E koun Sisil

Warc’hoazh da Ouel, mignonez
N’az ankounac’hain morse.
Ur rezon nevez da soñjal ennout :
Adkavet ‘m eus da zremm
War dremm yaouank da c’hourniz
An hevelep furm, an hevelep liv
Da vizaj gwenn-laezh hirvoan
Da zaoulagad du o selloù berv
Da dal uhel da vlev kazugel.
Zoken da vouezh — un derez izeloc’h —
Lentoc’h un nebeud. Yannig zo yaouank.
… Un neudenn gevrinus am stag outañ :
Da Eñvor Sisil.
Marteze da Ene adenkorfet ?

21 a viz Du 1976

Print Friendly, PDF & Email