Pa dimezas Fe\u00f1ch da Vai-Louiz ne oa ket bet kalz a didamper, nann, yod a oa bet da lein deiz an eured ‘vel an devejo\u00f9 all, rak en desped d’e dud ‘oa dimezet Fe\u00f1ch, ur mab a di. Mai-Louiz ‘oa merc’h ur gwiader ha perc’henn netra, met ur plac’h dilu ha dir war he fas.
\nEn amzer ma l\u00e2ran dac’h e oa peurvuia\u00f1 an ozhac’h a vije mestr en ti. Nemet Mai- Louiz na intente ket an trao\u00f9 er stumm-se. Divizet he devoa eus Fe\u00f1ch penaos pep hini a lakaje eus e gostez ha na vije ket ar memes hini a raje an holl blegenno\u00f9 ; mat ‘oa se da Fe\u00f1ch, hag an intent a badas ur c’hrogad.
\nSavet gante un tamm ostaliri war ar maez hag un ti-forn, a damm da damm e sav- jont ur stal darempredet mat ; met Fe\u00f1ch a blije dezha\u00f1 ta\u00f1va ar boutailho\u00f9 ha zoken dirouda\u00f1 hinienno\u00f9 da regali\u00f1 e gamaladed. Mai-Louiz a groze, a stourme, ha trouz ha bec’h ha chao e-barzh al loch.
\nA-benn ar fin ha Mai-Louiz kuit !\u2026 Pa na oa ket, emezi, a voaien da zont a-benn eus Fe\u00f1ch. Lakat a reas un toullad dilhad ‘n ur sac’h war he chouk ha \u00ab tius \u00bb hag en hencho\u00f9 !\u2026 ‘n ur ober ‘bep seurt so\u00f1jo\u00f9. Pevar bugel ‘oa dija. Na ouie ket kaer etrezek pelec’h mont. Ur gintervez he devoa ‘kostez Bear, nemet na oa ket o c’hor- toz Mai-Louiz d’arruout er stumm-se war he c’hein, pell ac’hane !
\nOber ‘r\u00ea tammo\u00f9 diskuizhadenno\u00f9 gant he sac’had du-ma\u00f1 du-hont, pa gave un ti bihan bennak war ribl an hent ha peurvuia\u00f1 ti ur baourez kozh bennak, hag a gonte he zammig doare.
\nGwech ‘vije roet ton de’i : \u00ab Feiz ‘vat neuze sur, mar boa kont evel-se, ‘peus graet mat o karzha\u00f1, me am bije graet eveldoc’h ivez ‘vat, brema\u00f1 ‘welo !\u2026 \u00bb
\nGwecho\u00f9 all ‘vije dizaliet ha roet neubeut a don d’he c’haoz : \u00ab O ma na oa ken ‘met se ‘vat !\u2026 Me am eus tremenet gwashoc’h piko\u00f9 ‘vit se ha n’am beus biskoazh so\u00f1jet karzha\u00f1 kuit. \u00bb \u00ab Petra ? Mont er giz-se diwar-dro ho pugale hag ho loened ? Propoc’h ‘vefe deoc’h retorn sur ! \u00bb
\nAr gaoz-se na blije ket kaer da Vai-Louiz rak he c’halon ‘oa chomet er g\u00ear ha bis- koazh na devoa graet he c’hont da dremen hep retorn, c’hoant hepken de’i da rei\u00f1 ur gentel da Fe\u00f1ch.
\nDa serr-noz e tigouezhas e ti he c’henitervez, ha da gonta\u00f1 he c’haoz adarre. ‘Seblante ket houma\u00f1 ‘vat roi\u00f1 kalz a don da Vai-Louiz. Bepred ‘oa lojet ; nemet abred ‘oa diskwelet dei ‘oar skuizh ganti.
\nHa Fe\u00f1ch n’arrue ket d’he c’hlask, moarvat en devoa klasket da genta\u00f1 e ti he c’ha-maradezed war-dro !\u2026
\nMai-Louiz, mall ganti da retorn d’ar g\u00ear, na c’houlenne ket plega\u00f1 koulskoude, peo- tramant, gouez de’i, eo achu ganin dont a-benn eus Fe\u00f1ch. Ret eo din leuskel ane- zha\u00f1 da heugi\u00f1 ur pennad gant e streuvell, hag ar gomerezed a renko da gaout d’en zikour.
