bara ha trempet dezho gant soubenn domm, da viha- na\u00f1 er goa\u00f1v. E-kerzh an ha\u00f1v ‘veze graet alies yod ed-du da goan, ha neuze pa veze brav an amzer e tebre an dud o c’hoan er-maez, en-dro d’ar gaoter vras, pep hini ganta\u00f1 e skudellad laezh trenk hag e loa goad. An holl a debre eus ar gaoter nemet dre soursi eus ar yec’hed an dremenidi dianav hag ar beorien a veze lezet o lod ganto da debri\u00f1 goude tud an ti.
\nUr wech evel-se ‘voe ur paour kozh, Jako\u00f9, o koania\u00f1 er Genkiz ha manet ‘oa ul lod frank a yod ganta\u00f1 er gaoter hag ur skudellad vat a laezh trenk ‘voe roet ivez de- zha\u00f1. Lakaat ‘reas e laezh war un tamm mogergleu\u00f1 izel ‘oa ‘n un tu d’al leur a-us d’an hent pellik a-walc’h eus ar gaoter. Hag a deue da dapout ul loaiad yod d’ar gaoter hag ez ae da drempa\u00f1 e yod ‘n e skudell hag a retorne adarre d’ar gaoter. Derc’hel ‘rae da donemonea evel-se. Ar re yaouank-ma\u00f1 eveljust o devoe plijadur o welout Jako\u00f9 o vont eus an eil be\u00f1sel d’egile.
\n\u00ab Pell avat, e l\u00e2rent da Jako\u00f9, hoc’h eus kaset ho laezh eus ho yod avat Jako\u00f9 !\u2026
\n\u2014\tO, eme Jako\u00f9, ‘n em gaout a raint, ‘n em gaout a raint !\u2026 \u00bb Fent ha plijadur d’ar reo\u00f9 yaouank a gave Jako\u00f9 sot-mat. ‘Voe ket re sot Jako\u00f9 koulskoude, rak pedet ‘oa da retorn adarre da loja\u00f1 pa dicha\u00f1sfe dezha\u00f1 dont war eno\u2026 \u00ab O ‘n em gaout a rin, \u00bb eme Jako\u00f9.
\nUr wech all ‘voe erruet daou gozh, daou bried : Katig ha Matig. Dall e oe an ozhac’h kozh, e wreg a rene anezha\u00f1. Tenerus, hervez, ‘oa gwelet pegen hegarat ‘voe an daou bried kozh an eil e-ke\u00f1ver egile, hag-e\u00f1 pegen kalet oa o buhez a glaskerien- vara, o loja\u00f1 eus an eil kraou d’egile pe eus an eil solier d’eben, gourvezet e-touez ar plouz pe ar foenn ha paket ‘n eur gozh vallin bennak. An tiad tud yaouank-ma\u00f1 a gave tra iskis ar garantez dener-se etre an daou baour kozh evel pa vije ar garan- tez tra ispisial d’an dud yaouank. E-pad an ha\u00f1v tomm e chome an dud ur penna- dig da didana\u00f1 o gwad, poazhet gant an heol berv a-hed an deiz e-kreiz ar parko\u00f9. Azeza\u00f1 ‘raent ‘ta war ar vogergleu\u00f1 izel e skeud un ivinenn gozh e korn al leur da gemer an aer-noz kent mont da gousket. An daou baour kozh-ma\u00f1 ‘oa azezet ivez nepell eus tud an ti. Kanet en devoa an dall kozh ur sonig bennak ha goude e chomas sioul evel ma teree da lezel tud an ti d’ober o c’haoz, e wreg ‘oa azezet ivez damdostik dezha\u00f1. Ha setu ma veze klevet a-greiz-tout an dall kozh o c’har- mi\u00f1 gant ur vouezh ankeniet un nebeud :
\n\u00ab Katig ?\u2026 Katig ?\u2026
\n\u2014\tPetra zo ta Matig ? eme ar vaouez kozh ken hegarat.
\n\u2014\tO ! Mann ebet avat ! ‘Met a ra vad da’m c’halon klevet da vouezh, Katig. \u00bb N’helle ket karout e bried kozh gant e zaoulagad, peogwir ‘oa dall, met he mouezh dre hent an divskouarn a dassone en e galon, ‘vel ul levenez dispar.
\nDa hanter-kant vloaz goude e konte Mamm-gozh se d’he bugale gant teneridigezh.<\/p>\n
[1962 ?]<\/p>\n","protected":false},"excerpt":{"rendered":"
An naontekvet kantved, da vihana\u00f1 en hor Breizh-Izel, ‘oa bet hervez va zud kant- ved ar beorien. Tud ar maezio\u00f9 o devoe […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2299","page","type-page","status-publish","hentry"],"acf":[],"yoast_head":"\n