Brema\u00f1 ez eus war-dro tregont vloaz bennak e veve e-kichen du-ma\u00f1 un inta\u00f1vez yaouank gant he c’hwec’h bugel ‘n un tamm menaj bihan.
\nHe fried a yae war an \u00ab trimard \u00bb da c’hounit gwerzh ar \u00ab gouel-mikael \u00bb hag ur gwenneg bennak ouzhpenn da sikour beva\u00f1 rak ne oa ket druz ar peuri\u00f1 gant ar gouerien d’ar mare-se hag ar \u00ab familiale \u00bb ‘oa ger ebet outi : un tamm sikour a netra adalek an drivet bugel hepken.
\nMarvet ‘oa bet an tad du-se er broio\u00f9 krec’h n’ouzon ket kaer penaos, ha chomet ar vamm gant pemp bugel bihan ha kelo\u00f9 ar c’hwec’hvet. Paour-du\u2026 ha mantrus o stad e gwirionez. Kerent hag amezeien a sikoure an inta\u00f1vez da labourat he zamm douar dre druez eus ar vugale, nemet ne vije ket druz ar soubenn bemde.
\nUnan eus ar baotred vihan ‘oa sot-nay gant kig-sall\u2026 Siwazh ! Ar meuz-se ne vije ket alies. Bepred e benn ‘vije dalc’hmat gant kig-sall\u2026 Pa yae ar vamm d’ober he zroio\u00f9, an daou vrasa\u00f1 a fiche lein: un toullad patatez, un tamm holen hag ur banne dour d’o foazha\u00f1, e\u00fcrus pa vije ur banne laezh-trenk d’o debri\u00f1.
\nUn devezh e teuas ar so\u00f1j d’ar paotr lakat kig-sall gant ar patatez evel ma ‘n devoa gwelet e tier all ivez. Hag e\u00f1 da ranna\u00f1 ur veterabezenn wenn ha da droc’ha\u00f1 un dailhenn dres evel un tamm kig-sall, ha dao ! hag er gastelodenn ha tan dindan ken a foeltre. N’on ket gouest da l\u00e2ret deoc’h pe blaz ‘oa war ar friko avat ! Nemet miret o devoa ar vugale he lod d’o mamm e kouign al ludu a-benn ma retornje.
\nUr wech all ‘oa aet ar vamm d’ar foar gant he buoc’h hag aet ar verc’h hena\u00f1 ganti da douch war al loen, ar baotred krog a-benn neuze da vont d’ar skol ‘oa graet dezhe chom er g\u00ear da eveshaat war-dro ar re vihana\u00f1, ken ma vijent lakaet d’ober o zamm kousk da greisteiz. An daou ga\u00f1fard, o brid gante war o moue, a deuas ar so\u00f1j dezhe da lakaat kig-sall ha \u00ab dipouilho \u00bb (evel ma vez l\u00e2ret er c’horn-bro-ma\u00f1) a-istribilh deus an ti evel ma ‘oa ar c’hiz. Hag int da droc’ha\u00f1 mouded war ar bla- sennig meinek zo e-kreiz ar vilajenn, ha da salla\u00f1 an\u00ea gant traezh, daou damm hir staget gant fisel deus div vazh ha gwintet gant mil boan, diwar an daol, a-istribilh deus krec’h an ti, an tammo\u00f9 \u00ab dipouilho \u00bb un tamm ama\u00f1 un tamm ahont ‘lec’h ma kavent tach pe boentenn. Ha c’hwezet d’ar baotred kig-sall eus an ti ‘vel ar mena- jo\u00f9 mat moarvat !
\nGoude kreisteiz ‘oa aet ar c’hwilien d’ar skol, pa oa kousket ar re vihan. Dambrest e erruas ar vamm hag ar verc’h er g\u00ear, graet foar gante. Pa weljont al lastez graet e-pad ar beure !