\nUn devezh\u2026 daou devezh\u2026 a dremenas evel-se en daoust hag en gortoz ; gant he bugale ne oa ket ken nec’het-se rak Fe\u00f1ch ‘oa un tad mat. Met daou dra ‘oa war he spered : ur vamm-wiz da gloda\u00f1 hag he mouchouer stamm nevez-flamm ‘devoa ankouezet e-pign eus penn he gwele-kloz. An trede deiz Fe\u00f1ch n’arrue ket bepred\u2026 Ma, ‘me Vai-Soaz, sur a-walc’h n’eo ket deut da gompren dezha\u00f1 etrezek pelec’h on deut\u2026
\nRet eo din rei\u00f1 da c’houzout dezha\u00f1. Ma lakafen skriva\u00f1 dezha\u00f1 ha ‘m eus kavet labour da ganna\u00f1 e kouent Bear. Degas din daou vugel, ar daou vrasa\u00f1, a vezo bevet ha skolaet war varc’had ma labour, ha me ‘vezo paeet eizh real bemdez. Evel-se bepred e ouvezo pelec’h e ran ma demeura\u00f1s.
\nGraet ‘oa an taol raktal. Ha kerkent ha resevet he lizher gant Fe\u00f1ch, hag e\u00f1 o tapout hent Bear evel-just, nemet ne oa ket da gas ar vugale da Vai-Louiz, a c’hel- lit kredi\u00f1, d’he fedi\u00f1 da retorn, ya !\u2026 Stad vras ‘oa e kalon Mai-Louiz o welout Fe\u00f1ch oc’h arruet, met ret ‘oa de’i ober un tamm bihan a \u00ab gomedi \u00bb, pe ne vije talvezet netra he zec’hadenn.
\nPedi\u00f1 ‘reas Fe\u00f1ch e wreg da zont d’ar g\u00ear ganta\u00f1.
\n\u00ab Petra ? D’ar g\u00ear ? eme Vai-Louiz, n’in ket laouen ! Me ‘m eus kavet labour ama\u00f1. Degas din un hanter eus ar vugale\u2026 rak te, sakrebie lonker, n’eus ket a voaien da zerc’hel bara ganit.
\n\u2014\tO Mai-Louiz ! Ma fried santel, retorn d’ar g\u00ear ha me ‘che\u00f1cho.
\n\u2014\tBiken ken war da dro, eme Vai-Louiz, pa n’eus kont ebet d’ober ganit !\u2026
\n\u2014\tO Mai-Louiz kaezh ! En anv Doue ! Abalamour d’ar vugale !\u2026
\n\u2014\tTeneraat a rez ma c’halon, Fe\u00f1ch, pa gomzez en anv Doue, nemet un dra a divi- zan kent retorn : ret-mat e vezo dit senti\u00f1 dalc’hmat !
\n\u2014\tHag e rin, me ‘raio an holl blegenno\u00f9, met deus d’ar g\u00ear ganin. \u00bb
\nHa feiz ! setu int kontant o-daou\u2026 An dro-ma\u00f1 ‘vat ‘oa Fe\u00f1ch a dougas ar sac’had war hent an distro. Ar genitervez eus he c’hostez ‘oa stad enni ivez o tisfoara\u00f1 eus Mai-Louiz. Hag ar vugaligo\u00f9 a grias gant al levenez ‘n ur lammat da bokat d’o mamm hag a oa ivez daero\u00f9 en he daoulagad, ‘c’hellit kredi\u00f1.
\nMai-Louiz moarvat he devoa bet a bep seurt soubenno\u00f9 goude c’hoazh, rak Fe\u00f1ch ‘oa pell eus beza\u00f1 ur sant. Hag a-benn he devoa savet seizh bugel diwar o foan hag o labour (d’ar mare-se ne vije ket a sikourio\u00f9 evit sevel bugale) ‘oa bet tenn an trao\u00f9 alies. Met ar sorc’henn mont kuit ‘oa bet distoket diouti, daoust penaos ‘vije kont gant an doa- reo\u00f9, rak gwelet ‘devoa sklaer ‘oa c’hoazh gwelloc’h ar g\u00ear evit an \u00ab ti kuit \u00bb.
\n[1961 ?]<\/p>\n","protected":false},"excerpt":{"rendered":"
Pa dimezas Fe\u00f1ch da Vai-Louiz ne oa ket bet kalz a didamper, nann, yod a oa bet da lein deiz an eured […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2281","page","type-page","status-publish","hentry"],"acf":[],"yoast_head":"\n