Arnev

Div goumoulenn o pourmen
Fall o imor, teñval o fenn.
Tommet-mat dezho diouzh feson
Rak un nebeud a-dreuz e kerzhont
Ha daoust m’eo ledan an hent
Emaint aet da ‘n em dourtal
A-walc’h. Keta ? ‘vit kounnariñ
Ha lakaat an traoù da dreiñ fall.
… Oi ! Setu trouz o sevel,
Malañ gros a reont a lajadoù
Teurel outo tan ha luc’hed
Erfin ‘n em gannañ ken a foeltr,
Ma tever an dour outo a dakadennoù.
— A dakadennoù ? A-ruilh, a-builh, a-struilh !
Ret eo lazhañ tan ar gounnar…
Torret ivez e sec’hed d’an douar !

Mezheven 1964

Print Friendly, PDF & Email