\n\u00ab Biskoazh bugale ken sot all n’am eus gwelet memes tra ! \u00bb eme Vari. Hag ar c’hig er-maez buan, a c’hellit kredi\u00f1, bete-go\u00fbt ‘vije erruet ur c’hristen bennak en ti da welet an tammo\u00f9 kroc’hen-douar-se e-pign. Nemet ne gomprene ket c’hoazh kaer ar \u00ab jeu \u00bb. Achu ar skol ha Fa\u00f1chig da redek d’ar g\u00ear, hast dezha\u00f1 da welet e gig. Met pa welas e labour tanfoeltret, hag e\u00f1 da grial forzh\u2026
\n\u00ab Pelec’h ema\u00f1 ma c’hig ? Pelec’h ema\u00f1 ma c’hig ?
\n\u2014\tPetra ? Kig a l\u00e2ran-me ivez ! Graet ez peus ul lastez ama\u00f1 gant ar mouded-se, mic’hieg ! Ha sell ur so\u00f1j sot all adarre deuet d’ar re-ma\u00f1.
\n\u2014\tO mamm ! Ma c’hig ! Nimp ‘m ‘a bet poan o troc’ha\u00f1 re-seo\u00f9 ken brav hag o salla\u00f1 anezhe ! \u00bb Hag ar paotr da ouela\u00f1 dourek d’e gig-sall.
\nAbred ‘oa kroget sorc’henn ar c’hig-sall e Fa\u00f1chig, ret eo l\u00e2ret. Pa oa bihan, e vamm a gasas anezha\u00f1 da welet ar Mabig Jezuz. \u00ab Oh ! B\u00eako\u00f9 bihan ! \u00bb a l\u00e2ras d’e vamm kerkent ha ma welas an de\u00f1ved bihan ‘tal ar c’hraouig. E vamm a eure sin dezha\u00f1 da rei\u00f1 peoc’h ‘tro-pad ma l\u00e2re he fedenn dirak ar Mabig Jezuz.
\nFa\u00f1chig avat a selle en-dro dezha\u00f1 ha pa oant deuet er-maez e l\u00e2ras d’e vamm :
\n\u00ab Paour eo ar Mabig Jezuz ! ‘N ‘eus boto\u00f9 ebet na tamm kig-sall ebet eus an ti, koulskoude eo ur pezh ti ! \u00bb
\nDa daouzek vloaz e kuitaas ar skol, rak ezhomm bras ‘oa da disamma\u00f1 diwar an dorzh vara. Ha setu Fa\u00f1chig en-dro da glask labour, da vevel bihan, e vreur hag e\u00f1. Arruet ‘oant e-barzh ur feurm bras ‘lec’h ne vanke ket a gig-sall bepred. Pevar gostez ‘oa deus an ti div vazhad anduilh hag ur stal \u00ab dipouilho \u00bb a vije laket da sec’ha\u00f1 a-istribilh deus an treusto\u00f9 d’ar mare-se (brema\u00f1 e v\u00eant laosket er pod e- barzh ‘n o hili). Fa\u00f1chig a selle druz deus ar c’hig, ha pa c’houlennas ar mestr diganta\u00f1 hag-e\u00f1 ‘nevoa ket doan deus al labour hag e sellas ken druz all deus ar gwaz bras-se, ken ledan e chouk evel un daol ha ken hir e zivhar ! Hema\u00f1, a so\u00f1je Fa\u00f1chig, a dle beza\u00f1 ur mailh war al labour, mar be ret din mont da heul, n’ouzon ket penaos e vo kont ! Met dont a rae an dour ‘n e c’heno\u00f9 pa selle ‘trezek ar c’hig- sall ha, ma feiz, e respontas ne c’houlenne ket gwelloc’h evit labourat. Ha l\u00e2ret ‘oa dezha\u00f1 neuze dont pa garfe da vevel bihan.
\n\u00ab Ma ! Te zo sot-mat, a l\u00e2ras e vreur dezha\u00f1 pa oant o retorn, n’eo ket me ‘vije aet d’ur seurt streuvell bepred !
\n\u2014\tPetra, eme Fa\u00f1chig, ne ‘teus ket taolet pled deus ar c’hig-sall ? \u00bb<\/p>\n
[1961 ?]<\/p>\n","protected":false},"excerpt":{"rendered":"
Brema\u00f1 ez eus war-dro tregont vloaz bennak e veve e-kichen du-ma\u00f1 un inta\u00f1vez yaouank gant he c’hwec’h bugel ‘n un tamm menaj […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2283","page","type-page","status-publish","hentry"],"acf":[],"yoast_head":"\n