Etre Koad-an-Noz ha Koad-an-Ne\u00f1v, war ribl hent Lokenvel hag a zisparti an daou goad, e veve, brema\u00f1 zo un hanter-kant vloaz pe war-dro, un inta\u00f1v kozh hag e ziv verc’h, e-barzh un tamm ti bihan plouz.
\nAr c’hozhiad ‘oa bet a-hed e amzer \u00ab loaiouer \u00bb, ur vicher aet da fall un tamm zo adarre. Pa oa erru re gropet e zaouarn ha re izel e weled a renkas paouez d’ober loaio\u00f9.
\nE ziv verc’h na oent tamm ebet ruz war al labour ; hini an\u00ea na chome da c’hounit : setu ma oent en em laket da stammerezed. O ! ‘oa ket diaes ‘vat derc’hel labour d\u00ea war ar stern, rak pell ‘vijent oc’h ober kalz ; ha dienez ‘oa en ti.
\nAr paotr kozh a glaske keuneud d’ober tan, ha tan a vije ken a nije ar ful dre veg ar siminal.
\nDa noz ‘kerzh ar goa\u00f1v ‘raent un dommadenn o-zri ‘raok mont da gousket, pep hini war e damm skabell, ha ret ‘vije d’ar merc’hed souza\u00f1 a-dre\u00f1v e berr amzer, pe ‘vijent rostet ‘vel ur penn yer eus ar ber pa groge ar paotr kozh d’ober tan.
\nUn dro bennak a varvas an tad ha kerse ‘oa gant ar merc’hed rak hini an\u00ea na devoa kouraj da glask danvez-tan nag aez da brena\u00f1 kennebeut.
\nChom a raent bepred evel kustum da luduenni\u00f1 dirak an nebeud glaouenno\u00f9 a chome en oaled goude koan, met brema\u00f1 ‘vat n’eo ket souza\u00f1 ‘raent : derc’hel da dostaat, ya, hep aon da rosta\u00f1.
\nUr wech bennak bepred e tremenas a-rez an nor ur brakonier o vont d’ober un tamm tro d’ar c’hoad. Tremen ‘rae sioulik hag a glevas an eil o l\u00e2ret d’eben : \u00ab Ma ! Pa oa bev hon zad a yaemp bemdez war a-dre\u00f1v, met brema\u00f1 ‘vat yamp war a- raok ! \u00bb
\nAr pezh a sinifie a renkent souza\u00f1 pa vijent ‘tal an tan ha brema\u00f1 a renkent tos- taat. Nemet ar brakonier a gomprene penaos moarvat a oa gwellaet ar stal gante. Hag aet ar gaoz ‘oa erru pinv\u00eek merc’hed al loaiouer, ha savet pres warne, ha graet gante ‘benn ar fin pep a damm fortun-vat ‘vel ma vez l\u00e2ret, a-greiz n’houle den dioute. Ken didalvez ha ma oant.
\nNe ouzon ket petore menaj o devoa graet, met evit danvez div wreg vat a baour a oent bepred.<\/p>\n
[1961 ?]<\/p>\n","protected":false},"excerpt":{"rendered":"
Etre Koad-an-Noz ha Koad-an-Ne\u00f1v, war ribl hent Lokenvel hag a zisparti an daou goad, e veve, brema\u00f1 zo un hanter-kant vloaz pe […]<\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_acf_changed":false,"ngg_post_thumbnail":0,"footnotes":""},"class_list":["post-2277","page","type-page","status-publish","hentry"],"acf":[],"yoast_head":"\n